அநுரவும் எந்த அதிசயங்களையும் செய்யப்போவதில்லை

தமிழ்ப்பேசும் கட்­சிகள், கடந்த வாரம் ஜனா­தி­பதி அநுர குமார திசா­நா­யக்க, எதிர்க்­கட்சித் தலைவர் சஜித் பிரே­ம­தாச மற்றும் இலங்­கைக்­கான இந்­தியத் தூதுவர் சந்தோஷ் ஜா ஆகி­யோரை சந்­தித்து தமிழ் மக்­களின் பிரச்­சி­னைகள் குறித்து உரை­யா­டி­யி­ருந்­தன. ஆனால், இந்த சந்­திப்பில் கட்­சிகள் எதிர்­பார்த்த அதி­ச­யங்கள் எதுவும் இடம்­பெ­ற­வில்லை.  இது எதிர்­பார்க்­கப்­பட்ட விடயம் தான்.

இலங்கை ஜனா­தி­பதி  ஆச­னத்தில் அமரும் எந்த   சிங்­கள பெளத்த  அர­சி­யல்­வா­தியும் தமிழ் மக்­களின் பிரச்­சி­னை­களை ஒரே கண்­ணோட்­டத்­தி­லேயே அணு­குவர். இது வர­லாறு கற்றுத்தந்த தந்த பாடம். இதை அறிந்தும்    தமிழ்ப் பேசும் கட்­சிகள் ஏன்  சந்­திப்பை மேற்­கொண்­டன? தாம் ஒன்­றி­ணைந்­த­மைக்கு ஏதா­வது காய் நகர்த்­தல்­களை  தேசிய மட்­டத்தில் மேற்­கொள்ள வேண்டும் என்ற நிர்ப்­பந்தம்  இவர்­க­ளுக்­குள்­ளது. அதை விட, ‘இவர்கள் இணைந்து எமக்கு என்ன செய்து விடப்­போ­கின்­றனர்’ என்ற எதிர்ப்­பார்ப்பு இவர்­க­ளுக்கு வாக்­க­ளித்த மக்­க­ளுக்கும் உள்­ளதே?


அதன்­படி ஒரு கட்­சி­யி­லி­ருந்து மூன்று பேர் வரை கலந்து கொள்­வ­தற்­கான ஏற்­பா­டு­களும் சம்­ம­தங்­களும் கட்­சி­களின் உயர்­பீட உறுப்­பி­னர்கள் மத்­தியில் பெறப்­பட்­டி­ருந்­தாலும் தமிழ் முற்­போக்குக் கூட்­டணி  எம்.பி.க்கள் சார்­பாக வே.இரா­தா­கி­ருஷ்ணன்  மாத்­தி­ரமே கலந்து கொண்­டி­ருக்­கின்றார். இதை ஜனா­தி­ப­தியும் எதிர்ப்­பார்த்­தி­ருக்க மாட்டார் எனலாம். தன்னை சந்­திக்க வந்த கட்சிப் பிர­மு­கர்­க­ளிடம் அவர் மனோ எம்.பி. வருகை தராமை  குறித்து கேள்­வி­யெ­ழுப்­பி­யி­ருக்­கின்றார். ஆனால்,  மனோ கணேசன் எம்.பி. வருகை தந்­தி­ருந்­தாலும் கூட,  ஆறு கட்­சி­களும் முன் வைத்த கோரிக்­கைக்கு ஜனா­தி­ப­தியின் பதில்­களில் எந்த வித்­தி­யா­சங்­களும் இருந்­தி­ருக்­காது என்­பது திண்ணம்.  




மலை­யகப் பிர­தேச புவி­யியல் மற்றும் நிலப்­பி­ர­தேசம்  தொடர்பில் இவ்­வாறு துல்­லி­ய­மாக தக­வல்­க­ளை வெளி­யிடும் ஜனா­தி­பதி,  வடக்கு கிழக்கு காணிகள் தொடர்பில் அறிக்கை பெற்­றுக்­கொள்ள வேண்­டிய நிலை­யி­லி­ருக்­கின்றார். அவ­ரது பதில்­க­ளி­லி­ருந்து இப்­போ­தைக்கு வடக்கு, கிழக்கு காணி விடு­விப்பு,  மலைய சமூ­கத்தின் காணி உரிமை பிரச்­சி­னைகள்  அடுத்த ஜனா­தி­பதித் தேர்தல் வரை தீரப்­போ­வ­தில்லை என்ற முடி­வுக்கு வரலாம்.



  இலங்­கைக்­கான இந்­தியத் தூது­வரை சந்­தித்து தமிழ்க் கட்சி பிர­மு­கர்கள்  இந்­தி­ய–­இ­லங்கை ஒப்­பந்­தத்தின் அடிப்­ப­டையில் இலங்­கையின் அர­சி­ய­ல­மைப்பில் மாகாண சபை முறைமை அறி­மு­கப்­ப­டுத்­தப்­ப­டு­வதில் இந்­தியா ஆற்­றிய முக்­கிய பங்­க­ளிப்பும் குறித்து வலி­யு­றுத்­தி­யி­ருந்­த­துடன் மாகாண சபைத் தேர்­தல்­களை நடத்­து­வ­தற்­கான அழுத்­தங்­களை அர­சாங்­கத்­துக்கு வழங்க வேண்டும் என்றும் தமிழ் மக்­களின் பிரச்­சி­னை­களைப் பற்­றியும் கலந்­து­ரை­யா­டி­யுள்­ளனர்.