தலைமைத்துவ போட்டிகளால் தடம்மாறிப்போன ஐ.தே.க.

ஐக்கிய தேசியக் கட்சியின் 80 ஆவது பூர்த்தி நிகழ்வு கடந்த 6 ஆம் திகதி அனுஷ்டிக்கப்பட்டது. சில ஆங்கில பத்தி எழுத்தாளர்கள்  ரணிலின் தலைமைத்துவ போக்குகள் குறித்து விமர்சித்து கட்டுரைகள் வரைந்திருந்தனர்.  தலைமைத்துவத்திற்கான அதிகார போட்டிகளே கட்சி சிதைவடையக் காரணம் என சுட்டிக்காட்டியிருந்தனர்.  

டி.எஸ்.சேனாநாயக்கவால் ஐக்கிய தேசியக் கட்சி ஸ்தாபிக்கப்பட்டு  மூன்று வருடங்கள் கழித்து பிறந்தவர்  ரணில் விக்கிரமசிங்க. கடந்த 6 ஆம் திகதி தனது எழுபத்து ஏழாவது வயதில் ஐக்கிய தேசியக் கட்சியின் 80ஆவது ஆண்டு பூர்த்தி நிகழ்வை தலைமையேற்று நடத்தினார். 


1977இல் இடம்பெற்ற பாராளுமன்றத் தேர்தலில் ஆறில் ஐந்து என்ற பெரும்பான்மையைப் பெற்ற சாதனைக் கட்சியாக ஐ.தே.க. விளங்குகின்றது.  அந்த சாதனையை வேறு எந்தக் கட்சியும் இதுவரை முறியடிக்கவில்லை. மொத்தத்தில் அது முதலாளித்துவ கட்சிகளின் தாயகமாக இருந்து வந்தது.  


 

சஜித் பிரேமதாச

 

ஆர்.பிரேமதாச 

அவர் தலைவராக பொறுப்பேற்ற ஆறு ஆண்டு  களில் இடம்பெற்ற மாகாண சபை மற்றும் பொதுத் தேர்தல்களில் (2000)  கட்சி படுதோல்வியைத் தழுவி யது. அதன் காரணமாக அப்போது கட்சியின் இரண்டாம் நிலை தலைவர்கள் சிந்திக்கத் தொடங்கினர். எனவே 2001ஆம் ஆண்டு கட்சியின் பொதுச்செயலாளர் காமினி அத்துகோரள தலைமையிலான ஒரு குழு உருவாகி கரு ஜயசூரிய அதற்கு தலைவராக வேண்டும் என்ற நிலைப்பாடு எடுக்கப்பட்டது.

எனினும் அப்போது சஜித் பிரேமதாச, ரணிலை ஆதரித்தார். அவ்வாண்டு இடம்பெற்ற பொதுத் தேர்தலில் ஐக்கிய தேசியக் கட்சி வெற்றி பெற்று ரணில் பிரதமரானார். ஜனாதிபதியாக சந்திரிகா விளங்கினாலும் பாராளுமன்ற அதிகாரம் ஐக்கிய தேசியக் கட்சி வசம் இருந்தது.


ரணில் பிரதமரானார். 2019 இல் நாட்டில் ஏற்பட்ட அரசியல் நெருக்கடியைப் பயன்படுத்திக்கொண்ட சஜித் 2020 இல் ஐக்கிய மக்கள் சக்தியை உருவாக்கி ஐ.தே.க.விலிருந்து வெளியேறினார். மிகச் சிலரைத் தவிர பெரும்பாலான சிரேஷ்ட உறுப்பினர்கள் சஜித்துடன் இணைந்தனர். இது ஐ.தே.க.வை மேலும் பலவீனமாக்கியது.