H1B விசா மோசடி: விண்ணப்பதாரர்களுக்கு தீவிர விசாரணை உத்தரவு – ட்ரம்ப் நிர்வாகத்தின் அதிரடி நடவடிக்கை

மோசடி புகாரை தொடர்ந்து H1B விசா விண்ணப்பதாரர்களை தீவிர விசாரணைக்கு உட்படுத்த ட்ரம்ப் நிர்வாகம் உத்தரவிட்டுள்ளது. அமெரிக்காவில் பணியாற்றும் வெளிநாட்டு தொழிலாளர்களுக்கு வழங்கப்படும் H1B விசாக்களில் சுமார் 75% இந்தியர்களுக்கே வழங்கப்படுகின்றன.

அமெரிக்கர்களின் வேலை வாய்ப்பை பறிக்கும் வகையில் இந்த விசா பயன்படுத்தப்படுகிறது என கூறி, ஜனாதிபதி டொனால்ட் ட்ரம்ப் பல்வேறு கட்டுப்பாடுகளை முன்பே விதித்திருந்தார்.

இதற்கு காரணமாக, அமெரிக்க முன்னாள் எம்.பி மற்றும் பொருளாதார நிபுணர் டேவ் பிராட்,
“சென்னையில் உள்ள அமெரிக்க தூதரகம் வழியே மட்டும் 2 லட்சத்து 20 ஆயிரம் H1B விசாக்கள் வழங்கப்பட்டுள்ளன”
என்று குற்றச்சாட்டு முன்வைத்தார்.

இந்த புகாரைத் தொடர்ந்து, அமெரிக்க வெளியுறவுத்துறை புதிய உத்தரவை பிறப்பித்துள்ளது:

 புதிய உத்தரவுகள்:

• H1B விசா விண்ணப்பங்களை அதிகமாக சோதனை செய்ய வேண்டும்

• விண்ணப்பதாரர்களை தீவிர விசாரணைக்கு உட்படுத்த வேண்டும்

• அனைவரின் சுயவிவரங்களை ஸ்கேன் செய்து சரிபார்க்க அதிகாரிகளுக்கு உத்தரவு

இதனால், எதிர்காலத்தில் H1B விசா பெறுவது மேலும் கடினமாகும் என நிபுணர்கள் கூறுகின்றனர்.