நீதிமன்றத்தில் பசில் ராஜபக்ஷ சிக்கல்: ‘விமானத்தில் வர முடியாது’ என்ற மருத்துவ அறிக்கை – ஆனால் டிக்கெட் முன்பதிவு செய்யப்பட்டிருந்தது!

மாத்தறையில் நடைபெறும் முறைகேடு வழக்கில் முன்னாள் அமைச்சர் பசில் ராஜபக்ஷ நேற்று நீதிமன்றத்தில் ஆஜராகாத நிலையில், அவர் இலங்கைக்கு வருவதற்கான விமான டிக்கெட்டுகள் முன்பதிவு செய்யப்பட்டிருந்தும் பின்னர் ரத்து செய்யப்பட்டன என்பது நீதிமன்றத்தில் அம்பலமானது. மருத்துவ காரணங்களால் பசில் பயணிக்க முடியாது என அறிக்கைகள் சமர்ப்பிக்கப்பட்டிருந்தாலும், அவற்றில் பல முரண்பாடுகள் இருப்பதாக துணை சொலிசிட்டர் ஜெனரல் நீதிமன்றத்தில் சுட்டிக்காட்டினார். ஒரே மருத்துவர் வழங்கிய அறிக்கைகளில் வேறுபாடு காணப்பட்டதுடன், விமான நிறுவனம் வழங்கிய படிவத்தில் பசில் பயணத்திற்குத் தகுதியானவராகத் தானே குறிப்பிட்டுள்ளார் என்பதும் வெளிப்படுத்தப்பட்டது.