ரத்த காட்டேரி போன்ற கொடூரமான உருவங்களைத் தன் முகத்தில் தானே வரைந்து மகிழும் ஒப்பனைக் கலைஞர் (படங்கள்)

அமெரிக்காவில் வசிக்கிறார் 24 வயது ஜோர்டன் ஹான்ஸ். இவர் ஓர் ஒப்பனைக் கலைஞர். புராணக்கதைகளில் வரக்கூடிய கொடூரமான உருவங்களைத் தன் முகத்தில் இரண்டு ஆண்டுகளாக வரைந்து வருகிறார்.

3 முதல் 5 மணி நேரம் செலவிட்டு, ஓர் ஒப்பனையை நிறைவு செய்கிறார். அழகான முகத்தை இப்படிக் கோரமாக மாற்றிக்கொள்ளலாமா என்று ஏராளமானவர்கள் எதிர்மறை விமர்சனங்களைச் சொல்லி வருகிறார்கள்.

“உலகத்தைப் பற்றி எனக்குக் கவலை இல்லை. எனக்குப் பிடித்த வேலையை நான் செய்கிறேன். என் கணவர் ஒருநாள் கூட ஏன் இப்படிச் செய்கிறாய் என்று கேட்டது இல்லை.

இதைவிட வேறு என்ன வேண்டும்?’’ என்று கேட்கிறார் ஜோர்டன்.