நாடு முழுவதும் திடீர் மின்தடை: அமைச்சர் விளக்கம்

இலங்கையில் திடீர் மின்சாரத் தடை: தேசிய மின்கட்டமைப்பை ஸ்திரப்படுத்த நடவடிக்கை ​தேசிய மின்சாரக் கட்டமைப்பில் ஏற்பட்ட திடீர் உறுதியற்ற தன்மை காரணமாக இலங்கை முழுவதும் மின்வெட்டு ஏற்பட்டுள்ளதாகவும், துரிதமாக மின்சார விநியோகத்தை இயல்பு நிலைக்குக் கொண்டுவர அதிகாரிகள் நடவடிக்கை எடுத்து வருவதாகவும் எரிசக்தி அமைச்சர் அநுர கருணாநிலக்க தெரிவித்துள்ளார். 

​கட்டமைப்பை ஸ்திரப்படுத்தும் நடவடிக்கையாக ஏற்பட்ட அவசர நிலை காரணமாக மின் விநியோகம் தற்காலிகமாகத் துண்டிக்கப்பட்டுள்ளதாக அமைச்சர் குறிப்பிட்டார். 

ஏற்கனவே பல பகுதிகளுக்கு மின் விநியோகம் மீள வழங்கப்பட்டுள்ளதுடன், நாடு முழுவதும் மின்சாரத்தை விநியோகிக்கும் பணிகள் தீவிரமாக நடைபெற்று வருகின்றன. 

​தேசிய மின்கட்டமைப்பை ஸ்திரப்படுத்தவும், மின் விநியோகத்தை மீட்டெடுக்கும் பணியை விரைவுபடுத்தவும், கூரை மீது சோலார் தகடுகளை (Solar panels) அமைத்துள்ள பாவனையாளர்கள் தற்காலிகமாக அவற்றை அணைத்து வைக்குமாறு அவர் கேட்டுக்கொண்டுள்ளார். 

​மேல் கொத்மலை மின் நிலையத்தின் ஒரு அலகில் நேற்று பதிவான தொழில்நுட்பக் கோளாறுடன் இந்த விநியோகத் தடை தொடர்புடையதா என்பது குறித்து அதிகாரிகள் தொடர்ந்தும் விசாரித்து வருகின்றனர். ​

இந்தச் சம்பவம் மின்கட்டமைப்பு முடக்கத்திற்கு நேரடியாகக் காரணமா அல்லது வேறு செயல்பாட்டுக் காரணிகள் சமநிலையின்மைக்கு வழிவகுத்தனவா என்பது குறித்து அதிகாரிகள் ஆராய்ந்து வருவதாக அமைச்சர் தெரிவித்தார். ​விரைவில் நாடு முழுவதும் வழமையான மின் விநியோகம் மீளக் கிடைக்கும் என அவர் நம்பிக்கை தெரிவித்தார்.