மாற்றுத்திறனாளிகள் குறித்த கருத்து: மன்னிப்பு கோரினார் அமைச்சர் கீர்த்தனா!

மாற்றுத்திறனாளிகள் குறித்துத் தான் தெரிவித்த கருத்து சர்ச்சையானதைத் தொடர்ந்து, தமிழக அரசின் அமைச்சர் கீர்த்தனா அதற்குத் பகிரங்கமாக மன்னிப்பு கோரியுள்ளார். தமிழக சட்டமன்றத் தேர்தலில் வெற்றி பெற்று, முதல்வர் விஜய் தலைமையிலான அமைச்சரவையில் சிவகாசி தொகுதி எம்.எல்.ஏ-வான கீர்த்தனா அமைச்சராகப் பொறுப்பேற்றார். பதவியேற்பு விழாவிற்குப் பிறகு செய்தியாளர்களிடம் பேசியபோது, அவர் பயன்படுத்திய சில வார்த்தைகள் மாற்றுத்திறனாளிகளை அவமதிக்கும் வகையில் இருந்ததாகக் கூறி சமூக வலைதளங்களில் கடும் விமர்சனங்கள் எழுந்தன.

இந்த நிலையில், தனது 'எக்ஸ்' (X) தளத்தில் விளக்கமளித்துள்ள அவர், "தான் ஒரு மாற்றுத்திறனாளி தாய்க்குப் பிறந்த மகள் என்றும், அந்த வலியும் வேதனையும் தனக்கு நன்றாகத் தெரியும்" என்றும் உருக்கமாகத் தெரிவித்துள்ளார். மரியாதைக்குறைவாகப் பேச வேண்டும் என்ற எண்ணம் தனக்கு இல்லை எனக் குறிப்பிட்டுள்ள அவர், அறியாமல் ஏற்பட்ட இந்தத் தவறை அரசியலாக்க வேண்டாம் எனக் கேட்டுக்கொண்டார். மேலும், தனது வார்த்தைகளால் மனமுடைந்தவர்களிடம் மனமார்ந்த மன்னிப்பைக் கோருவதாகவும் அவர் பதிவிட்டுள்ளார்.