இணையத்தை மிரட்டும் ராஜாவின் 'Trance'.. ‘முத்துமணி’ பாடலால் நெகிழும் நெட்டிசன்கள்!- (வீடியோ)

ஸ்வேதா மோகன் ஒரு ரம்மியமான இசை திரளை திரட்டி இளையராஜாவிடம் கொடுக்க, வண்ணக்கிளியே என அவர் எடுக்கும் இடம் இரட்டை அலாதி. 83 வயதிலும் எப்படி இவரால் இந்த மேஜிக்கை நிகழ்த்த முடிகிறது என்ற ஆச்சரியத்தை எல்லோருக்கும் கடத்திவிடுகிறார். பின்னணியில் ஒலிக்கும் அந்த பேஸ் பீட் எல்லோருக்குள்ளும் அதிர்கிறது.

மெதுவாகத் தொடங்கி படிப்படியாக மாறும் இசை அமைப்பின் இறுதியில் ‘தனியா நான் தவிச்சு துடிக்கணுமா.. வாடி மீனாட்சி’ என முடிக்கும் இளையராஜா, நம்மை மொத்தமாக முடித்துவிடுகிறார். முத்துமணி பாடலை ஒட்டுமொத்த தமிழ்சினிமா ரசிகர்களும் கொண்டாடிவருகின்றனர்..

இப்பாடல் கார்த்திக் சுப்புராஜ் இயக்கத்தில் கீர்த்தி சுரேஷ், சனாந்த், ரிஷிகாந்த் உள்ளிட்டோர் முக்கிய கதாபாத்திரங்களில் நடித்து வெளிவரவிருக்கும் டோரதி படத்தில் இடம்பெற்றுள்ளது. இப்படத்திற்கு இளையராஜா இசையமைத்திருக்கும் நிலையில், பாடலின் இரண்டாவது பாடலாக முத்துமணி வெளியாகி வரவேற்பை பெற்றுள்ளது.