பாதயாத்திரையில் ஈடுபட்டுள்ள தேரர்கள், “சாது, சாது” என முழக்கமிட்டு ஜனாதிபதி செயலகத்தில் ஒன்றுகூடி தமது எதிர்ப்பை வெளிப்படுத்தி வருகின்றனர்.
மகா வந்தனம் பாடியும் கோஷங்களை எழுப்பியும் போராட்டத்தில் ஈடுபடும் தேரர்கள், ஜனாதிபதி அநுரகுமார திஸாநாயக்க அல்லது ஜனாதிபதியின் செயலாளரை நேரில் வருமாறு கோரியுள்ளனர்.
.இதனால், தேரர்களுக்கும் பொலிஸாருக்கும் இடையில் முறுகல் நிலை ஏற்பட்டுள்ளது.
ஜனாதிபதி அதிகாரிகளுடனான பேச்சுவார்த்தைகளில் உடன்பாடு எட்டப்படாததைத் தொடர்ந்து, கலகொட அத்தே ஞானசார தேரரை விடுதலை செய்யக் கோரி, கொழும்பில் உள்ள ஜனாதிபதி செயலகத்திற்கு வெளியே வியாழக்கிழமை (15) போராட்டம் தொடர்ந்தது.
போராட்டத்தில் ஈடுபட்ட பௌத்த பிக்குகளின் பிரதிநிதிகள், ஜனாதிபதியின் பிரதம மந்திரியுடன் பேச்சுவார்த்தை நடத்தினர். அப்போது, அவர்களின் கோரிக்கைகளைப் பரிசீலிக்க அரசாங்கத்திற்கு கூடுதல் அவகாசம் தேவைப்படும் என்று அவர் தெரிவித்ததாகக் கூறப்படுகிறது.
இருப்பினும், ஒரு முடிவை எடுப்பதற்கான குறிப்பிட்ட காலக்கெடு குறித்து உடன்பாடு எட்டப்படாமல் பேச்சுவார்த்தைகள் முடிவடைந்ததால், போராட்டக்காரர்கள் தங்கள் ஆர்ப்பாட்டத்தைத் தொடர்ந்தனர்.
காலி வீதியில் போராட்டக்காரர்கள் ஒரு தற்காலிகக் கூடாரத்தை அமைத்ததைத் தொடர்ந்து, ஜனாதிபதி செயலகத்திற்கு வெளியேயும் பதற்றம் ஏற்பட்டது.
கூடாரத்தை அகற்றுமாறு பொலிஸார் அறிவித்தபோதும் பிக்குகள் அதற்கு மறுப்புத் தெரிவித்துள்ளனர்.
இதையடுத்து, பொலிஸார் கூடாரத்தை அகற்றியதுடன், அங்கிருந்த பிக்கு ஒருவரையும் கைது செய்துள்ளனர்.
மேலும், போராட்டத்தில் ஈடுபட்டுள்ள பிக்குகள் மற்றும் ஏனைய ஆர்ப்பாட்டக்காரர்களும் இணைந்து பொலிஸாருடன் கடும் முறுகல் நிலை ஏற்பட்டுள்ளது.
பிக்குகள் முன்னெடுத்து வரும் ஆர்ப்பாட்டம் காரணமாக, கொழும்பு காலி முகத்திடல் வீதியில் போக்குவரத்து முற்றாகத் தடைப்பட்டுள்ளது.
ஜனாதிபதி செயலகத்திற்கு முன்பாக கலகத் தடுப்புப் பொலிஸார் பாதுகாப்புப் பணியில் ஈடுபடுத்தப்பட்டுள்ளதுடன், பொலிஸார் மீது தாக்குதல் நடத்தினால் கைது செய்யப்படுவீர்கள் என போராட்டத்தில் ஈடுபடும் பிக்குகளுக்கு எச்சரிக்கை விடுக்கப்பட்டுள்ளது.
கருத்துகள் (Comments)
உங்கள் கருத்தைத் தெரிவிக்கவும் (Leave a Reply)
இந்தச் செய்தி குறித்து உங்கள் கருத்தைப் பதிவு செய்ங்கள்!