இராணுவத்தளபதி ஷவேந்திர சில்வா மற்றும் அவரது குடும்பத்தினருக்கு அமெரிக்காவுக்கு நுழைவதற்கு விதிக்கப்பட்டுள்ள தடை, யுத்தம் முடிவடைந்து ஒரு தசாப்த காலமாக பொறுப்புக் கூறலை தட்டிக்கழித்து வந்த இலங்கை அரசாங்கங்களின் கண்களை திறக்கும் என எதிர்பார்ப்பதாகத் தெரிவித்துள்ள தமிழ் தேசிய கூட்டமைப்பு , பாதிக்கப்பட்ட தமிழ் மக்கள் நீதிக்காக பல வருடங்கள் போராடியதன் விளைவால் இடம்பெற்ற சிறியதொரு முன்னேற்றமாக இதைக் காண்பதாகவும் தெரிவித்துள்ளது.
பாராளுமன்ற உறுப்பினரும் கூட்டமைப்பின் ஊடகப் பேச்சாளருமான ல் வெளியிடப்பட்டுள்ள அறிக்கையிலேயே இவ்வாறு தெரிவிக்கப்பட்டுள்ளது.
அந்த அறிக்கையில் மேலும் கூறப்பட்டுள்ளதாவது :
இலங்கை இராணுவத்தளபதி ஷவேந்திர சில்வாவும் அவரது குடும்பத்தினரும் ஐக்கிய அமெரிக்க இராச்சியத்தினுள் நுழைவதை அமெரிக்கா தடை செய்து கட்டளை பிறப்பித்துள்ளது.
போரின் இறுதிக் கட்டத்திலே இழைக்கப்பட்ட போர்க்குற்றங்கள் , மனிதாபிமானத்திற்கு எதிராக இழைக்கப்பட்ட குற்றங்கள் , மனித உரிமை மீறல்கள் ஆகியவற்றுக்கான ஆதரங்களின் அடிப்படையில் 58 ஆவது பிரிவின் கட்டளை தளபதியாக இருந்த ஷவேந்திர சில்வா பொறுப்பு கூற வேண்டியவராகின்றார்.
ஷவேந்திர சில்வா இராணுவ தளாதியாக நியமிக்கப்பட்ட வேளை மேற்குறித்த அதே காரணங்களின் அடிப்படையில் தமிழ் தேசிய கூட்டமைப்பு அவரது நியமனத்தினை கண்டிருத்திருந்தது.
யுத்தம் முடிவடைந்து ஒரு தசாப்த காலமாக பொறுக் கூறலை தட்டிக்கழித்து வந்த இலங்கை அரசாங்கங்களின் கண்களை இத்தடை திறக்கும் என நாங்கள் எதிர்பார்க்கின்றோம் என தெரிவித்துள்ளமை குறிப்பிடத்தக்கது.