ilakkiyainfo

இலங்கையில் உருவாகியுள்ள காற்று அழுத்த தாழ்வு மண்டலம்

இலங்கையில் உருவாகியுள்ள காற்று அழுத்த தாழ்வு மண்டலம்
November 21
18:57 2020

இலங்கையில், தென் கிழக்கு வங்காள விரிகுடா பகுதியில் காணப்பட்ட காற்று சுற்றோட்டம், தற்போது காற்று அழுத்த தாழ்வு மண்டலமாக வலுவடைந்துள்ளதாக இலங்கை வளிமண்டலவியல் திணைக்களம் தெரிவிக்கின்றது.

எதிர்வரும் 24 முதல் 48 மணித்தியாலங்களில் குறித்த காற்று அழுத்த தாழ்வு மண்டலம் மேலும் வலுவடையும் என வளிமண்டலவியல் திணைக்களம் இன்று மாலை வெளியிட்ட அறிக்கையில் குறிப்பிட்டுள்ளது.

இவ்வாறு ஏற்பட்ட காற்று அழுத்த தாழ்வு மண்டலம் மேற்கு மற்றும் வட மேற்கு திசையை நோக்கி நகர்வதுடன், எதிர்வரும் 24ஆம் தேதி வடகிழக்கு கரையோர பகுதியை அண்மிக்கும் எனவும் திணைக்களம் தெரிவிக்கின்றது.

இந்த காற்று அழுத்த தாழ்வு மண்டலம் காரணமாக எதிர்வரும் 24 மணித்தியாலங்களில் வடக்கு மற்றும் கிழக்கு ஆழ்கடல் மற்றும் கரையோர பகுதிகளில் கடும் மழையுடனான வானிலை நிலவும் என கூறப்பட்டுள்ளது.

மழையுடனான வானிலை நிலவும் சந்தர்ப்பங்களில் காற்றின் வேகம், 50 முதல் 60 கிலோமீட்டர் வரை அதிகரித்து வீசும் என திணைக்களம் தெரிவிக்கின்றது.

இவ்வாறான சந்தர்ப்பங்களில் கடல் அலையின் வேகம் அதிகரிப்பதுடன், எதிர்வரும் நாட்களில் காற்றின் வேகம் மேலும் அதிகரிக்கும் சாத்தியம் காணப்படுவதாக திணைக்களம் கூறுகின்றது.

எதிர்வரும் 23ஆம் தேதி முதல் 25ஆம் தேதி வரையான காலம் வரை வடக்கு, கிழக்கு மற்றும் வடமத்திய மாகாணங்களில் 150 மில்லிமீட்டருக்கும் அதிகமான மழை பொழிவு பதிவாகும் என வளிமண்டலவியல் திணைக்களம் கூறியுள்ளது

இந்த காலப் பகுதியில் மீனவர்கள் கடலுக்கு செல்ல வேண்டாம் என அறிவுறுத்தப்பட்டுள்ளது.

கடலுக்குள் சென்றுள்ள மீனவர்களை மீண்டும் கரைக்கு விரைவில் வருகைத் தருமாறும் அறிவுறுத்தல் பிறப்பிக்கப்பட்டுள்ளது.

அதேவேளை, வடக்கு, கிழக்கு மற்றும் வடமத்திய மாகாணங்களிலுள்ள மக்கள் எச்சரிக்கையுடன் செயற்பட வேண்டும் என திணைக்களம் கூறுகின்றது.

குறித்த காற்று அழுத்த தாழ்வு மண்டலம் நிலைமையானது, எதிர்வரும் நாட்களில் தமிழ்நாடு மற்றும் பாண்டிச்சேரி கரையோரத்தை அடையும் என எதிர்பார்க்கப்படுகின்றது.

இதேவேளை, தென்மேற்கு அரபிக் கடல் பிராந்தியத்திலும், ஒரு காற்று அழுத்த தாழ்வு மண்டலம் உருவாகியுள்ளதாக வளிமண்டலவியல் திணைக்களம் தெரிவிக்கின்றது.

About Author

admin

admin

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

*

ilakkiyainfo Tweets

Facebook Like Box

April 2021
MTWTFSS
 1234
567891011
12131415161718
19202122232425
2627282930 

Latest Comments

G.G.P is a bastard. who divided all the Tamils in SriLanka to get benefit from...

இதுக்கு இப்ப என்ன ??? இவர்கள் எல்லாம் ஒன்றும் உத்தமர்கள் இல்லை ? அகிம்சை வாதிகளா ? இவர்களால் தமிழ்...

நீங்கள் கடனாக இருக்கிறீர்களா? நீங்கள் சுகாதார பராமரிப்பு செலவினத்தை உயர்த்துவதா அல்லது நிதியியல் முறிவு நிலையில் கடனாளியைக் கொடுப்பீர்களா? காத்திரு!...

டேய் என்னடா நினைத்து கொண்டு இருக்கின்ரீர்கள் ? பதவி என்பது மக்களுக்கு மக்கள் சேவை செய்ய மக்கள் கொடுத்தது ,...

இது தான் நல்ல பம்மாத்து , இவர் நீதி பத்தி என்றால் உடனே தான் நினைத்தவர்களை தத்து எடுப்பாராம் ,...

Email Subscription

தினமும் பதிவுகளை மின்னஞ்சல் மூலம் பெற்றிட

Enter your email address:

Delivered by FeedBurner

Contact Us

news@ilakkiyainfo.com