தீ விபத்து: 4வது மாடியில் இருந்து 3 குழந்தைகளை கீழே வீசிய தாய்- வீடியோ இதோ

பையோங்தேயக் நகரில் அமெரிக்கப் படையினர் நிலைகொண்டிருந்த ஓஸன் விமான தளத்திற்கு அண்மையிலிருந்த அந்த மாடிக் கட்டடத்தில் தீ ஏற்பட்ட வேளை பிறீசியஸ் என்யியோகோ (30 வயது) என்ற மேற்படி தாய் நான்காவது மாடியிலுள்ள தனது வீட்டில் தனது 3 பிள்ளைகளுடனும் வெளியேற முடியாது சிக்கிக் கொண்டுள்ளார். அந்தப் பிள்ளைகளது வயதுகள் முறையே 7 மாதம், 2 வயது மற்றும் 4 வயது ஆகும். இந்நிலையில் சம்பவ இடத்துக்கு வந்த அமெரிக்கப் விமானப்படையினரும் உள்ளூர்வாசிகளும் அந்த மாடிக் கட்டடத்திற்கு கீழே விரிப்பொன்றை விரித்துப் பிடித்தவாறு அந்தப் பெண்ணை அவரது பிள்ளைகளைத் தூக்கி விரிப்பின் மீது வீச ஊக்கப்படுத்தினர். மாடியிலிருந்து வீசப்படும் குழந்தைகள் சரியாக விரிப்பின் மீது விழுந்து உயிர் தப்புமா இல்லையா என்ற சந்தேகத்தின் மத்தியில் எவ்வாறாவது தீயிலிருந்து தனது பிள்ளைகளைக் காப்பாற்ற வேண்டும் என்ற தீவிரத்துடன் அந்தத் தாய் தனது 3 பிள்ளைகளையும் ஒருவர் பின் ஒருவராக தூக்கி கீழே வீசியுள்ளார்.