பச்சை மிளகாயின் விலை ஒரு கிலோகிராம் 1,600

பச்சை மிளகாயின் விலை ஒரு கிலோகிராம் 1,400 தொடக்கம் 1,600 ரூபாய் என்ற அளவில் உச்சத்தைத் தொட்டுள்ளது. எண்ணிக்கையில் பிரித்துப் பார்த்தால், சாதாரண பருமனுள்ள ஒரு பச்சை மிளகாய் 10 ரூபாய் என்ற அளவில் விற்கப்படுகிறது. சமீப நாட்களாக மட்டக்களப்பு மாவட்டத்தில், ஏறாவூர் நகரம் உள்ளிட்ட பல பிரதேசங்களிலேயே உச்சத்தைத் தொட்டுள்ளது

இதனால், கறிக்கும் இன்ன பிற உணவுகளுக்கும் நாவுக்குச் சுவையாக பச்சை மிளகாயைச் சேர்த்துக் கொள்ள முடியாமல் இல்லத்தரசிகள் அங்கலாய்க்கின்றனர். பச்சை மிளகாய் இவ்வளவு உயர்ந்த விலையில் விற்கப்பட்ட போதிலும், வேறு வழியின்றி இல்லத்தரசிகள் அதனை விரும்பி வாங்கிச் செல்வதாக மரக்கறி வியாபாரிகள் தெரிவிக்கின்றனர். வழமையாக இந்தக் காலங்களில் பச்சை மிளகாய்க்கு இவ்வளவு தட்டுப்பாடும் கிராக்கியும் ஏற்படுவதில்லை என வியாபாரிகள் ஆதங்கம் வெளியிடுகின்றனர்.

சமீப வருடங்களில் மட்டக்களப்பில் பச்சை மிளகாய் விலை உச்சத்தைத் தொட்டது இதுவே முதன்முறை என்று வியாபாரிகளும் இல்லத்தரசிகளும் தெரிவிக்கின்றனர்.