கோவையில் கடத்தப்பட்டு பாலியல் வன்கொடுமையால் 10 வயது சிறுமி கொலை? குளத்தில் சடலமாக மீட்பு!

கோவை மாவட்டம் சூலூர் அருகே 10 வயது சிறுமி ஒருவர் குளத்தில் சடலமாக மீட்கப்பட்ட சம்பவம் அப்பகுதியில் பெரும் அதிர்ச்சியையும் பரபரப்பையும் ஏற்படுத்தியுள்ளது. நேற்று வீட்டின் அருகே விளையாடிக் கொண்டிருந்த சிறுமி திடீரென காணாமல் போனதை அடுத்து, பதற்றமடைந்த பெற்றோர் உடனடியாக காவல் நிலையத்தில் புகாரளித்திருந்தனர்.

புகாரின் பேரில் சிறுமியைத் தீவிரமாகத் தேடி வந்த பொலிஸார், வீட்டில் இருந்து சுமார் 2 கிலோமீட்டர் தொலைவில் உள்ள ஒரு குளத்தில் இருந்து சிறுமியின் உடலைச் சடலமாக மீட்டனர். முதற்கட்ட தகவல்களின்படி, அந்தச் சிறுமியை அடையாளம் தெரியாத நபர் ஒருவர் கடத்திச் சென்று, பாலியல் வன்கொடுமை செய்து கொடூரமாகக் கொலை செய்திருக்கலாம் என்ற கடுமையான குற்றச்சாட்டு எழுந்துள்ளது.

இச்சம்பவம் குறித்து வழக்குப் பதிவு செய்துள்ள பொலிஸார், சிறுமியின் உடலைக் கைப்பற்றிப் பிரேதப் பரிசோதனைக்கு அனுப்பி வைத்துள்ளனர். மேலும், இக்கொடூரச் சம்பவத்தில் தொடர்புடையதாகக் கருதப்படும் சந்தேக நபர் ஒருவரைப் பொலிஸார் அதிரடியாகக் கைது செய்து தீவிர விசாரணை நடத்தி வருகின்றனர். பிரேதப் பரிசோதனை அறிக்கை வந்த பிறகே முழுமையான விவரங்கள் தெரியவரும் எனப் பொலிஸ் தரப்பில் தெரிவிக்கப்பட்டுள்ளது.