மே 31ஆம் திகதி அரசாங்க விடுமுறையாக பிரகடனம்!

2026ஆம் ஆண்டுக்கான அரச வெசாக் தேசிய உற்சவத்தை முன்னிட்டு, வரும் மே மாதம் 31ஆம் திகதியை (31.05.2026) உத்தியோகபூர்வ அரசாங்க விடுமுறை தினமாகப் பிரகடனப்படுத்தி பொது நிர்வாக, உள்நாட்டலுவல்கள், மாகாண சபைகள் மற்றும் உள்ளூராட்சி அமைச்சு அதிவிசேட வர்த்தமானி (Gazette) அறிவித்தலை வெளியிட்டுள்ளது.

முந்தைய விடுமுறையில் மாற்றம்

முன்னதாக, இந்த அரச வெசாக் உற்சவத்திற்கான அரசாங்க விடுமுறை மே மாதம் 2ஆம் திகதி வழங்குவதற்குத் தீர்மானிக்கப்பட்டிருந்தது. எனினும், தற்போது அந்தத் திகதியில் திருத்தங்களை மேற்கொண்டு, அதற்குப் பதிலாக மே மாதம் 31ஆம் திகதியை விடுமுறை நாளாக அறிவித்து இந்த புதிய வர்த்தமானி வெளியிடப்பட்டுள்ளது.

இதன்படி, அரச திணைக்களங்கள், வங்கிகள் மற்றும் ஏனைய பொது நிறுவனங்களுக்கு மே 31ஆம் திகதி விடுமுறை நாளாக அமையும் எனத் தெரிவிக்கப்பட்டுள்ளது.