ilakkiyainfo

16 வயது சிறுவனாக நடித்து 50 சிறுமிகளை பாலியல் துஷ்பிரயோகம் செய்த யுவதிக்கு 8 வருட சிறை

16 வயது சிறுவனாக நடித்து 50 சிறுமிகளை பாலியல் துஷ்பிரயோகம் செய்த யுவதிக்கு 8 வருட சிறை
January 13
11:07 2020

 

தன்னை 16 வயது சிறு­வ­னாகக் காட்­டிக்­கொண்டு, சிறு­மி­களை பாலியல் துஷ்­பி­ர­யோகம் செய்த யுவதி ஒரு­வ­ருக்கு பிரித்­தா­னிய நீதி­மன்றம் 8 வருட சிறைத்­தண்­டனை விதித்­துள்­ளது.

 

தற்­போது 21 வய­தான ஜெம்மா வட்ஸ் எனும் யுவ­திக்கே வைன்­செஸ்டர் கிறவுண் நீதி­மன்­றத்தால் கடந்த வெள்­ளிக்­கி­ழமை 8 வருட சிறைத்­தண்­டனை விதிக்­கப்­பட்­டது.

இவர் சமூக வலைத்­த­ளங்­களில் ஜேக் மத்­தியூ வட்சன் எனும் பெயரில் போலி கணக்­கு­களை உரு­வாக்கி, தன்னை 16 வய­தான சிறு­வ­னாக காட்­டிக்­கொண்டார்.

13 முதல்16 வயது வரை­யான சிறு­மி­க­ளையே இவர் இலக்கு வைத்தார் என பொலிஸார் தெரி­வித்­தனர்.

Gemma-Watts-as-boy-5சிறுவன் போன்று வேட­மிட்ட தனது புகைப்­ப­டங்­களை சிறு­மி­க­ளுக்கு அனுப்பி அவர்­களை தான் காத­லிப்­ப­தாக ஜெம்மா வட்ஸ் ஆசை வார்த்தை காட்­டினார் என ஸ்கொட்லண்ட் யார்ட் பொலிஸார் தெரி­வித்­தனர்.

பின்னர் அச்­சி­று­மி­களை நேரில் சந்­திப்­ப­தற்­காக இங்­கி­லாந்தின் பல பகு­தி­க­ளுக்கும் பயணம் செய்து, அவர்­களை பாலியல் துஷ்­பி­ர­யோ­கப்­ப­டுத்­தினார் என ஜெம்மா வட்ஸ் மீது குற்றம் சுமத்­தப்­பட்­டது.

20 முதல் 50 சிறு­மிகள் ஜெம்மா வட்­ஸினால் பாதிக்­கப்­பட்­டுள்­ளனர் என தாம் நம்­பு­வ­தா­கவும் பொலிஸார் தெரி­வித்­தனர்.

Gemma-Watts-boy-3சிறுவன் வேடத்தில

மேற்­படி சிறு­மிகள் அனை­வரும் தாம் 16 வய­தான இளை­ஞனை காத­லிப்­ப­தாக எண்­ணிக்­கொண்­டி­ருந்­தனர்.

சிறு­மி­களை மாத்­தி­ர­மல்­லாமல் அவர்­களின் பெற்­றோர்கள் சில­ரையும் தான் சிறுவன் என நம்ப வைத்தார் ஜெம்மா வட்ஸ்.

இறு­தியில், ஜெம்மா வட்ஸ் ஓர் ஆண் என்­பதை பொலி­ஸாரே இனங்­கண்டு அறி­வித்­தமை குறிப்­பி­டத்­தக்­கது.சிறுவன் ஒரு­வ­னுடன் காதல் உறவில் இருப்­ப­தாக மிக இளம் வய­தான ஒரு சிறுமி தன்­னிடம் கூறினார் என ஹாம்ப்­ஷயர் பிர­தே­சத்­தி­லுள்ள மருத்­துவர் ஒருவர் பொலி­ஸா­ருக்கு 2018 மார்ச் மாதம் தகவல் தெரி­வித்­த­மையே இவ்­வி­டயம் அம்­ப­ல­மாக வழி­வ­குத்­தது.

இது தொடர்­பாக பொலிஸார் விசா­ரணை நடத்­தினர். ஜெம்­மாவை 16 வயது சிறுவன் என்றே பொலி­ஸாரும் முதலில் எண்­ணினர்.

ஜெம்­மாவை லண்டனி­ லுள்ள அவரின் வீட்டுக்கு அழைத்துச் சென்­ற­போது அவர் ஓர் யுவதி என்­பது பொலி­ஸாருக்குத் தெரியவந்தது.

இது குறித்து பொலிஸார் அறி­வித்­த­போது, ஜேக் வட்­ஸனை காத­லித்துக் கொண்­டி­ருந்த சிறு­மிகள் பலரும் பெரும் அதிர்ச்­சி­ய­டைந்­தனர்.

உல­கமே நின்­று­விட்­டதைப் போன்று உணர்ந்­த­தாக சிலர் கூறினர். சிலர் தற்­கொ­லைக்கும் முயன்­றனர்.

Gemma-Watts-2தீர்ப்பு அளிக்கப்பட்ட தினத்தில் ஜெம்மா வட்ஸ் நீதிமன்றத்துக்கு வந்தபோது…

பொலி­ஸாரால் விசா­ர­ணைக்கு உட்­ப­டுத்­தப்­பட்ட ஜெம்மா வட்ஸ், தான் ஜேக் எனும் பெயரில் 3 சிறு­மி­க­ளுடன் பாலியல் தொடர்­பு­களை வைத்­தி­ருந்­ததை ஒப்­புக்­கொண்டார்.

2018 ஒக்­டோ­பரில் அவர் மற்­றொரு சிறு­மி­யுடன் காணப்­பட்ட நிலையில் மீண்டும் கைது செய்­யப்­பட்டார்.

2019 நவம்பர் மாதம், பாலியல் ரீதி­யான பல்­வேறு குற்­றச்­சாட்­டு­களை ஜெம்மா வட்ஸ் ஒப்­புக்­கொண்டார்.

இவ்­வ­ழக்கை விசா­ரித்த நீதி­பதி சுசான் இவான்ஸ், ஜெம்மா வட்­ஸுக்கு 8 வருட சிறைத்­தண்­டனை விதித்து தீர்ப்­ப­ளித்தார்.

பொலிஸ் இன்ஸ்­பெக்டர் நிகோல்ஸ் பிளம்பர் கூறு­கையில், ‘இது ஓர் அதிர்ச்­சி­க­ர­மான வழக்கு.

குற்­றம்­பு­ரியும் ஒருவர், சிறார்­களை சுரண்­டு­வ­தற்­காக எந்­த­ளவு தூரம் செல்­லக்­கூடும் என்­பதை பெற்­றோர்­க­ளுக்கு இது நினைவூட்டுகிறது’ என்றார்.

‘தமது பிள்ளைகளின் இணைய செயற்பாடுகள் குறித்து அவர்களுடன் கலந்துரையாடுவதற்கான நம்பிக்கையை பெற்றோர்கள் கொண்டிருக்க வேண்டும்’ எனவும் அவர் கூறினார்.

About Author

admin

admin

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

*

ilakkiyainfo Tweets

Facebook Like Box

August 2020
MTWTFSS
 12
3456789
10111213141516
17181920212223
24252627282930
31 

Latest Comments

இந்த செய்தி வாட்ஸ்அப்பில் எனக்கு வந்தது. ஆர்வமிருப்பவர்கள் அறிந்து கொள்ளலாமே எனப் பகிர்கிறேன். பதில்கள் தெரிந்தால் பகிரலாம். தமிழரசு கட்சியின்...

ஈன தமிழரின் இவ்வளவு பிரச்சனைகளுக்கும் காரணம் ஐ.தே.க அப்படியிருந்தும் ஐ.தே.க ல் போட்டியிடுபவர்களும் ஐ.தே.க வாக்கு அளிப்பவர்களும் எப்படிப்படட கேவலமான...

எங்கள் நாட்டை பார்க்க எங்கள் தலைவர்கள் ராஜபக்சேகள் உள்ளார்கள் , நீ பொத்தி கொண்டு போ...

அமெரிக்கா தன் விமான சேவையை சீனா அனுமதிக்க வேண்டும் என மிரட்டி மீண்டும் சீனாவுக்கு தனது விமானங்களை அனுப்பிய பின்...

முதலில் யூதாசின் வரலாற்றை நன்றாக படியுங்கள்.பிறகு கடவுளை கேள்வி கேட்கலாம்.நீங்கள் சார்ந்த இயக்கம் பற்றி இந்திய தமிழனாகிய எனக்கு தெரியுமா?இல்லை...

Email Subscription

தினமும் பதிவுகளை மின்னஞ்சல் மூலம் பெற்றிட

Enter your email address:

Delivered by FeedBurner

Contact Us

news@ilakkiyainfo.com