சட்டம் அனைவருக்கும் சமம் என்பது நிலைத்திருக்குமா?

கோட்­டா­பய ராஜ­பக் ஷ ஜனா­தி­ப­தி­யாக இருந்த போது 'ஒரே நாடு ஒரே சட்டம்' என்ற கோசம் மிகவும் தீவி­ர­ம­டைந்­தி­ருந்­தது. அன்று அம்­மு­யற்­சிக்கு தலைமை வகித்த பௌத்த மத­கு­ரு­மார்­களும், அர­சி­யல்­வா­தி­களும் தேசிய மக்கள் சக்தி அர­சாங்­கத்தில் 'ஒரே நாடு ஒரே சட்டம்' என்­பதை அமுல்­ப­டுத்­து­வ­தற்கு தடை­களை ஏற்­ப­டுத்­து­வ­தற்கு முயற்­சிக்­கி­றார்கள். பௌத்த மத­கு­ரு­மார்கள் குற்­ற­வா­ளிகள் என்­றாலும், அவர்­களை சட்­டத்­தினால் தண்­டிக்கக் கூடா­தென வலி­யு­றுத்­து­வ­துடன்,  ஜனா­தி­பதிக்கு  எச்­ச­ரிக்கை செய்­வ­தோடு மட்­டு­மல்­லாது ‘சூனியம்’ செய்­வ­திலும் ஈடு­பட்­டனர்.

இந்தப் போராட்­டத்தின் பின்­ன­ணியில் அர­சியல் சதி­யுள்­ளது என்­பது கொழும்பில் உள்ள நட்­சத்­திர ஹோட்டல் ஒன்றில் கஸ்­ஸப்ப தேரர் அர­சி­யல்­வா­தி­க­ளுடன் மேற்­கொண்ட இர­க­சியச் சந்­திப்­பபையடுத்து அம்­ப­ல­மான நிலையில், ஞான­சார தேரரை விடு­தலை செய்யக் கோரி விஹா­ர­ம­கா­தேவி பூங்­காவில் மேற்­கொள்­ளப்­பட்ட சத்­தி­யாக்­கி­ரகப் போராட்­டமும் கைவி­டப்­பட்­டது.

'ஒரே நாடு ஒரே சட்டம்' என்­பதை இன்­றைய அர­சாங்­கமும் வலி­யு­றுத்திக் கொண்­டி­ருக்­கின்­றது. ஆனால், கோட்­டாவின் ஆட்­சியில் சொன்­ன­தற்கும், தற்­போ­தைய ஆட்­சி­யா­ளர்கள் இன்­றைய அர­சியல் சூழலில் சொல்­வ­தற்­கு­மி­டையே வேறு­பா­டுகள் காணப்­ப­டு­கின்­றன.

கோட்­டா­பயவின் ஆட்சிக் காலத்தில், 'ஒரே நாடு, ஒரே சட்டம்' என்ற முழக்கம் சிறு­பான்­மை­யி­னரை அடக்­கு­வ­தற்­கா­கவே பயன்­ப­டுத்தத் திட்­ட­மிடப்பட்டது. இலங்­கையில் பொது­வான சிவில் சட்­டங்கள் தவிர, வெவ்­வேறு சமூ­கங்­க­ளுக்­கென பாரம்­ப­ரிய மற்றும் மத ரீதி­யான தனித்­துவ சட்­டங்கள் நடை­மு­றையில் உள்­ளன. இவை போன்ற சிறு­பான்­மை­யி­ன­ருக்­கான தனித்­துவ சட்­டங்­களை ஒழிப்­ப­தற்­கா­கவே இந்த கோசத்தை கையில் எடுத்­தார்கள்.

இலங்கை ஒரு பௌத்த நாடு என்றும், சட்ட ரீதி­யா­கவும், நிர்­வாக ரீதி­யா­கவும் பௌத்த சிங்­கள கலா­சா­ரத்­திற்கு முன்­னு­ரிமை இருக்க வேண்டும் என்றும்,  சிறு­பான்­மை­யி­ன­ருக்கு பிரத்­தி­யேக சட்ட சலு­கைகள் இருக்கக் கூடாது. அத்தகைய சலு­கைகள் பௌத்த சமூ­கத்­திற்கு பாதிப்பை ஏற்­ப­டுத்­து­வ­தாக பிர­சாரம் செய்­தனர்.


இச்­செ­ய­லணி மூல­மாக பௌத்த சிங்­கள மக்­களின் ஆத­ரவை தொடர்ச்­சி­யாக பேணிக் கொள்ள முடி­யு­மென்றும், ஆட்சி அதி­கா­ரத்தில் நிலைத்­தி­ருக்க முடி­யு­மென்றும் கணக்கு போட்­டார்கள். ஆனால், நாட்டின் பொரு­ளா­தா­ரத்தை மேம்­ப­டுத்­து­வ­தற்கு கணக்கு போடத் தெரி­யாமல் நாட்டை வங்­கு­ரோத்து நிலைக்குள் தள்­ளி­னார்கள். இறு­தியில் ஆட்சி மாற்றம் ஏற்­பட்­டது.

இப்­போது முன்னாள் அர­சி­யல்­வா­திகள், ஆட்­சி­யா­ளர்கள், அதி­கா­ரிகள் எனப் பலரும் ஊழல் குற்­றச்­சாட்டில் கைது செய்­யப்­பட்டு சிறையில் அடைக்­கப்­பட்­டுள்­ளார்கள். இதி­லி­ருந்து தப்­பு­வ­தற்கு இன்­றைய ஆட்­சியை மாற்ற வேண்­டு­மென்று திட்­ட­மிட்டுச் செயற்­பட்டுக் கொண்­டி­ருக்­கின்­றார்கள். இத்­திட்­டங்­களில் ஒன்­றுதான் சிறையில் அடைக்­கப்­பட்­டுள்ள ஞான­சார தேரரை விடு­தலை செய்ய வேண்­டு­மென்று முன்­னெ­டுக்­கப்­பட்ட போராட்­ட­மாகும்.

இலங்­கையின் சம­கால அர­சியல் மற்றும் சமூகச் சூழலில் சட்டம், நீதித்­துறைச் சுதந்­திரம் மற்றும் மத­வாதம் ஆகி­ய­வற்­றுக்கு இடை­யே­யான மோதல்­களைப் பிர­தி­ப­லிக்கும் ஒன்­றாக ஞான­சார தேரரின் சிறைத்­தண்­டனை விவ­காரம் உரு­வெ­டுத்­துள்­ளது.

ஞான­சார தேரரை விடு­தலை செய்யக் கோரி நடத்­தப்­பட்ட ஆர்ப்­பாட்­டங்கள் மற்றும் சத்­தி­யாக்­கி­ரகப் போராட்­டங்கள் முற்­றிலும் அர­சியல் பின்­ன­ணியைக் கொண்­டவை என்­பதில் ஐய­மில்லை.

கண்­டியில் தொடங்கி கொழும்பு காலி­மு­கத்­திடல் மற்றும் விஹா­ர­ம­கா­தேவி பூங்கா வரை நீடித்த இந்த 'சத்­தி­யாக்­கி­ரக' மற்றும் 'நீதிக்­கான பேரணி'யின் போராட்­டங்கள், ஆரம்­பத்தில் 'மத ஆடையின் மாண்பைப் பாது­காத்தல்' என்ற போர்­வையில் தொடங்­கி­னாலும், பின்னர் 'ஞான­சார தேரரை நிபந்­த­னை­யின்றி உட­ன­டி­யாக விடு­தலை செய்ய வேண்டும்' என்ற அர­சியல் கோரிக்­கை­யாக மாறி­யது.புவியியல் காண்

தேசிய மக்கள் சக்தி தலை­மை­யி­லான அர­சாங்கம் 'சட்­டத்தின் ஆட்சி' மற்றும் 'அனை­வ­ருக்கும் சம­மான நீதி' என்ற மக்கள் ஆணையின் அடிப்­ப­டை­யி­லேயே ஆட்­சிக்கு வந்­தது. இப்­போ­ராட்­டங்கள் மூல­மாக புதிய அர­சாங்­கத்தின் சட்­டத்தின் ஆட்சிப் பிர­க­ட­னத்தைச் சீர்­கு­லைத்து, அர­சாங்­கத்தைப் பல­வீ­னப்­ப­டுத்­து­வதே எதிர்க்­கட்­சி­களின் திட்­ட­மாகும்.



அர­சியல் பின்­ன­ணியில் போராட்­டத்தில் ஈடு­பட்ட பிக்­குகள் சிலர், ஜனா­தி­ப­திக்கு 10 நிமிட அவ­காசம் வழங்கியதும், ஞான­சார தேரரை விடு­விக்­கா­விட்டால் ஜனா­தி­பதி தனது பத­வியை இரா­ஜி­னாமா செய்ய நேரிடும் என எச்­ச­ரித்­ததும், இது வெறும் மதப் போராட்டம் அல்ல, மாறாக அரசை மிரட்டிப் பணிய வைக்க நினைக்கும் ஒரு திட்­ட­மிட்ட அர­சியல் சதி என்­பதை உறு­திப்­ப­டுத்­தி­யது.