15 வயது சிறுமி பாலியல் துஷ்பிரயோகம் ; 24 வயது இளைஞர், பெற்றோர் கைது!

15 வயது சிறுமியை பாலியல் துஷ்பிரயோகம் செய்த குற்றச்சாட்டில் 24 வயது இளைஞர் உட்பட அவருக்கு உதவியதாக கூறப்படும் பெற்றோர் பொலிஸாரால் கைது செய்யப்பட்டுள்ளனர். இவ்வாறு கைது செய்யப்பட்டவர்கள் அநுராதபுரம் , தந்திரிமலை பிரதேசத்தை சேர்ந்தவர்களாவர். கடந்த ஒக்டோபர் மாதம் பாதிக்கப்பட்ட சிறுமியின் தாய் , தனது மகள் காணாமல் போயுள்ளதாக கூறி ஓயாமடுவ பொலிஸ் நிலையத்தில் முறைப்பாடு அளித்ததையடுத்து பொலிஸார் விசாரணைகளை ஆரம்பித்துள்ளனர். இந்நிலையில் பொலிஸாருக்கு கிடைத்த தகவலின் பேரில் அநுராதபுரம் , தந்திரிமலை பிரதேசத்தில் அமைந்துள்ள வீடொன்றில் மேற்கொள்ளப்பட்ட சோதனையில் இந்த சிறுமி பொலிஸாரால் மீட்கப்பட்டுள்ளார். இதனையடுத்து சிறுமியை பாலியல் துஷ்பிரயோகம் செய்த குற்றத்திற்காகவும் சிறுமியை பலாத்காரமாக வீட்டில் தடுத்து வைத்திருந்த குற்றத்திற்காகவும் சந்தேக நபர்கள் கைது செய்யப்பட்டுள்ளனர்.