ஜெனீபர் டீச்சரை விடுங்க பாஸ்.. இளைஞர்களின் மனதை அள்ள வருகிறார் “மலர் டீச்சர்”

சென்னை: பிரேமம் படம் மூலம் மலர் டீச்சராக ரசிகர்களின் மனதைக் கொள்ளையடித்த சாய் பல்லவி, தமிழில் மணிரத்னம் இயக்கத்தில் கார்த்தி நாயகியாக அறிமுகமாக இருக்கிறார்.மலையாளத்தில் கடந்தாண்டின் மிகப்பெரிய வெற்றியைத் தந்த படம் பிரேமம். தமிழிலும் இப்படத்திற்கு நல்ல வரவேற்பு இருந்தது. பொங்கல் பண்டிகையையொட்டி தியேட்டர்களில் இருந்து தூக்கப்பட்ட இப்படம் மீண்டும் தற்போது தியேட்டர்களில் ரிலீஸ் செய்யப்பட்டுள்ளது

இப்படத்தில் மலர் டீச்சராக நடித்திருந்தவர் தமிழ்ப் பெண்ணான சாய்பல்லவி. மலையாளத்தில் இருந்து நயன்தாரா, நித்யாமேனன், அமலாபால் உள்ளிட்டோர் இங்கு வந்து கலக்கிக் கொண்டிருக்க, தமிழில் இருந்து சென்று மலையாள ரசிகர்களின் தூக்கத்தைக் கெடுத்தவர் என்ற பெருமைக்குரியவர் சாய் பல்லவி.

மலர் என்ற கதாபாத்திரத்தில் அப்படத்தில் நடித்திருந்தார் சாய் பல்லவி. அதனைத் தொடர்ந்து தற்போது துல்கர் சல்மானுடன் காளி என்ற மலையாளப் படத்தில் நடித்துக் கொண்டிருக்கிறார்.