விமானியாகப் பயிற்சி எடுத்துக் கொண்ட ஜேம்ஸ் ஹார்னர் கலிஃபோர்னியாவில் உள்ள சாண்டா பார்பரா அருகே திங்கள்கிழமை காலை தனது சொந்த விமானத்தில், பயணம் செய்தபோது இந்த விபத்து நடந்துள்ளது.
இதனை உறுதி செய்து பேஸ்புக் பக்கத்தில் செய்தி கொடுத்துள்ளார் அவரது உதவியாளர் சில்வியா பாட்ரிக்ஜா.
1970களின் இறுதியில் ஹாலிவுட் படங்களுக்கு இசையமைக்க ஆரம்பித்தார்.
1982-ல் வெளியான ஸ்டார் டிரெக் 2 படமானது இவருக்கு நல்ல பெயரை அளித்தது. ஏலியன்ஸ், பிரேவ் ஹார்ட், அப்போலோ 13, ஏ பியூடிஃபுல் மைண்ட், அவதார் போன்ற சிறந்த ஹாலிவுட் படங்களுக்கு தனது மகத்தான இசையின் மூலம் உயிர் கொடுத்தவர் ஹார்னர்.
ஜேம்ஸ் ஹார்னர் இதுவரை 120 ஹாலிவுட் படங்களுக்கு இசையமைத்து இருக்கிறார். பல முறை ஆஸ்கார் விருதுக்கு பரிந்துரை செய்யப்பட்ட ஜேம்ஸ் ஹார்னருக்கு டைட்டானிக் படத்தின் மூலமே ஆஸ்கார் கனவு நனவானது, மேலும் இந்தப் படமானது மூலம் ஜேம்ஸ் ஹார்னர் உலகப் புகழ் பெறக் காரணமாக அமைந்தது.
டைட்டானிக் படத்தின் இசைக்காக 2 ஆஸ்கர் விருதுகளைப் பெற்றவர் ஜேம்ஸ் ஹார்னர் என்பது குறிப்பிடத்தக்கது.