5 நாட்களில் ரூ. 165 கோடி வசூல்! சூர்யா - த்ரிஷாவின் 'கருப்பு' திரைப்படம் உலகளவில் சாதனை!

ஆர்.ஜே. பாலாஜி இயக்கத்தில், சூர்யா நடிப்பில் அண்மையில் வெளியாகி திரையரங்குகளில் வெற்றிகரமாக ஓடிக்கொண்டிருக்கும் 'கருப்பு' திரைப்படம் வசூலில் புதிய சாதனைகளைப் படைத்து வருகிறது.

இப்படத்தை 'டிரீம் வாரியர் பிக்சர்ஸ்' (Dream Warrior Pictures) நிறுவனம் தயாரித்துள்ளது. 'ஆறு' படத்திற்குப் பிறகு பல ஆண்டுகள் கழித்து சூர்யாவுடன் இணைந்து த்ரிஷா இப்படத்தில் கதாநாயகியாக நடித்துள்ளார். மேலும், மலையாள திரையுலகின் மூத்த நடிகரான இந்திரன்ஸ் இப்படத்தில் ஒரு முக்கிய கதாபாத்திரத்தில் நடித்து, ரசிகர்களினதும் விமர்சகர்களினதும் பாராட்டைப் பெற்றுள்ளார்.

பின்னணி இசை மற்றும் விமர்சனங்கள்

ஆரம்பத்தில் கலவையான விமர்சனங்களைப் பெற்றிருந்தாலும், சாய் அப்யங்கரின் (Sai Abhyankkar) மிரட்டலான பின்னணி இசை மற்றும் சூர்யாவின் அதிரடி நடிப்பு ஆகியவை படத்திற்கு மிகப்பெரிய பலமாக அமைந்துள்ளன. இதனால், முதல் நாளில் இருந்தே உலகளவில் 'கருப்பு' திரைப்படத்திற்கு வசூல் ரீதியாக மிகப்பெரிய வரவேற்பு கிடைத்து வருகிறது.

5 நாள் வசூல் விபரம்

இந்த நிலையில், படம் வெளியாகி 5 நாட்கள் நிறைவடைந்துள்ள நிலையில் அதன் அதிகாரப்பூர்வ வசூல் விபரங்கள் வெளியாகியுள்ளன. அதன்படி, கடந்த 5 நாட்களில் மட்டும் 'கருப்பு' திரைப்படம் உலகளவில் ரூ. 165 கோடிக்கும் மேல் வசூல் செய்து பாக்ஸ் ஆபீஸில் சாதனை படைத்துள்ளது. சூர்யாவின் திரைப்பயணத்தில் மிக வேகமாக 150 கோடியைக் கடந்த திரைப்படங்களில் ஒன்றாக 'கருப்பு' மாறியுள்ளது குறிப்பிடத்தக்கது.