'காஞ்சனா 4' மிரட்டலான ஃபர்ஸ்ட் லுக் வெளியீடு!

தமிழ் சினிமாவில் பேய் பட வரிசையில் மாபெரும் வெற்றி பெற்ற 'காஞ்சனா' சீரிஸின் 4-வது பாகம் குறித்த அதிகாரப்பூர்வ அறிவிப்பு வெளியாகியுள்ளது. பொதுவாக இரண்டாம் பாகங்கள் தோல்வியடையும் என்ற பிம்பத்தை உடைத்து, ஒவ்வொரு பாகத்திலும் வசூல் சாதனை படைத்து வரும் இந்தத் தொடரின் அடுத்த படைப்பை ராகவா லாரன்ஸ் இயக்கி நடித்து வருகிறார். இப்படத்தில் ராகவா லாரன்ஸுடன் இணைந்து முன்னணி நடிகை பூஜா ஹெக்டே மற்றும் பாலிவுட் கவர்ச்சிப் புயல் நோரா ஃபதேகி ஆகியோர் முக்கிய கதாபாத்திரங்களில் நடிக்கின்றனர். தற்போது இப்படத்தின் படப்பிடிப்பு விறுவிறுப்பாக நடைபெற்று வரும் நிலையில், ரசிகர்களை உற்சாகப்படுத்தும் வகையில் 'காஞ்சனா 4' திரைப்படத்தின் ஃபர்ஸ்ட் லுக் போஸ்டர் இன்று வெளியிடப்பட்டுள்ளது. முந்தைய பாகங்களை விட அதிக திகில் மற்றும் நகைச்சுவை கலந்த விருந்தாக இது இருக்கும் என எதிர்பார்க்கப்படுகிறது. நீண்ட இடைவேளைக்குப் பிறகு ராகவா லாரன்ஸ் தனது சொந்த பாணியில் பேய் படத்துடன் திரும்புவதால் சினிமா வட்டாரத்தில் பெரும் எதிர்பார்ப்பு நிலவுகிறது. இப்படத்தின் இறுதி வசூல் முந்தைய சாதனைகளை முறியடிக்கும் என விநியோகஸ்தர்கள் நம்பிக்கை தெரிவித்துள்ளனர். ஹாரர்-காமெடி ஜானரில் லாரன்ஸின் மேஜிக் மீண்டும் பலிக்கிறதா என்பதைப் பொறுத்திருந்து பார்ப்போம்.