டெங்கு : 58,810 பேர் பாதிப்பு; உயிரிழப்பு 39 ஆக உயர்வு

இலங்கையில் டெங்கு நோயாளர்களின் எண்ணிக்கை 58,810 ஆகக் காணப்படுவதுடன், உயிரிழந்தவர்களின் எண்ணிக்கை 39 ஆக உயர்ந்துள்ளது. கடந்த வெள்ளிக்கிழமை 3 ஆம் திகதி டெங்கு நோயாளர்களின் மொத்த எண்ணிக்கை 58,810 ஆகக் காணப்பட்டது.

கொழும்பு மாவட்டத்தில் அதிகப்படியாக 12,017 நோயாளர்கள் பதிவாகியுள்ளனர். அதனைத் தொடர்ந்து கம்பஹா மாவட்டத்தில் 11,740 நோயாளர்கள் பதிவாகியுள்ளனர். நாடு தழுவிய ரீதியில் பதிவான மொத்த தொற்றாளர்களில் 40 வீதத்துக்கும் அதிகமானோர் கொழும்பு, கம்பஹா மாவட்டங்களையும் சேர்ந்தவர்களாவர்.
மேலும் கண்டறிக


மே மாதத்தில் 8,590 நோயாளர்கள் பதிவாகியிருந்த நிலையில், தென்மேற்கு பருவமழை தொடங்கியதைத் தொடர்ந்து ஜூன் மாதத்தில் நோயாளர்களின் எண்ணிக்கை 21,549 ஆக கணிசமாக அதிகரித்துள்ளது.

இதேவேளை, நாட்டில் அதிகரித்துவரும் டெங்கு தாக்கத்தின் காரணமாக பல்கலைக்கழகங்களை மூடுவதற்கு நடவடிக்கை எடுக்கப்படும் என கல்வி மற்றும் உயர் கல்வி பிரதி அமைச்சர் மதுர செனெவிரத்ன தெரிவித்துள்ளார்.


மேலும் கருத்துத் தெரிவித்த பிரதி அமைச்சர், “நாட்டில் தற்போது தேசிய மட்டத்தில் டெங்கு தொற்று அபாயம் நிலவுவதாக சுகாதாரப் பிரிவினர் அறிவித்துள்ளனர். அதேபோன்று, அதிக அவதானம் மிக்க சில மாவட்டங்களும் பிரதேசங்களும் அடையாளப்படுத்தப்பட்டுள்ளன.

previous post