ஒரே நாளில் 81 பேருக்கு மரண தண்டனை நிறைவேற்றம்' - சௌதியின் கடுமையான சட்டங்கள் ஒரு பார்வை
21 Oct, 2026
இலங்கையும் நெருக்கடியில் சிக்குமா?
மத்திய கிழக்கில் மீண்டும் போர்ப் பதற்றம் தீவிரமடைந்திருக்கிறது.
அமெரிக்காவுக்கும் ஈரானுக்கும் இடையில் கடந்த மாதம் செய்து கொள்ளப்பட்ட போர்நிறுத்த உடன்பாடு முடிவுக்கு வந்து விட்டதாக அமெரிக்க ஜனாதிபதி டொனால்ட் ட்ரம்ப் அறிவித்துள்ளார்.
முன்னதாக, திங்கள் மற்றும் செவ்வாய்க்கிழமைகளில் ஹோர்முஸ் நீரிணையில் பயணம் செய்த, சில வணிகக் கப்பல்கள் தாக்கப்பட்டதை அடுத்து, ஈரான் மீது அமெரிக்கா தாக்குதல்களை தொடங்கியிருந்தது.
ஈரானே அந்த தாக்குதல்களுக்கு பொறுப்பு என அமெரிக்கா கூறுகிறது.
ஆனால், அமெரிக்காவே இந்த தாக்குதல்களுக்குப் பொறுப்பு என்கிறது ஈரான்.
போர்நிறுத்தத்தை முறித்துக் கொண்டு மீண்டும் ஈரான் மீது அமெரிக்கா தாக்குதலை நடத்த, ஈரானும் பதில் தாக்குதல்களில் இறங்க, மத்திய கிழக்கில் மீண்டும் நிச்சயமற்ற நிலை ஏற்பட்டிருக்கிறது.
மத்திய கிழக்கில் ஏற்படும் எந்தவொரு பதற்ற நிலையும், சர்வதேச சந்தையில் எண்ணெய் விலையில் தாக்கத்தை ஏற்படுத்துவது வழக்கம்.
ஹோர்முஸ் நீரிணையை கட்டுப்படுத்தும் ஈரான் மீதான தாக்குதல்களை அடுத்து, மீண்டும் எண்ணெய் விலைகள் அதிகரிக்கத் தொடங்கியுள்ளன.
இலங்கையை பொறுத்தவரையில், இந்த போர் பொருளாதார ரீதியாகவும் பாதுகாப்பு ரீதியாகவும் நெருக்கடியை ஏற்படுத்தக் கூடியது.
மத்திய கிழக்குப் போரின் விளைவுகளை இலங்கை ஏற்கனவே எதிர்கொண்டு வருகின்ற சூழலில், மீண்டும் தொடங்கியுள்ள போர், இன்னும் தாக்கத்தை ஏற்படுத்தும்.Geographic Reference
சர்வதேச சந்தையில் ஏற்பட்ட எரிபொருள் நெருக்கடியை அடுத்து, அவசரமாக இலங்கை அரசாங்கம், கூடுதல் விலைக்கு எரிபொருளை கொள்வனவு செய்திருந்தது.
இதனால், சர்வதேச சந்தையில் எரிபொருள் விலைகள் குறைந்த போதும்,அதற்கு இணையாக விலையைக் குறைக்க கூடிய நிலை இருக்கவில்லை.
20, 25 ரூபா மாத்திரமே பெற்றோல், டீசல் விலைகள் குறைக்கப்பட்டன.
தற்போது மீண்டும் போர் தொடங்கியுள்ளதால், சர்வதேச சந்தையில் எரிபொருள் விலைகள் உயர்ந்துள்ளதால், அரசாங்கம் அடுத்து வரும் நாட்களில் எரிபொருள் விலைகளை அதிகரிக்கக் கூடிய சாத்தியங்கள் உள்ளன.
உள்நாட்டில் எரிபொருள் விலைகள் அதிகரிப்பது பொருளாதார ரீதியாக மாத்திரம் தாக்கத்தை ஏற்படுத்தாது.
பாதுகாப்பு ரீதியாகவும் அதன் தாக்கம் எதிரொலிக்கும்.
ஏனென்றால் இலங்கையின் பாதுகாப்பை உறுதிப்படுத்துவதற்கு கணிசமான எரிபொருளை செலவிட வேண்டிய சூழல் அரசாங்கத்திற்கு இருக்கிறது.
இலங்கையின் பரப்பளவை விட மூன்று மடங்கு பெரிய கடற்பரப்பை கண்காணிக்க வேண்டிய பொறுப்பு கடற்படை, கடலோரக் காவல்படை மற்றும் விமானப்படைகளுக்கு உள்ளது.
இலங்கை, பொருளாதார நெருக்கடியில் சிக்கியிருந்தபோது, டீசல் பற்றாக்குறையினால் இலங்கை கடற்படையின் போர்க்கப்பல்கள் ரோந்துப் பணிகளை முன்னெடுக்க முடியாமல் முடங்குகின்ற சூழல் ஏற்பட்டது.
அந்தச் சந்தர்ப்பத்தில் இந்தியாவின் ஊடாக அவுஸ்திரேலியா, இலங்கை கடற்படைக்கு 450 மெற்றிக் தொன் டீசலையும் விமானப்படைக்கு, 27 ஆயிரம் லீற்றர் எரிபொருளையும் வழங்கியது.
இலங்கை கடற்படையின் கண்காணிப்புத் திறன் குறையும் போது, அது அவுஸ்ரேலியாவின் பாதுகாப்பை பலவீனப்படுத்தும்.
ஏனென்றால், இலங்கையில் இருந்து அகதிகள் படகுகள் அவுஸ்திரேலியாவுக்கு செல்லக் கூடிய சாத்தியங்கள் இருந்தன. கடந்த காலத்தில் இவ்வாறான ஆட்கடத்தல்கள் அதிகளவில் இடம்பெற்றிருந்தன.
அதனை முறியடிப்பதற்கு, - தடுப்பதற்கு இலங்கை அரசாங்கத்துடன் இணைந்து பணியாற்ற வேண்டிய நிலை அவுஸ்திரேலியாவிற்கு ஏற்பட்டது.
ஒரு கட்டத்தில் அவுஸ்திரேலியாவுக்கு மனித உரிமை கரிசனைகள் அனைத்தையும் புறந்தள்ளி விட்டு, இலங்கைப் படைகளையும் அரசாங்கத்தையும் ஆதரிக்க வேண்டிய நிலையும் ஏற்பட்டது.
அவுஸ்திரேலியா, தனது பிரச்சினையில் இருந்து விடுபடுவதற்கு, இலங்கை கடற்படை மற்றும் விமானப்படைக்கு, கப்பல்கள், விமானங்கள் மற்றும் ஏனைய வசதிகளை செய்து கொடுக்கிறது.
அண்மையில் கூட அவுஸ்திரேலியா, 12 ட்ரோன்களை விமானப்படைக்கு கொடையாக வழங்கியது.
அவை கரையோரப் பகுதிகளில் கண்காணிப்புகளை தீவிரப்படுத்துவதற்காக பயன்படுத்தப்படுகின்றன.
இலங்கையில் இருந்து பல நாள் மீன்பிடிப் படகுகளில் அகதிகள் அவுஸ்திரேலியா நோக்கி படையெடுத்த காலம் இருந்தது.
அவ்வாறான நிலை மீண்டும் ஏற்படாது தடுப்பதற்காகவே, 4200 ஆழ்கடல் மீன்பிடிப்படகுகளுக்கு, சொந்தச் செலவில், வி.எம்.எஸ். எனப்படுகின்ற, கடற்கலங்களை கண்காணிக்கும் கருவிகளை பொருத்திக் கொடுத்திருக்கிறது.
இது இலங்கையின் பாதுகாப்புக்காகவோ, மீனவர்களின் பாதுகாப்புக்காகவோ கொடுக்கப்பட்டது அல்ல. அவுஸ்திரேலியா தனது பாதுகாப்புக்காகவே இவற்றைக் கொடுத்தது. இதனை இலங்கை தனக்கு சாதகமாக பயன்படுத்திக் கொள்கிறது.
இலங்கை கடற்படை மற்றும் விமானப்படை என்பன பயன்படுத்தும் கலங்கள், இலங்கையின் பாதுகாப்பை உறுதி செய்து கொள்வதற்காக மாத்திரம் இயங்கவில்லை.
வேறு பல நாடுகளின் பாதுகாப்பு தேவைகளுக்காகவும் அவற்றை ஈடுபடுத்துகின்ற நிலை உள்ளது.
தெரிந்தோ தெரியாமலோ உதவ வேண்டிய நிலை காணப்படுகிறது. இவ்வாறான சூழலில், மத்திய கிழக்குப் போர் தீவிரமடைவது, பொருளாதார ரீதியாக இலங்கை படைகளின் கண்காணிப்பு திறனை - பாதுகாப்பு திறனை பலவீனப்படுத்தும். இந்த போர் இடைநிறுத்தப்பட்டபோது, ஈரானிய உயர் தலைவர் மொஜ்தபா கமெனி ஒரு எச்சரிக்கையை விடுத்திருந்தார்.Geographic Reference
மீண்டும் அமெரிக்கா போரை தொடங்கினால், நாங்கள் மத்திய கிழக்கில் உள்ள அமெரிக்க நிலைகளை மாத்திரம் தாக்கமாட்டோம், அரபிக் கடலில், செங்கடலில், இந்திய பெருங்கடலில் உள்ள அமெரிக்க நிலைகளை எல்லாவற்றையும் தாக்குவோம் என அவர் எச்சரித்திருந்தார்.
ஏற்கெனவே, அமெரிக்கா இந்திய பெருங்கடலுக்குப் போரை கொண்டு வந்து விட்டது.
காலி துறைமுகத்துக்கு அப்பால் ஈரானிய போர்க்கப்பல் கடந்த மார்ச் மாதம் தாக்கப்பட்ட சம்பவம், ஈரானுக்கு பெரும் கோபத்தை ஏற்படுத்தியது.
அந்த கப்பல் மீது அமெரிக்கா திட்டமிட்டு தாக்குதல் நடத்தியதாக அது கருதுகிறது.
இலங்கை அரசாங்கம் அந்த மாலுமிகளை பாதுகாத்திருந்தாலும், அவர்களை உடனடியாக திருப்பி அனுப்பாதமை ஈரானுக்கு எரிச்சலூட்டியது.
இலங்கை கடற்படையிடம் தஞ்சமடைந்த ஈரானிய கப்பலான ஐ.ஆர்.ஐ.எஸ். புஷேர் இன்னமும் கூட திருகோணமலை துறைமுகத்தில் தரித்து நிற்கிறது.
இவ்வாறான நிலையில் அண்மையில் கொழும்பு வந்திருந்த, தெற்கு, மத்திய ஆசியப் பிராந்தியத்திற்கான அமெரிக்காவின் உதவி இராஜாங்கச் செயலர் போல் கபூரிடம், சர்வதேச அளவிலான பிரச்சினைகளில் இலங்கை நடுநிலையுடன் செயற்படும் என வாக்குறுதி அளிக்கப்பட்டது.
மத்திய கிழக்கு போரின் போது, இலங்கை அமெரிக்காவின் பக்கம் சார்ந்தே பெருமளவில் செயற்பட்டு வந்தது.
ஆனாலும், மத்தள விமான நிலையத்தில் அமெரிக்க போர் விமானங்கள் தரையிறங்க அனுமதி அளிக்கவில்லை என்று அரசாங்கம் ஒரு நடுநிலை விம்பத்தை உருவாக்க முயன்றது.
ஆனாலும் அதன் செயற்பாடுகள் அமெரிக்காவை சார்ந்ததாகவே இருந்தது.
இந்த நிலையில் மீண்டும் மத்திய கிழக்கில் தொடங்கியுள்ள போர், எண்ணெய் விலை உயர்வு போன்ற பொருளாதார நெருக்கடிகளை இலங்கைக்கு ஏற்படுத்தப் போகின்ற அதேவேளை, இந்தப் போர் இந்திய பெருங்கடலுக்கு விரிவுபடுத்தப்பட்டால் இலங்கையும் அதனால் நேரடியாக அல்லது மறைமுகமான பாதிக்கப்படும் நிலை ஏற்படலாம்.
இலங்கைக்கு அண்மையில் உள்ள கடற்பகுதி அமைதியற்றதாக மாறலாம்.
அது இலங்கையை கடந்து செல்லும் கப்பல்களுக்கு பாதுகாப்பற்ற நிலையை உருவாக்கும்.
கொழும்பு துறைமுகம் நோக்கி வருகின்ற கப்பல்களில் எண்ணிக்கையை கூட அது பாதிக்கக் கூடும்.
இலங்கையை அண்டிய கப்பல் பாதையில் இருந்து விலகி கப்பல்கள் செல்லும் நிலையும் ஏற்படலாம்.
மத்திய கிழக்குப் போர் தொடங்கிய காலகட்டத்தில், கொழும்புத் துறைமுகத்திற்கு அதிகளவு கப்பல்கள் வரும் நிலை காணப்பட்டது.
அது துறைமுகத்தின் வருமானம் அதிகரிக்கவும் காரணமாக இருந்தது.
ஆனால், இந்த நிலை தொடரும் என்று கூற முடியாது.
ஏனென்றால், மத்திய கிழக்குப் போர் வரும் காலத்தில் எப்படித் தொடரப்போகிறது என யாராலும் கணிக்க முடியாத நிலை உள்ளது.
தன்னிடம் யாரும் கணிக்க முடியாத ஆயுதங்கள் இருப்பதாக ஈரான் கூறுகிறது.
அதனை அது எப்போது, எப்படி பயன்படுத்தும் என்று தெரியாது.
சில வேளைகளில் ஈரான் இந்திய பெருங்கடல் பிராந்தியத்தில், தன் ஆயுத பலத்தை வெளிக்காட்ட முற்பட்டால், இலங்கைக்கு அருகில் அல்லது அதனை சுற்றியுள்ள பகுதிகளில் பாதுகாப்பற்ற நிலை தோன்றும்.
இவ்வாறான நிலை இலங்கையின் இறைமைக்கு பாதிப்பை ஏற்படுத்துகிறதோ இல்லையோ - பிராந்திய பாதுகாப்பில் தாக்கத்தை உண்டு பண்ணும்.
இத்தகைய தாக்கங்கள் ஏற்படுவது இலங்கையின் பொருளாதாரத்திற்கும் பாதுகாப்பு சூழலுக்கும் நிச்சயம் சவாலானதாகவே இருக்கும்.
ஈரான் –- அமெரிக்கா என்ற இரண்டு நட்பு சக்திகளுக்கு இடையில் தெளிவான ஒரு எல்லைக்கோட்டை பிரிக்க முடியாமல், ஏற்கெனவே இலங்கை தடுமாறும் நிலை ஏற்பட்டது.Geographic Reference
எதிர்காலத்திலும் அவ்வாறான நிலை ஏற்படலாம்.
அது இலங்கையை மேலும்இக்கட்டான நிலை மைகளுக்குள் சிக்க வைக்கக் கூடும்.
சுபத்ரா
கருத்துகள் (Comments)
உங்கள் கருத்தைத் தெரிவிக்கவும் (Leave a Reply)
இந்தச் செய்தி குறித்து உங்கள் கருத்தைப் பதிவு செய்ங்கள்!