``ரெண்டு புள்ளைங்க இருந்தும் சோறுதண்ணி இல்ல!’’ - விஷமருந்திய தாயின் இறுதி நிமிடங்கள்

சீர்காழி அருகே இரண்டு மகன்கள்-மருமகள்கள் கவனிக்காததால், மனமுடைந்த மூதாட்டி விஷமருந்தி உயிருக்குப் போராடினார். அந்நிலையிலும்கூட தாயைக் காப்பாற்ற முன்வராத மகன்களின் செயலை நினைத்து, அப்பகுதி மக்கள் குமுறுகின்றனர்.

முதுமையின் காரணமாக, தற்போது அருமைக்கண்ணுக்கு கூலி வேலைக்குப் போக முடியாத நிலை ஏற்பட்டுள்ளது. உணவுக்கும், மருந்துக்கும் தவித்திருக்கிறார். தன் பரிதாப நிலை பற்றி மகன்களிடம் கெஞ்சியும் பலனில்லை. மனமுடைந்து, விரக்தியின் எல்லைக்குச் சென்ற அநாதையாக்கப்பட்ட அந்தத் தாய், அருகிலுள்ள தோப்பில் அரளி விதையை அரைத்து உட்கொண்டு உயிரை மாய்த்துக்கொள்ள முயன்றிருக்கிறார். உயிருக்குப் போராடிய அவரைக் கண்டு அதிர்ச்சியடைந்த அப்பகுதியினர், மகன்களுக்குத் தகவல் சொல்லியும் அவர்கள் வரவில்லை. தாய் அருமைக்கண்ணு 108 ஆம்புலன்ஸ் வந்தபோது, மூதாட்டியின் உறவினர்கள் யாரும் உடன் செல்ல முன் வராததால், ஆம்புலன்ஸ் அவரை ஏற்றிச்செல்லாமல் திரும்பிச் சென்ற கொடுமையும் நடந்திருக்கிறது. இதற்கிடையில் சிலர் அருமைக்கண்ணுவிடம் பேச, ``ரெண்டு புள்ளைங்க இருந்தும் சோறு தண்ணி இல்ல. அப்பறம் எப்படி வாழறது. அதான் அரளி விதையைக் குடிச்சேன்" என்று தன் சோகத்தை குமுறியிருக்கிறார்.