SriLankan Airlinesன் அவசர அறிவிப்பு: சவூதிக்கான விமானங்கள் ரத்து

சவூதி அரேபியாவில் உருவாகியுள்ள போர்ப் பதற்ற சூழ்நிலையைக் கருத்திற் கொண்டு, இலங்கையின் கட்டுநாயக்கவிற்கும் சவூதி அரேபியாவின் தம்மாம் நகரத்திற்கும் இடையிலான ஸ்ரீலங்கன் ஏர்லைன்ஸ் (SriLankan Airlines) விமான சேவைகள், எதிர்வரும் ஒக்டோபர் 18ஆம் திகதி வரை தற்காலிகமாக இடைநிறுத்தப்பட்டுள்ளன.

இத் தீர்மானம் குறித்து ஸ்ரீலங்கன் ஏர்லைன்ஸ் நிறுவனத்தின் பெருநிறுவனத் தொடர்பாடல் பிரிவு விடுத்துள்ள உத்தியோகபூர்வ ஊடக அறிக்கையில் தெளிவுபடுத்தப்பட்டுள்ளது.

"ஸ்ரீலங்கன் ஏர்லைன்ஸ் நிறுவனம் எப்போதுமே தனது பயணிகள் மற்றும் விமானப் பணிக்குழாமினரின் பாதுகாப்பிற்கே முதன்மை முன்னுரிமை அளித்துச் செயற்படுகின்றது. எனவே, தற்போதைய சூழல் வணிக ரீதியிலான விமானப் போக்குவரத்திற்குப் பொருத்தமானது என உறுதிப்படுத்தப்பட்ட உடனேயே, சேவைகள் மீண்டும் ஆரம்பிக்கப்படும்" என்றும் அந்த அறிக்கையில் சுட்டிக்காட்டப்பட்டுள்ளது.

இவ் இடைநிறுத்தம் காரணமாகப் பயணிகளுக்கு ஏற்படும் அசௌகரியங்களுக்குச் ஸ்ரீலங்கன் ஏர்லைன்ஸ் நிறுவனம் தனது விசனத்தைத் தெரிவித்துக் கொள்கிறது.

இது தொடர்பான மேலதிக விபரங்களைப் பெற்றுக்கொள்வதற்கு, பயணிகள் தங்களது பயண முகவர்களைத் (Travel Agents) தொடர்புகொள்ளுமாறு கேட்டுக்கொள்ளப்படுகின்றனர். மேலும், பின்வரும் தொலைபேசி எண்கள் மற்றும் இணையதள வழிகளினூடாகவும் மேலதிகத் தகவல்களை அறிந்துகொள்ள முடியும்:

·  இலங்கையிலிருந்து: 1979

·  சர்வதேச அழைப்புகளுக்கு: +94117771979

·  வாட்ஸ்அப் (WhatsApp குறுஞ்செய்தி): +94744441979

·  இணையதளம்: <-block _nghost-ng-c2292276658="">www.srilankan.com