மாகா­ண­சபை தேர்­தல்கள் ; தமிழ்பேசும் கட்­சிகள் வெகு­ஜன போராட்­டங்­களை முன்­னெ­டுக்க வேண்டும்

தமிழ்­பேசும் சமூ­கங்கள் எதிர்­நோக்­கு­கின்ற  பொது­வான பிரச்­சி­னை­களின் தீர்­வு­க­ளுக்­காக குரல் கொடுப்­ப­தற்­காக 'பொது­மேடை' அமைத்த ஆறு தமிழ், முஸ்லிம் கட்­சி­களின் பிர­தி­நி­திகள் அண்­மையில் ஜனா­தி­பதி அநுர குமார திச­ாநா­யக்­கவை சந்­தித்துப் பேச்­சு­வார்த்தை நடத்­தி­ய­போது நீண்­ட­கா­ல­மாக தாம­திக்­கப்­பட்­டு­வரும் மாகா­ண­சபை தேர்­தல்­களை விரை­வாக நடத்த வேண்டும் என்று அவ­ரிடம் கோரிக்கை விடுத்­தனர்.

அதற்கு பதி­ல­ளித்த ஜனா­தி­பதி, மாகாண சபை­க­ளுக்கு எந்த முறையின் கீழ் தேர்­தல்­களை நடத்­து­வது என்­பது குறித்து ஆராய்ந்து, வரும் பாரா­ளு­மன்ற தெரி­வுக்­கு­ழுவின் தீர்­மா­னத்தை அறிந்து அதன் அடிப்­ப­டையில் நட­வ­டிக்கை எடுப்­ப­தாக கூறினார்.

 இந்த பதிலை அறி­வ­தற்கு தமிழ்­பேசும் கட்­சிகள் ஜனா­தி­ப­தியைச் சந்­தித்­தி­ருக்க வேண்­டி­ய­தில்லை. மாகா­ண­சபை தேர்­தல்கள் தொடர்பில் அர­சாங்­கத்தின் நிலைப்­பாடு ஏற்­கெ­னவே தெரிந்த ஒன்­றுதான்.

ஜனா­தி­பதி திச­ாநா­யக்­கவின் பதிலைக் கேட்­ட­வுடன் பாரா­ளு­மன்ற தெரிவுக் குழுவில் உறுப்­பி­னர்­க­ளாக இருக்கும் இலங்கைத் தமி­ழ­ரசுக் கட்­சியின் பாரா­ளு­மன்றக் குழுவின் தலைவர்  சாணக்­கியன் இரா­ச­மா­ணிக்­கமும் ஸ்ரீலங்கா முஸ்லிம் காங்­கிரஸ் பொதுச் செய­லாளர் நிசாம் காரி­யப்­பரும் " தெரிவுக் குழுவின் தீர்­மா­னத்தின் அடிப்­ப­டையில் நட­வ­டிக்கை எடுப்­ப­தாக கூறி­ய­தற்கு பதி­லாக, நீங்கள் மாகா­ண­சபை தேர்­தல்­களை நடத்த முடி­யாது என்றே கூறி­யி­ருக்­கலாம்" என்று அவ­ரிடம் கூறி­ய­தாக தெரிய வந்­தது.

தெரி­வுக்­குழு அமைக்­கப்­பட்­ட­போது அதன் தலை­வ­ரான வெளி­யு­றவு அமைச்சர் விஜித்த ஹேரத் மூன்று மாதங்­க­ளுக்குள் அறிக்கை சமர்ப்­பிக்­கப்­படும் என்று அறி­வித்தார். தெரி­வுக்­கு­ழுவின் முத­லா­வது கூட்டம் கடந்த மார்ச் 17 ஆம் திகதி நடை­பெற்­றது. அதற்கு பிறகு ஐந்து மாதங்கள் கடந்­து­விட்ட நிலை­யிலும், எந்த அறிக்­கை­யையும் காண­வில்லை.

மூன்று மாதங்­களில் அறிக்­கையை சமர்ப்­பிக்க வேண்டும் என்ற தெரிவுக் குழுவின்  ஆணையை சாணக்­கியன் ஒரு தடவை சுட்­டிக்­காட்­டிய போது மூன்று மாதங்­களில் முதல் அறிக்­கையை சமர்ப்­பிக்க வேண்டும் என்­பதே ஆணை என்று விஜித்த ஹேரத் பதி­ல­ளித்தார். மாகா­ண­சபை தேர்­தல்­களை தற்­போ­தைக்கு நடத்­தாமல் இருப்­ப­தற்­கா­கவே தெரி­வுக்­குழுவை அர­சாங்கம் நிய­மித்­தது என்­பதை வெளிக்­காட்­டிய  சமிக்­ஞை­யாக அமைச்சர் ஹேரத்தின் பதில் அமைந்­தி­ருந்­தது.

பத­விக்கு வந்து ஒரு வரு­டத்­திற்குள் மாகா­ண­சபை தேர்­தல்­களை நடத்­து­வ­தாக  2024 தேர்தல் விஞ்­ஞா­ப­னத்தில் தேசிய மக்கள் சக்தி நாட்டு மக்­க­ளுக்கு  வாக்­கு­றுதி வழங்­கி­யி­ருந்­தது. தற்­போது இரு வரு­டங்கள் நிறை­வ­டை­ய­வி­ருக்கும்  நிலையில், எல்லை நிர்­ண­யக்­கு­ழுவின் அறிக்­கையின் பின்­னரே மாகா­ண­சபை தேர்­தல்­களை நடத்த முடியும் என்­பது உட்­பட பல்­வேறு கார­ணங்­களைக் கூறி காலத்தைக் கடத்தும் கைங்­க­ரி­யங்­களில் அர­சாங்கம்  ஈடு­ப­டு­கி­றது.

அண்­மையில்  உத்­தி­யோ­க­பூர்வ விஜ­யத்தை மேற்­கொண்டு கொழும்பு வந்­தி­ருந்த இந்­திய வெளி­யு­றவு செய­லாளர் விக்ரம் மிஸ்ரி, ஜனா­தி­பதி திச­ாநா­யக்­கவை சந்­தித்துப் பேசிய வேளையில் 'மாகாண சபை தேர்­தல்­களை விரை­வாக நடத்தி தமிழ் மக்­களின் அர­சியல் அபிலாஷைகளை நிறை­வு­செய்­வ­தற்­காக அர­சி­ய­ல­மைப்பு ஏற்­பா­டு­களை முழு­மை­யாக நடை­மு­றைப்­ப­டுத்­து­மாறு வலி­யுத்­தி­யி­ருந்தார். அது குறித்து இந்­திய வெளி­யு­றவு அமைச்சின் அறிக்­கையில் கூறப்­பட்­டதே  தவிர, ஜனா­தி­ப­தியின் ஊட­கப்­பி­ரிவு வெளி­யிட்ட அறிக்­கையில் எதுவும் குறிப்­பி­டப்­ப­ட­வில்லை.

இந்­திய அர­சாங்கத் தரப்பில்  மாகா­ண­சபை தேர்­தல்கள் குறித்து அக்­கறை காட்­டப்­ப­டு­கி­றது என்­ப­தையோ தங்­களைச் சந்­தித்த இந்­திய வெளி­யு­றவு செய­லா­ளரும் அது பற்றி பேசினார் என்­ப­தையோ பொது வெளியில் கூறு­வ­தற்கு தயக்­கு­கின்ற தேசிய மக்கள் சக்தி அர­சாங்­கத்­திடம் இந்த விட­யத்தில் நேர்­மை­யான அணு­கு­மு­றையை எதிர்­பார்க்க முடி­யாது என்­பது தெளி­வாகத் தெரி­கி­றது.

ஜனா­தி­ப­தி­யு­ட­னான பேச்­சு­வார்த்­தைக்குப் பிறகு இந்­திய உயர்ஸ்­தா­னிகர் சந்தோஷ் ஜாவைச் சந்­தித்த தமிழ்­பேசும் கட்­சி­களின் பிர­தி­நி­திகள் மாகா­ண­சபை தேர்­தல்கள் தொடர்­பாக  ஜனா­தி­பதி கூறிய பதில் குறித்து அவ­ரி­டமும் கூறி­னார்கள்.


இந்­தி­யா­விடம் இலங்கை இனப்­பி­ரச்­சினை  விட­யத்தில் அண்­மைய வரு­டங்­க­ளாக காணக் கூடி­ய­தாக இருக்­கின்ற ஒரு 'விசித்­தி­ரமான' அணு­கு­மு­றையை விக்ரம் மிஸ்­ரியின் கொழும்பு விஜ­யத்தின் போதும் அவ­தா­னிக்கக் கூடி­ய­தாக இருந்­தது.

1987 ஜூலை இந்­திய-இலங்கை சமா­தான உடன்­ப­டிக்­கையை தொடர்ந்து மாகாண சபை­களை அறி­மு­கப்­ப­டுத்­து­வ­தற்­காக  இலங்கை அர­சி­ய­ல­மைப்­புக்கு கொண்­டு­வ­ரப்­பட்ட 13 ஆவது திருத்­தத்தை முழு­மை­யாக நடை­மு­றைப்­ப­டுத்த வேண்டும்  என்று புது­டில்லி, கொழும்பைக்  கேட்­ப­தில்லை. பொதுப்­ப­டை­யாக அர­சி­ய­ல­மைப்பை முழு­மை­யாக நடை­முறைப்­ப­டுத்த வேண்டும் என்றே கேட்­கப்­ப­டு­கி­றது. இலங்­கையின் அர­சி­ய­ல­மைப்பில் 13 ஆவது திருத்­தத்தை விடவும் வேறு எந்த ஏற்­பா­டு­களில் இந்­தி­யா­வுக்கு அக்­கறை இருக்­கி­றது என்று விளங்­க­வில்லை.

1987 ஆம் ஆண்டில் 13 ஆவது திருத்தம் நடை­மு­றைக்கு வந்த நாளில் இருந்து இந்­திய தலை­வர்கள், இலங்கை தலை­வர்­க­ளு­ட­னான தங்­க­ளது சந்­திப்­புக்­களில் அந்த திருத்தம் குறித்து குறிப்­பி­டு­வது ஒரு வழ­மை­யா­கவே இருந்து வந்­தது.

இந்­திய பிர­தமர் நரேந்­திர மோடி 2015 மார்ச்சில் கொழும்­புக்கு முதற்­த­ட­வை­யாக விஜ­யம்­செய்த வேளையில் 13 ஆவது திருத்­தத்தை முழு­மை­யாக நடை­மு­றைப்­ப­டுத்­து­மாறு அன்­றைய அர­சாங்­கத்தை வலி­யு­றுத்­தினார்.

கோட்டாபய ராஜ­பக் ஷ  2019 நவம்­பரில் புது­டில்­லிக்கு விஜயம் செய்­த­போது, 13ஆவது திருத்தச் சட்­டத்தை நடை­மு­றைப்­ப­டுத்­து­மாறு  பிர­தமர் மோடி நேர­டி­யா­கவே வலி­யு­றுத்­தினார்.

2019 நவம்பர் 29 கோட்டாப­ய­வு­ட­னான கூட்டுச்  செய்­தி­யா­ளர்கள் சந்­திப்பில் மோடி,

"சமத்­துவம், நீதி, அமைதி மற்றும் மரி­யா­தையைப் பெறு­வ­தற்­கான தமி­ழர்­களின் விருப்­பங்­களை நிறை­வேற்றும் வகையில், நல்­லி­ணக்கச் செயல்­பா­டு­களை இலங்கை அர­சாங்கம் முன்­னெ­டுத்துச் செல்லும் என்று நான் நம்­பு­கிறேன். இதில் 13ஆவது திருத்தச் சட்­டத்தை நடை­மு­றைப்­ப­டுத்­து­வதும் அடங்கும்" என்று கூறினார். ஆனால், கோட்டாபய அது குறித்து  எதையும் குறிப்­பி­டு­வதை தவிர்த்­துக்­கொண்டார்.

ஆனால், ஜனா­தி­பதி திசா­நா­யக்க 2024 டிசம்பர் நடுப்­ப­கு­தியில் புது­டில்­லிக்கு மேற்­கொண்ட விஜ­யத்­தின்­போது வெளி­யி­டப்­பட்ட கூட்­ட­றிக்­கையில் இனப்­பி­ரச்­சினை தொடர்­பா­கவோ அல்­லது 13 ஆவது திருத்தம் குறித்து எதுவும் குறிப்­பி­டப்­ப­ட­வில்லை. இலங்கை ஜனா­தி­ப­தி­யுடன் சேர்ந்து செய்­தி­யா­ளர்­களைச் சந்­தித்த வேளை­யிலும் இந்­திய பிர­தமர் 13 ஆவது திருத்தம் குறித்து பிரத்­தி­யே­க­மாக எதையும் கூற­வில்லை.

அதற்கு முன்­ன­தாக, 2023 ஜூலையில் ஜனா­தி­பதி ரணில் விக்­கி­ர­ம­சிங்­கவின் புது­டில்லி விஜ­யத்தின் போது வெளி­யி­டப்­பட்ட  கூட்­ட­றிக்­கையில் 13 திருத்­தத்தை நடை­மு­றைப்­ப­டுத்த வேண்டும் என்று குறிப்­பி­டப்­ப­ட­வில்லை. ஆனால், விக்­கி­ர­ம­சிங்­க­வு­ட­னான கூட்டுச் செய்­தி­யா­ளர்கள் சந்­திப்பில் மோடி 13 ஆவது திருத்­தத்தின் நடை­மு­றைப்­ப­டுத்­தலைப் பற்றி குறிப்­பிட்டார்.

குறிப்­பாக, தேசிய மக்கள் சக்தி அர­சாங்கம் பத­விக்கு வந்த பிறகு 13 ஆவது திருத்தம் என்று பிரத்­தி­யே­க­மாகக் குறிப்­பி­டாமல் அர­சி­ய­ல­மைப்பை முழு­மை­யாக நடை­மு­றைப்­ப­டுத்­து­மாறு கேட்­பதே மோடி அர­சாங்­கத்தின் பல்­ல­வி­யாக இருக்­கி­றது.  அர­சி­ய­ல­மைப்­பிற்குள் தான் 13 ஆவது திருத்­தமும் அடங்­கு­கி­றது என்று இதை மெத்­த­ன­மாக தமி­ழர்­க­ளினால் நோக்க முடி­யாது.

இந்­திய வெளி­யு­றவு அமைச்சர் எஸ். ஜெய்­சங்கர் வடக்கு,கிழக்கு  தமிழ்க் கட்­சி­களை சந்­தித்த சந்­தர்ப்­பங்­க­ளிலும் 13 ஆவது திருத்­தத்தை நடை­மு­றைப்­ப­டுத்­து­மாறு இலங்கை அர­சாங்­கத்தை வலி­யு­றுத்­துவோம் என்று கூறு­வதை தவிர்த்தே வந்­தி­ருக்­கிறார்.

அந்த திருத்தத்துக்கு தென்­னி­லங்­கையில் எதிர்ப்பு இருப்­பதால் அது  பற்றி கூறு­வதன் மூலம் ஜனா­தி­பதி திச­ாநா­யக்­க­வுக்கும் அவ­ரது அர­சாங்­கத்­துக்கும் உள்­நாட்டில் அர­சியல் ரீதியில் அசௌ­க­ரி­யத்தை கொடுப்­ப­தற்கு புது­டில்லி தற்­போது விரும்­ப­வில்லை என்று தெரி­கி­றது. அதனால், மாகா­ண­சபை தேர்­தல்கள் விட­யத்தில் புது­டில்­லி­யி­ட­மி­ருந்து நெருக்­குதல் வரக்­கூ­டிய சாத்­தி­ய­மில்லை. வேறு எந்த நாடும் இதில் அக்­கறை காண்­பிக்கப் போவ­து­மில்லை.

தென்­னி­லங்­கையில் உள்ள எதி­ரணி கட்­சிகள் மாகா­ண­சபை தேர்­தல்­களை நடத்­து­மாறு அர­சாங்­கத்­துக்கு சவால் விடுப்­பது தேசிய மக்கள் சக்தி 2025 உள்­ளூ­ராட்சி தேர்­தல்­களில் சந்­தித்­ததை விடவும் கூடு­த­லான வாக்கு வீழ்ச்­சியை மாகா­ண­சபை தேர்­தல்­களில் சந்­திக்கும் என்ற எதிர்­பார்ப்­பி­லே­யே­யாகும்.

அர­சாங்­கத்­துக்கு எதி­ராகப் பயன்­ப­டுத்­து­வ­தற்கு வேறு பிரச்­சி­னைகள் கிடைக்­கும்­போது  எதி­ரணி கட்­சி­களின் கவனம் வேறு திசையில்  திரும்பிவிடும். மேல்நிலை நீதிமன்றங்களின் நீதிபதிகளின் ஓய்வு வயதெல்லையை அதிகரிப்பதற்கு அரசாங்கம் கொண்டு வரவிருக்கும் அரசியலமைப்பு திருத்தம் தொடர்பான சர்ச்சைக்கு மத்தியில் மாகாணசபை தேர்தல்களை அந்த கட்சிகள் மறந்து விட்டன.

இத்தகைய பின்னணியில், அண்மையில் ஒன்றிணைந்த தமிழ் பேசும் கட்சிகள் மாகாணசபை தேர்தல்களை வலியுறுத்தி வடக்கு, கிழக்கு மற்றும் மலையகப் பகுதிகளில் மக்களை அணிதிரட்டி ஜனநாயக ரீதியான வெகுஜனப் போராட்டங்களை (சத்தியாக்கிரகம், பாதயாத்தரை போனறவை) நடத்த முன்வர வேண்டும்.

வடக்கு, கிழக்கு தமிழ் கட்சிகள், மலையக தமிழ் கட்சிகள் மற்றும் முஸ்லிம் கட்சிகள் ஒன்றிணைந்து மாகாண சபைகளுக்காகவும் அதிகாரப் பகிர்வுக்காகவும் கோரிக்கையை முன்வைத்து போராடும் போது அது தேசிய அளவிலும் சர்வதேச அளவிலும் பெரும் கவனத்தைப் பெறும்.