நடுவானில் பயங்கரம் : 'பிளைடுபாய்' மர்மமும் விசாரணையின் அரசியலும்

உயரப் பறக்கும் விமா­னத்தில் அமர்ந்­தி­ருக்­கி­றீர்கள். ஜன்­னலின் வழியே வெளியே எட்டிப் பார்க்­கி­றீர்கள்.

விமானம் சடு­தி­யாக கீழே இறங்­கு­கி­றது. இரண்டு நிமி­டங்­க­ளுக்குள் 17,000 அடிகள் வரை தாழ்­கி­றது.  

தண்ணீர் போத்­தல்கள் கீழே விழு­கின்­றன. பய­ணிகள் பயத்தில் கத்­து­கி­றார்கள். பிரார்த்­தனை செய்­கி­றார்கள். இது வாழ்க்­கையின் இறு­திக்­கட்­டமோ என்ற அச்சம் ஏற்­ப­டு­கி­றது.

விமா­னி­களின் அறையில் கூக்­குரல். இறுக்­க­மான கதவைத் திறந்து கொண்டு பய­ணி­கள் உள்ளே நுழை­கி­றார்கள். ஒரு விமானி தரையில் விழுந்து கிடக்­கிறார். அங்கு இரத்த வெள்ளம்.

மற்­றைய விமானி கத்­தியை கையில் வைத்துக் கொண்டு நிற்­கிறார். அவ­ரது தோற்­றத்­திலும் செயல்­க­ளிலும் சொல்­லொணா பதற்றம்.  

அறைக்குள் நுழைந்த பய­ணிகள் கத்­தி­யுடன் நிற்­ப­வரை மடக்கிப் பிடிக்­கி­றார்கள். கட்டி வைக்­கி­றார்கள். கடமை நிமித்­த­மாக அன்றி, விமா­னத்தில் பய­ணித்த வேறு இரண்டு விமா­னிகள் அழைக்­கப்­ப­டு­கி­றார்கள். விமா­னி­களின் அறை கட்­டுப்­பாட்­டுக்­குள் கொண்டு வரப்­ப­டு­கி­றது. விமானம் மீண்­ டும் மேலெ­ழு­கி­றது. 174 உயிர்கள் காப்­பாற்­றப்­­ப­டு­கின்­றன.

 இது ஹொலிவூட் திரைப்­ப­ட­மொன்றில் வரும் காட்­சி­களைப் போன்று இருக்­கி­றதா? அல்­லது 2001ஆம் ஆண்டு செப்­டெம்பர் 11ஆம் திகதி அமெ­ரிக்க விமா­னங்­களில் நிகழ்ந்த சம்­ப­வங்கள் ஞாப­கத்­திற்கு வரு­கி­றதா?

 'பிளை-­டுபாய்' விமா­னத்தின் விமா­ன­மோட்­டி­க­ளது அறையில் என்ன நடந்­தது என பய­ணிகள் விப­ரித்­தா­யிற்று. அவர்­களின் பார்வைக் கோணத்தில் ஊட­கங்­களும் சம்­ப­வத்தை விளக்­கி­யா­யிற்று.

 உண்­மை­யாக நடந்­தது என்­ன­வென அறிய ஒவ்­வொ­ருக்கும் ஆவல். உண்மை தெரிய வருமா?

 நடு­வானில் குற்றச் செயல் நிகழும் பட்­சத்தில், என்ன நடந்­தது என்­பதை இல­கு­வாக கண்­ட­றி­யலாம். ஆனால், சம்­ப­வத்தில் சம்­பந்­தப்­பட்­டவை மத்­திய கிழக்கு நாடுகள் என்றால், அங்கு தான் சிக்கல் தொடங்­கு­கி­றது.

 எது உண்மை என்­பதை அறியும் முயற்­சிகள் மீது மூன்று விட­யங்கள் தாக்கம் செலுத்­து­கின்­றன.

 ஓர் அசம்­பா­வி­தத்தை அர­சியல் இலா­பத்­திற்­காக பயன்­ப­டுத்தல் என்­பது முதல் விடயம்.

இஸ்­ரேலில் இம்­மாதம் பொதுத் தேர்தல் நடை­பெ­ற­வுள்­ளது. தமது போர்­வெறி ஏற்­ப­டுத்­திய விளை­வு­களால் மக்­களின் எதிர்ப்பை சம்­பா­தித்­துள்ள பெஞ்­சமின் நெத்­தன்­யா­ஹு­விற்கு பலப்­ப­ரீட்சைக் களம். எதை­யா­வது செய்து தமது இருப்பைத் தக்க வைத்துக் கொள்ள வேண்­டிய தேவை நெத்­தன்­யா­ஹு­­வுக்கு உண்டு.

ப்ளை-டுபாய் அசம்­பா­விதம் அவ­ருக்கு கிடைத்த அதிர்ஷ்ட இலாபச் சீட்டு. இன­வா­தத்தைத் தூண்டி வாக்­கு­களைத் தேடக் கிடைத்த அபூர்­வ­மான வாய்ப்பு.

 நடு­வானில் என்ன நடந்­தி­ருக்­கலாம் என்­பதை சுதா­ரித்து அறி­வ­தற்கு முன்­ன­தாக நெத்­தன்­யாஹு ஊடக ஒலி­வாங்­கி­களின் முன்­னால் நின்றார். விமா­னத்தில் கப்­டனை கத்­தியால் குத்­திய ஓமா­னிய பிரஜை கடும்­போக்கு இஸ்­லா­மிய கோட்­பா­டு­களால் உந்­தப்­பட்­டவர் என்று குற்றம் சுமத்­தினார்.

ஏனிந்த அவ­சரம்? இஸ்­ரேலின் அர­சி­யலை ஆராய்ந்தால், தேசிய பாது­காப்பு உணர்­வு­பூர்­வ­மா­ன­தொரு விடயம். தேர்தல் காலத்தில் பாது­காப்பு பற்­றிய அச்ச உணர்வை விதைத் தால் வாக்­கு­களை இல­கு­வாக அறு­வடை செய்­யலாம்.

 நடு­வானில் நிகழ்ந்த தாக்­கு­த­லுக்கு இஸ்­லா­மிய பயங்­க­ர­வா­தமே காரணம் என்ற விம்­பத்தை உரு­வாக்கி, தம்மை தேசத்தின் பாது­கா­வ­லர்­க­ளாக சித்­த­ரித்து விட்டால், வாக்­கா­ளர்கள் தமது பின்னால் அணி திரள்­வார்­க­ளென நெத்­தன்­யாஹு நம்­பு­கிறார்.

ஒரு தேர்­த­லுக்கு முன்­ன­தாக இன­வா­தத்­தையோ, மத­வா­தத்­தையோ தூண்­டி­விட ஏதேனும் சம்­பவம் பயன்­ப­டுத்­தப்­ப­டு­மாயின், அந்த சம்­ப­வம் பற்றி விசா­ர­ணை­கள் நேர்­மை­யாக இருக்­கும் என எவ்­வாறு எதிர்ப்­பார்க்க முடியும்?

 அர­சியல் பரப்­பு­ரை­க­ளுக்கு உண்­மைகள் அன்றி இல­கு­வாக விரல் நீட்­டக்­கூ­டிய வில்­லன்­களே அவ­சியம். நெத்­தன்­யா­ஹுவைப் பொறுத்­த­வ­ரையில் ஈரானும் வில்லன் தான். 'இஸ்­லா­மிய பயங்­க­ர­வா­தமும்' வில்லன் தான். ஈரான் விட­யத்தில் தோற்றுவிட்ட பிறகு அடுத்­த­தென்ன, இஸ்­லா­மிய பயங்­க­ர­வாதம் தானே?

அடுத்து, இரண்­டா­வது விட­யத்­திற்கு வரு­வோம்.

 நடு­வானில் நிகழ்ந்த கத்­திக்­குத்து சம்­பவம் பற்­றிய விசா­ர­ணை­களை, பாகங்­களை ஒட்டச் செய்து முழு உரு­வத்தைக் கொண்டு வரும் விளை­யாட்டுப் பொருள் போன்ற புதி­ருடன் ஒப்­பி­டலாம்.

ஒவ்­வொரு பாகங்­களும் ஒவ்­வொ­ரு­வ­ரி­டம் இருக்­கின்­றன. விமான நிறு­வனம் ஐக்­கிய அரபு இராச்­சி­யத்­துக்கு சொந்­த­மா­னது. விமானம் சவூதி அரே­பி­யாவில் தரை இறக்­கப்­பட்­டது. விமானப் பய­ணி­களில் ஏறத்­தாழ சக­லரும் இஸ்­ரே­லி­யர்கள். கத்திக் குத்­துக்கு இலக்­கான பின்­னரும் நிலை­மையை சமா­ளிக்க உத­விய தலைமை விமானி இந்­திய நாட்­டவர். கத்­தியால் குத்­தி­யவர் ஓமான் பிரஜை.

விசா­ரணை வெற்­றி­ய­ளிக்க வேண்­டு­மெனில் இந்­நா­டுகள் மத்­தியில் வலு­வான ஒருங்­கி­ணைப்பு இருக்க வேண்டும். தக­வல்­களை பரி­மாற வேண்டும்.

ஆனால், சவூ­திக்கும் இஸ்­ரே­லுக்கும் இடை­யில் இரா­ஜ­தந்­திர தொடர்­புகள் இல்லை. சவூ­தியும், ஐக்­கிய அரபு இராச்­சி­யமும் மத்­திய கிழக்குப் பிராந்­திய அதி­காரப் போட்­டிக்குள் சண்டை பிடிக்கும் நாடுகள். இந்­தி­யா­விற்கு வளை­குடா நாடு­க­ளுடன் நல்­லு­றவைப் பேண வேண்­டிய தேவை உள்­ளது. ஏனெனில் இந்­நா­டு­களில் ஏரா­ள­மான இந்­தி­யர்கள் வேலை செய்­கி­றார்கள்.

தாக்­குதல் சம்­ப­வத்தைப் பொறுத்­த­வ­ரை­யில், ஆதா­ரங்கள் எந்த நாட்­டிடம் இருக்­கின்­றன. யாரை யார் விசா­ரிப்­பது என்ற பிரச்­சி­னையும் தீவி­ர­மா­னது.

கத்­தியால் குத்­தி­ய­வரும், குத்­தப்­பட்­ட­வரும் ஆரம்­பத்தில் சவூ­தியில் சிகிச்­சைக்கு உட்­­ப­டுத்­தப்­பட்­டனர். இவர்கள் ஐக்­கிய அரபு இராச்­சி­யத்­துக்கு மாற்­றப்­பட்­டுள்­ளார்கள். ஐக்­­கிய அரபு இராச்­சிய அதி­கா­ரிகள் சந்­தேக நபரை விசா­ரிக்­கையில் தமது புல­னாய்வு அதி­கா­ரி­களும் பிர­சன்­ன­மாக இருக்க வேண்டும் என இஸ்ரேல் அடம் பிடிக்­கலாம். எந்­த­வொரு நாடும் தமது தவறை ஒத்துக் கொள்ளப் போவதும் இல்லை. தமது பிம்­பத்தை விட்டுக் கொடுக்­கவும் மாட்­டாது.

 அப்­ப­டி­யாயின், கூட்டு விசா­ரணை சாத்­தி­யப்­பட போவ­து­மில்லை. உண்­மைகள் பகி­ரப்­ப­டவும் மாட்­டாது.

 இனி மூன்­றா­வது விட­யத்தை ஆராய்வோம். நாம் எந்த நாட்டை நம்­பு­வது?

 எந்­நாடு உண்­மையை சொல்­லக்­கூடும் என்று கேள்வி எழுப்­பினால், நமக்கு திருப்­தி­க­ர­மான பதில் கிடைக்­குமா என்­பதும் சந்­தே­கமே.

 மத்­திய கிழக்கு நாடுகள் விசா­ர­ணை­களில் வெளிப்­படைத் தன்மை காட்­டு­வது கிடை­யாது. சகல விசா­ர­ணை­க­ளையும் மூடிய அறை­க­ளுக்குள் நடத்­து­வது அவற்றின் வழக்கம். அந்­நா­டு­களின் செய்தி நிறு­வ­னங்­களும் அரச கட்­டுப்­பாட்டின் கீழ் இயங்கி வரு­கின்­றன. அர­சாங்கம் அல்­லது அரண்­மனை என்ன சொல்­கி­றதோ, அதையே கவ­ன­மான வார்த்­தை­களில் ஊடக நிறு­வ­னங்கள் எழுதி வெளி­யி­டு­வதும் வழக்­க­மாக இருக்­கி­றது.  

தாக்­கு­தலை நடத்­தி­யவர் மன­நிலை பாதிக்­கப்­பட்­டவர் என்றோ, அவர் தனிப்­பட்ட கோபத்தில் தான் தலைமை விமா­னியை தாக்­கினார் என்றோ விசா­ர­ணை­களின் முடிவில் தெரி­ய­வ­ரு­வ­தாக கரு­துவோம். அது 'பயங்­க­ர­வாதத் தாக்­கு­தலை' முன்­னி­றுத்­திய தேர்தல் பிர­சா­ரத்­திற்கு குந்­தகம் விளை­வித்து விடும்.

டுபாய் விமான நிலை­யத்தில் ஒழுங்­கான பாது­காப்பு ஏற்­பா­டுகள் இருந்­தி­ருந்தால், இத்­த­கைய சம்­பவம் நடந்­தி­ருக்­காது என்று விசா­ரணை அதி­கா­ரிகள் தீர்­மா­னிப்­ப­தாக கரு­துவோம். அப்­போது, உல­க­ளா­விய ரீதியில் விமானச் சேவை பாது­காப்பு தொடர்பில் ஐக்­கிய அரபு இராச்­சி­யத்­துக்கு இருக்கும் நற்­பெய­ருக்கு களங்கம் ஏற்­பட்டு விடலாம்.

 இந்த விசா­ர­ணையை உற்­று­நோக்­கினால், உண்­மையை மறைப்­ப­தற்கு அல்­லது திரித்­துக்­கூ­று­வ­தற்கு ஒவ்­வொரு நாட்­டிற்கும் வெவ்­வே­றான கார­ணங்கள் இருக்­கின்­றன.

 இப்­போது முற்று முழு­வதும் அடுக்­க­டுக்­கான திரை­களால் மூடப்­பட்­ட­தொரு விசா­ரணை அறையை கற்­பனை செய்து கொள்­ளுங்கள்.

 அறைக்கு வெளியே இருப்­ப­வர்­க­ளுக்கு சில உண்மைகள் தெரிய வேண்டும். ஓமா­னிய விமானி ஏன் தாக்கினார்? விமானத்தை நிலத்தில் வீழ்த்தும் எண்ணம் அவருக்கு இருந்­ததா? அவருக்கு உதவி செய்தவர்கள் யார்?

எந்தத் தகவலை வெளியே சொல்ல வேண்டும் என்பதை அறைக்குள் இருந்து தீர்மானிப்பவர்கள் அரசியல்வாதிகள் என்­றால், உண்மைகள் வெளிவரும் என்று எதிர­்பார்க்க முடியுமா?

உயரப்பறந்து கொண்டிருந்த விமானம் சடுதியாக கீழே இறங்கும்போது, சில தைரிய­மான பயணிகள் சடுதியாக செயற்பட்டு அசம்பாவிதத்தைத் தடுக்கிறார்கள்.

 அதே விமானம் தரையைத் தொட்டவுடன், விமானிகளின் அறையில் புகுவது அரசியல் என்றாகிறது.

அரசியல் தான் விமானத்தின் திசையைத் தீர்மானிக்கும் என்றால், விமானிகளின் அறையில் இருந்து உண்மை வெளியேறி யதார்த்திற்குள் தரையிறங்க முடியுமா?