மோட்டார் சைக்கிள் விபத்து – 8 வயது சிறுமி பலி !

அநுராதபுரம் – கலென்பிந்துனுவெவ பகுதியில் இரண்டு மோட்டார் சைக்கிள்கள் மோதி விபத்துக்குள்ளானதில் எட்டு வயது சிறுமியொருவர் உயிரிழந்துள்ளார். இவ் விபத்தில் மேலும் நான்கு பேர் காயமடைந்துள்ளனர். உயிரிழந்த சிறுமி, கலென்பிந்துனுவெவ – வலனேகம பகுதியைச் சேர்ந்தவர் என தெரிவிக்கப்படுகிறது. குறித்த சிறுமி, தமது தாய் மற்றும் சகோதரருடன் மோட்டார் சைக்கிளில் பயணித்துக் கொண்டிருந்தபோது மற்றுமொரு மோட்டார் சைக்கிளில் மீது மோதியதில் இந்த விபத்து நேர்ந்துள்ளதாக பொலிஸார் தெரிவித்துள்ளனர்.