Israel Election : உலகின் மிக விசித்திரமான தேர்தல் முறை — அக்டோபர் 27ல் என்ன நடக்கும்? Explained
25 Oct, 2026
இஸ்ரேலியத்-தேர்தல்-தலைமை-மாறினால்-கொள்கை-மாறுமா?
நாளை மறுதினம் செவ்வாய்க்கிழமை (27) இஸ்ரேலிய மக்கள் புதிய பாராளுமன்றத்தைத் தெரிவு செய்வதற்காக வாக்களிக்கிறார்கள். இந்நாட்டின் அரசியல் வரலாற்றில் மிகவும் முக்கியத்துவம் வாய்ந்த தேர்தல்களில் ஒன்றாக இது கருதப்படுகிறது.
இந்தத் தேர்தலை ஒட்டுமொத்த உலகமும் உன்னிப்பாக அவதானித்துக் கொண்டிருக்கிறது. இஸ்ரேலிய வாக்காளர்கள் பிரதமர் பெஞ்சமின் நெதன்யாஹுவை நிராகரித்துவிட்டால், காஸாவிலும் லெபனானிலும் இஸ்ரேல் முன்னெடுக்கும் யுத்தம் முடிவுக்கு வரலாம், ஈரானுக்கு எதிரான தாக்குதல்கள் நிறுத்தப்படலாம் எனப் பலர் எதிர்பார்க்கக்கூடும்.
இஸ்ரேலின் தேர்தல் களத்தை ஆராய்ந்தால், ஆட்சிபீடத்தில் தலைகள் மாறுவதால் அந்நாட்டின் பயணப்பாதை மாறிவிடும் என எதிர்பார்ப்பது யதார்த்தத்திற்கு அப்பாற்பட்டது என்ற கசப்பான உண்மையை உணரக்கூடியதாக இருக்கும்.
இந்தத் தேர்தல் ஏன் முக்கியமானது?
இஸ்ரேலைத் தாண்டிய பூகோள அரசியலைப் பார்த்தால், இந்தத் தேர்தல் முக்கியத்துவம் பெறுவதற்குப் பல காரணங்கள் இருக்கின்றன. 2023 ஒக்டோபர் 7ஆம் திகதி இஸ்ரேல் மீது நடத்தப்பட்ட தாக்குதலைத் தொடர்ந்து நடைபெறும் தேர்தல் என்பது அவற்றில் முக்கியமானது. பிராந்திய யுத்தங்களின் எதிர்காலத்தைத் தீர்மானிப்பதில் இந்தத் தேர்தலின் பெறுபேறுகளும் தாக்கம் செலுத்தக்கூடும்.
தேர்தல் முடிவுகள் மேற்கு ஆசியாவின் எதிர்காலத்தின் மீது தாக்கம் செலுத்தக்கூடும். உலகளாவிய ரீதியில் எரிபொருள் விலைகள், சர்வதேச வர்த்தகம், பிராந்திய ஸ்திரத்தன்மை ஆகியவற்றின் மீதும் அவை செல்வாக்குச் செலுத்தலாம். இஸ்ரேலின் கொள்கைகள் இராஜதந்திரத்தை நோக்கி நகர்வதற்கான வாய்ப்பு உருவாகலாம் எனவும் உலகத் தலைவர்கள் எதிர்பார்க்கிறார்கள்.
ஆனால், இந்த நம்பிக்கை யதார்த்தத்தின் அடிப்படையில் பரிசீலிக்கப்பட வேண்டியுள்ளது. தமது பகையாளிகளின் இராணுவ வலிமையைச் சிதைத்து, பிராந்தியத்தில் தனது வல்லாதிக்கத்தை நிலைநாட்டுதல் இஸ்ரேலின் மூலோபாய இலக்குகளாகக் கருதப்படுகின்றன எனில், அவை பெஞ்சமின் நெதன்யாஹுவின் இலக்குகள் மாத்திரமல்ல. இஸ்ரேலின் முக்கிய அரசியல் கட்சிகளின் மத்தியிலும் இதேபோன்ற அணுகுமுறைகள் காணப்படுகின்றன.
இஸ்ரேலியத் தேர்தல் எவ்வாறு நடைபெறும்?
இஸ்ரேலில் விகிதாசாரப் பிரதிநிதித்துவத் தேர்தல் முறையின் கீழ் பாராளுமன்றத்திற்கு 120 உறுப்பினர்கள் தெரிவு செய்யப்படுகிறார்கள். மக்கள் பிரதமரை நேரடியாகத் தெரிவு செய்வதில்லை; அரசியல் கட்சிகளின் வேட்பாளர் பட்டியல்களுக்கே வாக்களிக்கிறார்கள். எந்தவொரு கட்சிக்கும் தனித்துப் பெரும்பான்மை கிடைப்பது அரிது. எனவே, கட்சிகள் கூட்டணி அமைத்து ஆட்சி செய்வது தவிர்க்க முடியாத அரசியல் யதார்த்தமாக உள்ளது.
அரசாங்கத்தை அமைப்பதற்காக முன்னணி அரசியல் கட்சிகள், சிறிய கட்சிகளுடனும், தீவிர வலதுசாரிக் கட்சிகளுடனும், தேசியவாதக் கட்சிகளுடனும் பேரம் பேச வேண்டியிருக்கிறது. மிதவாதக் கொள்கைகளைக் கொண்ட ஒரு கட்சிக்கு அதிக வாக்குகள் கிடைத்தாலும், ஆட்சியமைப்பதற்காகத் தீவிர வலதுசாரிக் கட்சிகளுடன் சமரசம் செய்ய வேண்டிய நிலை ஏற்படலாம்.
எனவே, எந்தக் கட்சி தலைமையில் கூட்டணி ஆட்சி அமைந்தாலும், அதன் கொள்கைகளைத் தீர்மானிப்பதில் கூட்டணிக் கட்சிகளின் செல்வாக்கும் முக்கிய பங்கு வகிக்கும்.
பிரதான அரசியல் போட்டியாளர்கள் யார்?
இஸ்ரேலின் தேர்தல் முறையின் கீழ் மக்கள் அரசியல் கட்சிகளுக்கே வாக்களிக்கிறார்கள். எனவே, இது இரு வேட்பாளர்களுக்கு இடையிலான நேரடிப் போட்டி அல்ல. பல அரசியல் கட்சிகளும் அணிகளும் தேர்தல் களத்தில் போட்டியிடுகின்றன.
லிக்குட் கட்சியின் தலைவர் பெஞ்சமின் நெதன்யாஹு, இஸ்ரேலின் நீண்டகாலப் பிரதமராக இருப்பவர். இஸ்ரேலின் பாதுகாப்பை உறுதி செய்யக்கூடிய தலைவர் தாமே என்ற பிம்பத்தை உருவாக்கிக்கொண்டு அவர் பிரசாரம் செய்கிறார். மேற்குக் கரையில் இஸ்ரேலியக் கட்டுப்பாட்டை விரிவுபடுத்த வேண்டும் என்றும், பலஸ்தீன இராஜ்ஜியத்தை எதிர்க்க வேண்டும் என்றும் வலியுறுத்தும் தீவிர வலதுசாரிக் கட்சிகள் அவரது அரசியல் கூட்டணியில் முக்கிய பங்கு வகிக்கின்றன.
மறுபுறத்தில், முன்னாள் இராணுவத் தளபதி காடி எயிசென்கொட் உள்ளிட்ட எதிர்க்கட்சித் தலைவர்கள் நெதன்யாஹுவுக்கு மாற்றாகத் தங்களை முன்னிறுத்துகின்றனர். காஸா யுத்தத்தில் தனது மகனை இழந்த எயிசென்கொட், நெதன்யாஹுவின் அவசரகால யுத்த அமைச்சரவையிலிருந்து 2024ஆம் ஆண்டு விலகினார். யுத்தத்தை முன்னெடுக்கும் விதம் உள்ளிட்ட விடயங்களில் ஏற்பட்ட கருத்து முரண்பாடுகள் அவரது விலகலுக்குக் காரணமாக அமைந்தன.
மேலைத்தேய ஊடகங்கள் எயிசென்கொட்டை மிதவாத மாற்றுத் தலைவராகச் சித்தரிக்க முற்படுகின்றன. ஆனால், தேசிய பாதுகாப்பு தொடர்பான அவரது நிலைப்பாடுகளையும் ஆராய வேண்டியுள்ளது. ஈரானை எதிர்கொள்வது, ஹமாஸின் இராணுவ வலிமையை ஒழிப்பது போன்ற விடயங்களில் அவருக்கும் நெதன்யாஹுவுக்கும் இடையில் ஒற்றுமைகள் காணப்படுகின்றன. அதேவேளை, யுத்தத்தை எவ்வாறு கையாள்வது, இராணுவ நடவடிக்கைகளுக்கும் இராஜதந்திரத்திற்கும் இடையில் எவ்வாறு சமநிலையை ஏற்படுத்துவது என்பதில் வேறுபாடுகள் இருக்கலாம்.
தேர்தல் களத்தில் செல்வாக்குச் செலுத்தக்கூடிய விடயங்கள் எவை?
உலக மக்களுக்குத் தேவை சமாதானமாக இருக்கலாம். ஆனால், இஸ்ரேலின் தேர்தல் களத்தில் ஆதிக்கம் செலுத்துவது சமாதானம் என்ற தொனிப்பொருள் மாத்திரமல்ல. இஸ்ரேலை இராணுவ ரீதியில் எவ்வாறு பலம் பொருந்திய நாடாக மாற்றுவது, எதிர்காலத்தில் ஏற்படக்கூடிய பாதுகாப்புச் சவால்களை எவ்வாறு சமாளிப்பது போன்ற விடயங்களும் முக்கியத்துவம் பெறுகின்றன.
போர் மூலோபாயம் தொடர்பாகக் கூடுதலான கவனம் செலுத்தப்படுகிறது. பிரதான அரசியல் நீரோட்டத்தில் உள்ள பல கட்சிகளின் விவாதங்கள், போர் வேண்டுமா வேண்டாமா என்ற கேள்வியைத் தாண்டி, இஸ்ரேலின் இராணுவ இலக்குகளை எவ்வாறு அடைவது என்பதில் கவனம் செலுத்துகின்றன. எனினும், போரை முன்னெடுக்கும் விதம், அதன் கால அளவு மற்றும் இராஜதந்திரத்திற்கான வாய்ப்புகள் தொடர்பாக அவற்றுக்கிடையில் வேறுபாடுகள் இருக்கலாம்.
நெதன்யாஹுவுக்கு எதிராக நீதிமன்றத்தில் விசாரிக்கப்படும் ஊழல் வழக்குகள், நீதித்துறை மறுசீரமைப்பு, வாழ்க்கைச் செலவு, குடியிருப்புகளின் விலையேற்றம் ஆகியவையும் தேர்தல் விவாதங்களில் இடம்பெறுகின்றன.
சர்வதேசக் கண்ணோட்டத்தில் மிகவும் முக்கியத்துவம் வாய்ந்த மற்றொரு விடயம் இஸ்ரேலிய–பலஸ்தீன நெருக்கடியாகும். இந்த நெருக்கடிக்குத் தீர்வு காண வேண்டுமென சர்வதேச சமூகம் வலியுறுத்துகிறது. சுதந்திரமான பலஸ்தீன இராஜ்ஜியத்தை உருவாக்குவதற்கு வழிவகுக்கும் இரு தேசத் தீர்வையே பல உலக நாடுகளும் சர்வதேச அமைப்புகளும் ஆதரிக்கின்றன.
ஆனால், இஸ்ரேலின் முக்கிய யூத சியோனிசக் கட்சிகளின் மத்தியில் பலஸ்தீன இராஜ்ஜியத்தை உருவாக்குவதற்கான ஆதரவு மிகவும் மட்டுப்படுத்தப்பட்டதாகவே காணப்படுகிறது. சில கட்சிகள் அத்தகைய இராஜ்ஜியத்தை வெளிப்படையாக எதிர்க்கின்றன. எனவே, நெதன்யாஹுவின் தோல்வி மாத்திரம் பலஸ்தீன இராஜ்ஜியத்தை உருவாக்குவதற்கான வாய்ப்பை ஏற்படுத்திவிடும் எனக் கருத முடியாது.
இந்தக் கேள்விக்கு நேரடியாகப் பதில் சொல்ல வேண்டுமாயின், தலைமைத்துவ மாற்றம் மாத்திரம் இஸ்ரேலின் பயணப்பாதையை அடிப்படையில் மாற்றிவிடும் என எதிர்பார்ப்பதற்குப் போதிய காரணங்கள் இல்லை என்றே கூற வேண்டியுள்ளது.
நெதன்யாஹுவுக்கும் அவரது போட்டியாளர்களுக்கும் இடையில் வேறுபாடுகள் இருக்கின்றன. ஆனால், அந்த வேறுபாடுகள் பிரச்சினைகளைக் கையாளும் விதத்தில் உள்ளனவா அல்லது அடிப்படைக் கொள்கைகளிலேயே உள்ளனவா என்பதைப் புரிந்துகொள்ள வேண்டும். இஸ்ரேலின் பயணப்பாதையில் எவ்வளவு தூரம் செல்ல வேண்டும் என்பதில் உள்ள வேறுபாடுகள், பயணப்பாதை எதுவாக இருக்க வேண்டும் என்பதில் உள்ள வேறுபாடுகளுக்குச் சமமானவை அல்ல.
இஸ்ரேலின் பாதுகாப்புக் கோட்பாட்டை மூன்று முக்கிய அம்சங்களில் புரிந்துகொள்ளலாம்.
முதலாவதாக, ஈரானை எதிர்கொள்வது. ஈரானின் இராணுவ வலிமையும் பிராந்தியச் செல்வாக்கும் இஸ்ரேலின் பாதுகாப்புக்கு அச்சுறுத்தலாகக் கருதப்படுகின்றன. இந்த அச்சுறுத்தல்களைக் கட்டுப்படுத்த வேண்டும் என்ற நிலைப்பாடு இஸ்ரேலின் முக்கிய அரசியல் கட்சிகளின் மத்தியிலும் காணப்படுகிறது.
இரண்டாவதாக, இடைத்தாங்கல் வலயங்களை (Buffer Zones) விரிவுபடுத்துவதும் எல்லைப் பகுதிகளில் இராணுவக் கட்டுப்பாட்டைப் பேணுவதுமாகும். காஸா, மேற்குக் கரை, தென் லெபனான் போன்ற பகுதிகளில் இஸ்ரேலின் இராணுவக் கட்டுப்பாடு தொடர்பான கொள்கைகள் இதனுடன் தொடர்புபடுகின்றன.
மூன்றாவதாக, இராணுவ வலிமையைத் தீர்மானகரமாகப் பயன்படுத்துதல். எதிர்கால அச்சுறுத்தல்களைத் தடுப்பதற்கும் எதிரிகளின் இராணுவ வலிமையைச் சிதைப்பதற்கும் இராணுவ நடவடிக்கைகளுக்கு முன்னுரிமை வழங்குவது இஸ்ரேலின் பாதுகாப்பு அணுகுமுறையின் முக்கிய அம்சமாக உள்ளது.
இந்தப் பின்னணியில், தேர்தலில் நெதன்யாஹு வெற்றி பெற்றால் என்ன, எயிசென்கொட் உள்ளிட்ட எதிர்க்கட்சித் தலைவர்கள் ஆட்சிக்கு வந்தால் என்ன என்ற கேள்வி எழுகிறது. மேற்குக் கரையில் குடியிருப்புகளை விரிவுபடுத்தும் கொள்கை தொடருமா, பலஸ்தீன இராஜ்ஜியத்தை உருவாக்கும் முயற்சிகள் முன்னேற்றம் காணுமா, ஈரானுக்கு எதிரான இராணுவ நடவடிக்கைகள் எந்தத் திசையில் நகரும் என்பவை புதிய அரசாங்கத்தின் கூட்டணிக் கணக்கீடுகளையும் கொள்கைகளையும் பொறுத்தே அமையும்.
எனவே, தேர்தல் முடிவுகள் எந்த மாற்றத்தையும் ஏற்படுத்தாது எனக் கூறுவதும் சரியானதல்ல. ஆனால், தலைமைத்துவ மாற்றம் மாத்திரம் அடிப்படையான கொள்கை மாற்றத்திற்கு உத்தரவாதமளிக்காது.
முடிவு
தேர்தல் மூலம் தலைவர்கள் மாறலாம். ஆனால், நீண்டகாலமாக வேரூன்றியுள்ள பாதுகாப்புக் கோட்பாடுகளும் அரசியல் அணுகுமுறைகளும் ஒரே நாளில் மாறிவிடுவதில்லை.
காஸாவிலும் மேற்குக் கரையிலும், பரந்த மத்திய கிழக்கிலும் வாழும் மக்களைப் பொறுத்தவரையில், இஸ்ரேலின் தலைமை த்துவ மாற்றத்தைவிட முக்கியமானது புதிய
அரசாங்கம் போரை முன்னெடுக்கும் விதத்தில்
மாற்றங்களை ஏற்படுத்துகிறதா, இராஜதந்தி ரத்திற்கு இடமளிக்கிறதா, பலஸ்தீன மக்களின் அரசியல் உரிமைகள் தொடர்பாக வேறுபட்ட அணுகுமுறையைப் பின்பற்றுகிறதா என்பதாகும்.
இந்தத் தேர்தலை ஒட்டுமொத்த உலகமும் உன்னிப்பாக அவதானித்துக் கொண்டிருக்கிறது. இஸ்ரேலிய வாக்காளர்கள் பிரதமர் பெஞ்சமின் நெதன்யாஹுவை நிராகரித்துவிட்டால், காஸாவிலும் லெபனானிலும் இஸ்ரேல் முன்னெடுக்கும் யுத்தம் முடிவுக்கு வரலாம், ஈரானுக்கு எதிரான தாக்குதல்கள் நிறுத்தப்படலாம் எனப் பலர் எதிர்பார்க்கக்கூடும்.
இஸ்ரேலின் தேர்தல் களத்தை ஆராய்ந்தால், ஆட்சிபீடத்தில் தலைகள் மாறுவதால் அந்நாட்டின் பயணப்பாதை மாறிவிடும் என எதிர்பார்ப்பது யதார்த்தத்திற்கு அப்பாற்பட்டது என்ற கசப்பான உண்மையை உணரக்கூடியதாக இருக்கும்.
இந்தத் தேர்தல் ஏன் முக்கியமானது?
இஸ்ரேலைத் தாண்டிய பூகோள அரசியலைப் பார்த்தால், இந்தத் தேர்தல் முக்கியத்துவம் பெறுவதற்குப் பல காரணங்கள் இருக்கின்றன. 2023 ஒக்டோபர் 7ஆம் திகதி இஸ்ரேல் மீது நடத்தப்பட்ட தாக்குதலைத் தொடர்ந்து நடைபெறும் தேர்தல் என்பது அவற்றில் முக்கியமானது. பிராந்திய யுத்தங்களின் எதிர்காலத்தைத் தீர்மானிப்பதில் இந்தத் தேர்தலின் பெறுபேறுகளும் தாக்கம் செலுத்தக்கூடும்.
தேர்தல் முடிவுகள் மேற்கு ஆசியாவின் எதிர்காலத்தின் மீது தாக்கம் செலுத்தக்கூடும். உலகளாவிய ரீதியில் எரிபொருள் விலைகள், சர்வதேச வர்த்தகம், பிராந்திய ஸ்திரத்தன்மை ஆகியவற்றின் மீதும் அவை செல்வாக்குச் செலுத்தலாம். இஸ்ரேலின் கொள்கைகள் இராஜதந்திரத்தை நோக்கி நகர்வதற்கான வாய்ப்பு உருவாகலாம் எனவும் உலகத் தலைவர்கள் எதிர்பார்க்கிறார்கள்.
ஆனால், இந்த நம்பிக்கை யதார்த்தத்தின் அடிப்படையில் பரிசீலிக்கப்பட வேண்டியுள்ளது. தமது பகையாளிகளின் இராணுவ வலிமையைச் சிதைத்து, பிராந்தியத்தில் தனது வல்லாதிக்கத்தை நிலைநாட்டுதல் இஸ்ரேலின் மூலோபாய இலக்குகளாகக் கருதப்படுகின்றன எனில், அவை பெஞ்சமின் நெதன்யாஹுவின் இலக்குகள் மாத்திரமல்ல. இஸ்ரேலின் முக்கிய அரசியல் கட்சிகளின் மத்தியிலும் இதேபோன்ற அணுகுமுறைகள் காணப்படுகின்றன.
இஸ்ரேலியத் தேர்தல் எவ்வாறு நடைபெறும்?
இஸ்ரேலில் விகிதாசாரப் பிரதிநிதித்துவத் தேர்தல் முறையின் கீழ் பாராளுமன்றத்திற்கு 120 உறுப்பினர்கள் தெரிவு செய்யப்படுகிறார்கள். மக்கள் பிரதமரை நேரடியாகத் தெரிவு செய்வதில்லை; அரசியல் கட்சிகளின் வேட்பாளர் பட்டியல்களுக்கே வாக்களிக்கிறார்கள். எந்தவொரு கட்சிக்கும் தனித்துப் பெரும்பான்மை கிடைப்பது அரிது. எனவே, கட்சிகள் கூட்டணி அமைத்து ஆட்சி செய்வது தவிர்க்க முடியாத அரசியல் யதார்த்தமாக உள்ளது.
அரசாங்கத்தை அமைப்பதற்காக முன்னணி அரசியல் கட்சிகள், சிறிய கட்சிகளுடனும், தீவிர வலதுசாரிக் கட்சிகளுடனும், தேசியவாதக் கட்சிகளுடனும் பேரம் பேச வேண்டியிருக்கிறது. மிதவாதக் கொள்கைகளைக் கொண்ட ஒரு கட்சிக்கு அதிக வாக்குகள் கிடைத்தாலும், ஆட்சியமைப்பதற்காகத் தீவிர வலதுசாரிக் கட்சிகளுடன் சமரசம் செய்ய வேண்டிய நிலை ஏற்படலாம்.
எனவே, எந்தக் கட்சி தலைமையில் கூட்டணி ஆட்சி அமைந்தாலும், அதன் கொள்கைகளைத் தீர்மானிப்பதில் கூட்டணிக் கட்சிகளின் செல்வாக்கும் முக்கிய பங்கு வகிக்கும்.
பிரதான அரசியல் போட்டியாளர்கள் யார்?
இஸ்ரேலின் தேர்தல் முறையின் கீழ் மக்கள் அரசியல் கட்சிகளுக்கே வாக்களிக்கிறார்கள். எனவே, இது இரு வேட்பாளர்களுக்கு இடையிலான நேரடிப் போட்டி அல்ல. பல அரசியல் கட்சிகளும் அணிகளும் தேர்தல் களத்தில் போட்டியிடுகின்றன.
லிக்குட் கட்சியின் தலைவர் பெஞ்சமின் நெதன்யாஹு, இஸ்ரேலின் நீண்டகாலப் பிரதமராக இருப்பவர். இஸ்ரேலின் பாதுகாப்பை உறுதி செய்யக்கூடிய தலைவர் தாமே என்ற பிம்பத்தை உருவாக்கிக்கொண்டு அவர் பிரசாரம் செய்கிறார். மேற்குக் கரையில் இஸ்ரேலியக் கட்டுப்பாட்டை விரிவுபடுத்த வேண்டும் என்றும், பலஸ்தீன இராஜ்ஜியத்தை எதிர்க்க வேண்டும் என்றும் வலியுறுத்தும் தீவிர வலதுசாரிக் கட்சிகள் அவரது அரசியல் கூட்டணியில் முக்கிய பங்கு வகிக்கின்றன.
மறுபுறத்தில், முன்னாள் இராணுவத் தளபதி காடி எயிசென்கொட் உள்ளிட்ட எதிர்க்கட்சித் தலைவர்கள் நெதன்யாஹுவுக்கு மாற்றாகத் தங்களை முன்னிறுத்துகின்றனர். காஸா யுத்தத்தில் தனது மகனை இழந்த எயிசென்கொட், நெதன்யாஹுவின் அவசரகால யுத்த அமைச்சரவையிலிருந்து 2024ஆம் ஆண்டு விலகினார். யுத்தத்தை முன்னெடுக்கும் விதம் உள்ளிட்ட விடயங்களில் ஏற்பட்ட கருத்து முரண்பாடுகள் அவரது விலகலுக்குக் காரணமாக அமைந்தன.
மேலைத்தேய ஊடகங்கள் எயிசென்கொட்டை மிதவாத மாற்றுத் தலைவராகச் சித்தரிக்க முற்படுகின்றன. ஆனால், தேசிய பாதுகாப்பு தொடர்பான அவரது நிலைப்பாடுகளையும் ஆராய வேண்டியுள்ளது. ஈரானை எதிர்கொள்வது, ஹமாஸின் இராணுவ வலிமையை ஒழிப்பது போன்ற விடயங்களில் அவருக்கும் நெதன்யாஹுவுக்கும் இடையில் ஒற்றுமைகள் காணப்படுகின்றன. அதேவேளை, யுத்தத்தை எவ்வாறு கையாள்வது, இராணுவ நடவடிக்கைகளுக்கும் இராஜதந்திரத்திற்கும் இடையில் எவ்வாறு சமநிலையை ஏற்படுத்துவது என்பதில் வேறுபாடுகள் இருக்கலாம்.
தேர்தல் களத்தில் செல்வாக்குச் செலுத்தக்கூடிய விடயங்கள் எவை?
உலக மக்களுக்குத் தேவை சமாதானமாக இருக்கலாம். ஆனால், இஸ்ரேலின் தேர்தல் களத்தில் ஆதிக்கம் செலுத்துவது சமாதானம் என்ற தொனிப்பொருள் மாத்திரமல்ல. இஸ்ரேலை இராணுவ ரீதியில் எவ்வாறு பலம் பொருந்திய நாடாக மாற்றுவது, எதிர்காலத்தில் ஏற்படக்கூடிய பாதுகாப்புச் சவால்களை எவ்வாறு சமாளிப்பது போன்ற விடயங்களும் முக்கியத்துவம் பெறுகின்றன.
போர் மூலோபாயம் தொடர்பாகக் கூடுதலான கவனம் செலுத்தப்படுகிறது. பிரதான அரசியல் நீரோட்டத்தில் உள்ள பல கட்சிகளின் விவாதங்கள், போர் வேண்டுமா வேண்டாமா என்ற கேள்வியைத் தாண்டி, இஸ்ரேலின் இராணுவ இலக்குகளை எவ்வாறு அடைவது என்பதில் கவனம் செலுத்துகின்றன. எனினும், போரை முன்னெடுக்கும் விதம், அதன் கால அளவு மற்றும் இராஜதந்திரத்திற்கான வாய்ப்புகள் தொடர்பாக அவற்றுக்கிடையில் வேறுபாடுகள் இருக்கலாம்.
நெதன்யாஹுவுக்கு எதிராக நீதிமன்றத்தில் விசாரிக்கப்படும் ஊழல் வழக்குகள், நீதித்துறை மறுசீரமைப்பு, வாழ்க்கைச் செலவு, குடியிருப்புகளின் விலையேற்றம் ஆகியவையும் தேர்தல் விவாதங்களில் இடம்பெறுகின்றன.
சர்வதேசக் கண்ணோட்டத்தில் மிகவும் முக்கியத்துவம் வாய்ந்த மற்றொரு விடயம் இஸ்ரேலிய–பலஸ்தீன நெருக்கடியாகும். இந்த நெருக்கடிக்குத் தீர்வு காண வேண்டுமென சர்வதேச சமூகம் வலியுறுத்துகிறது. சுதந்திரமான பலஸ்தீன இராஜ்ஜியத்தை உருவாக்குவதற்கு வழிவகுக்கும் இரு தேசத் தீர்வையே பல உலக நாடுகளும் சர்வதேச அமைப்புகளும் ஆதரிக்கின்றன.
ஆனால், இஸ்ரேலின் முக்கிய யூத சியோனிசக் கட்சிகளின் மத்தியில் பலஸ்தீன இராஜ்ஜியத்தை உருவாக்குவதற்கான ஆதரவு மிகவும் மட்டுப்படுத்தப்பட்டதாகவே காணப்படுகிறது. சில கட்சிகள் அத்தகைய இராஜ்ஜியத்தை வெளிப்படையாக எதிர்க்கின்றன. எனவே, நெதன்யாஹுவின் தோல்வி மாத்திரம் பலஸ்தீன இராஜ்ஜியத்தை உருவாக்குவதற்கான வாய்ப்பை ஏற்படுத்திவிடும் எனக் கருத முடியாது.
இந்தக் கேள்விக்கு நேரடியாகப் பதில் சொல்ல வேண்டுமாயின், தலைமைத்துவ மாற்றம் மாத்திரம் இஸ்ரேலின் பயணப்பாதையை அடிப்படையில் மாற்றிவிடும் என எதிர்பார்ப்பதற்குப் போதிய காரணங்கள் இல்லை என்றே கூற வேண்டியுள்ளது.
நெதன்யாஹுவுக்கும் அவரது போட்டியாளர்களுக்கும் இடையில் வேறுபாடுகள் இருக்கின்றன. ஆனால், அந்த வேறுபாடுகள் பிரச்சினைகளைக் கையாளும் விதத்தில் உள்ளனவா அல்லது அடிப்படைக் கொள்கைகளிலேயே உள்ளனவா என்பதைப் புரிந்துகொள்ள வேண்டும். இஸ்ரேலின் பயணப்பாதையில் எவ்வளவு தூரம் செல்ல வேண்டும் என்பதில் உள்ள வேறுபாடுகள், பயணப்பாதை எதுவாக இருக்க வேண்டும் என்பதில் உள்ள வேறுபாடுகளுக்குச் சமமானவை அல்ல.
இஸ்ரேலின் பாதுகாப்புக் கோட்பாட்டை மூன்று முக்கிய அம்சங்களில் புரிந்துகொள்ளலாம்.
முதலாவதாக, ஈரானை எதிர்கொள்வது. ஈரானின் இராணுவ வலிமையும் பிராந்தியச் செல்வாக்கும் இஸ்ரேலின் பாதுகாப்புக்கு அச்சுறுத்தலாகக் கருதப்படுகின்றன. இந்த அச்சுறுத்தல்களைக் கட்டுப்படுத்த வேண்டும் என்ற நிலைப்பாடு இஸ்ரேலின் முக்கிய அரசியல் கட்சிகளின் மத்தியிலும் காணப்படுகிறது.
இரண்டாவதாக, இடைத்தாங்கல் வலயங்களை (Buffer Zones) விரிவுபடுத்துவதும் எல்லைப் பகுதிகளில் இராணுவக் கட்டுப்பாட்டைப் பேணுவதுமாகும். காஸா, மேற்குக் கரை, தென் லெபனான் போன்ற பகுதிகளில் இஸ்ரேலின் இராணுவக் கட்டுப்பாடு தொடர்பான கொள்கைகள் இதனுடன் தொடர்புபடுகின்றன.
மூன்றாவதாக, இராணுவ வலிமையைத் தீர்மானகரமாகப் பயன்படுத்துதல். எதிர்கால அச்சுறுத்தல்களைத் தடுப்பதற்கும் எதிரிகளின் இராணுவ வலிமையைச் சிதைப்பதற்கும் இராணுவ நடவடிக்கைகளுக்கு முன்னுரிமை வழங்குவது இஸ்ரேலின் பாதுகாப்பு அணுகுமுறையின் முக்கிய அம்சமாக உள்ளது.
இந்தப் பின்னணியில், தேர்தலில் நெதன்யாஹு வெற்றி பெற்றால் என்ன, எயிசென்கொட் உள்ளிட்ட எதிர்க்கட்சித் தலைவர்கள் ஆட்சிக்கு வந்தால் என்ன என்ற கேள்வி எழுகிறது. மேற்குக் கரையில் குடியிருப்புகளை விரிவுபடுத்தும் கொள்கை தொடருமா, பலஸ்தீன இராஜ்ஜியத்தை உருவாக்கும் முயற்சிகள் முன்னேற்றம் காணுமா, ஈரானுக்கு எதிரான இராணுவ நடவடிக்கைகள் எந்தத் திசையில் நகரும் என்பவை புதிய அரசாங்கத்தின் கூட்டணிக் கணக்கீடுகளையும் கொள்கைகளையும் பொறுத்தே அமையும்.
எனவே, தேர்தல் முடிவுகள் எந்த மாற்றத்தையும் ஏற்படுத்தாது எனக் கூறுவதும் சரியானதல்ல. ஆனால், தலைமைத்துவ மாற்றம் மாத்திரம் அடிப்படையான கொள்கை மாற்றத்திற்கு உத்தரவாதமளிக்காது.
முடிவு
தேர்தல் மூலம் தலைவர்கள் மாறலாம். ஆனால், நீண்டகாலமாக வேரூன்றியுள்ள பாதுகாப்புக் கோட்பாடுகளும் அரசியல் அணுகுமுறைகளும் ஒரே நாளில் மாறிவிடுவதில்லை.
காஸாவிலும் மேற்குக் கரையிலும், பரந்த மத்திய கிழக்கிலும் வாழும் மக்களைப் பொறுத்தவரையில், இஸ்ரேலின் தலைமை த்துவ மாற்றத்தைவிட முக்கியமானது புதிய
அரசாங்கம் போரை முன்னெடுக்கும் விதத்தில்
மாற்றங்களை ஏற்படுத்துகிறதா, இராஜதந்தி ரத்திற்கு இடமளிக்கிறதா, பலஸ்தீன மக்களின் அரசியல் உரிமைகள் தொடர்பாக வேறுபட்ட அணுகுமுறையைப் பின்பற்றுகிறதா என்பதாகும்.
தலைமைத்துவ மாற்றம் ஒரு தொடக்கமாக இருக்கலாம். ஆனால், சமாதானத்தைச் சாத்தியப்படுத்துவதற்கு அதனைத் தாண்டிய அரசியல் விருப்பமும் கொள்கை மாற்றங்களும் அவசியம்.
-சதீஷ் கிருஷ்ணபிள்ளை-
கருத்துகள் (Comments)
உங்கள் கருத்தைத் தெரிவிக்கவும் (Leave a Reply)
இந்தச் செய்தி குறித்து உங்கள் கருத்தைப் பதிவு செய்ங்கள்!