யாழ்.பண்ணையில் விபத்து – சாரதிய பயிற்சி பெற வந்த இளைஞன் உயிரிழப்பு

யாழ்ப்பாணம் – ஊர்காவற்றுறை பிரதான வீதியில், பண்ணை பகுதியில்  இன்று (2026 ஜூன் 19, வெள்ளிக்கிழமை) இடம்பெற்ற துரதிர்ஷ்டவசமான வீதி விபத்தில் 22 வயதுடைய இளைஞன் ஒருவன் பரிதாபமாக உயிரிழந்துள்ளார். 

சாரதி பயிற்சியை வெற்றிகரமாக முடித்துவிட்டு, வாகனத்தில் இருந்து இறங்கி வீதியைக் கடக்க முயன்ற போதே இந்த விபத்து நேர்ந்துள்ளது. யாழ்ப்பாணம், அச்சுவேலி பாரதி வீதியைச் சேர்ந்த சானுஜன் (வயது 22) என்ற இளைஞனே இவ்வாறு  உயிரிழந்துள்ளார்.

பண்ணைப் பகுதியில் அமைந்துள்ள யாழ்ப்பாணம் – ஊர்காவற்றுறை பிரதான வீதியில் சானுஜன் தனது சாரதிப் பயிற்சியில் (Driving Training) ஈடுபட்டிருந்தார். பயிற்சி நிறைவடைந்ததும், வாகனத்தை நிறுத்திவிட்டு அதிலிருந்து இறங்கி வீதியின் மறுபக்கத்திற்குச் செல்ல முயன்றுள்ளார். 

இதன்போது, வீதியில் அதிவேகமாக வந்த மற்றொரு வாகனம் சானுஜன் மீது எதிர்பாராத விதமாக மோதியுள்ளது. இதில் படுகாயமடைந்த அவர் சம்பவ இடத்திலேயே உயிரிழந்துள்ளார். 

 விபத்தை ஏற்படுத்திய வாகனத்தின் சாரதியை யாழ்ப்பாணக் காவற்துறையினர் உடனடியாகக் கைது செய்துள்ளனர்.