ஆசியாவின் மிகப்பெரிய குடிசைப்பகுதியாக அறியப்படும், பத்து லட்சத்திற்கும் அதிகமான மக்கள் வாழக்கூடிய மும்பை தாராவி பகுதியில், ஒருவருக்கு கொரோனா தொற்று உறுதி செய்யப்பட்டுள்ளதாக உள்ளூர் அதிகாரிகள் தெரிவித்துள்ளனர்.
ஆனால் அந்த நபர் உயிரிழந்துவிட்டதாக இந்திய ஊடகங்கள் இன்று காலை முதல் செய்தி வெளியிட்டு வருகின்றன. ஆனால் இது குறித்து அதிகாரப்பூர்வ தகவல்கள் இதுவரை வெளியிடப்படவில்லை.
இந்நிலையில் இன்று இவர் உயிரிழந்துள்ளதாக ஏ.என்.ஐ. முகமை செய்தி வெளியிட்டுள்ளது.
கொரோனா தொற்று ஏற்பட்டுள்ள நபர் இருக்கும் கட்டிடம் சீல் வைக்கப்பட்டுள்ளது. அவரின் குடும்ப உறுப்பினர்கள் ஏழு பேர் தனிமைப்படுத்தப்பட்டுள்ளனர்.
மக்கள் நெருக்கம் அதிகம் உள்ள தாராவி பகுதியில் சமூக விலகலை கடைபிடிப்பது கடினம் என்பதால், இந்த பகுதி இந்தியாவின் கொரோனா மையமாக உருவாகலாம் என பலர் கவலை தெரிவித்துள்ளனர்.
