நரேந்திர மோடி தனது மனைவி குறித்து பல ஆண்டுகாலமாக அமைதி காத்து வந்த நிலையில், கடந்த 2014ஆம் ஆண்டு மக்களவை தேர்தலில் பிரதமர் வேட்பாளராக களம் கண்டபோது, தாக்கல் செய்த வேட்புமனுவில் தனது மனைவி குறித்த விவரங்களை அதிகாரப்பூர்வமாக பதிவிட்டார்.
அதன்படி, தனது மனைவின் பெயர் ஜசோதாபென் என்று குறிப்பிட்டு அவர் அதனை உறுதி செய்தார்.
பிரதமர் மோடியின் ஒப்புதல் இல்லாமல் 50 ஆண்டுகளுக்கு முன்பாக நடைபெற்ற சம்பராதய ரீதியிலான திருமணம் அது என்றும், திருமணம் முடிந்த சில நாட்களிலேயே மோடி தனது வீட்டை விட்டு வெளியேறி விட்டதாகவும் உறுதி படுத்திய மோடியின் குடும்பத்தினர், அதற்குப்பிறகு மனைவியை அவர் தொடர்பு கொண்டதில்லை என்றும் தெரிவித்துள்ளனர்.
இந்த நிலையில், பிரதமர் மோடி தனது மனைவியுடன் இருக்கும் அரிய புகைப்படம் என்று வாட்ஸ் அப், ஃபேஸ்புக் உள்ளிட்ட சமூக வலைதளங்களில் புகைப்படம் ஒன்று பரப்பப்பட்டு வருகிறது.
அந்த புகைப்படத்தில் ஒரு பெண்ணும் அவருக்கு அருகில் பிரதமர் மோடி மற்றும் வேறு சிலரும் சிரித்தபடி இருக்கின்றனர்.
அந்த புகைப்படத்தை தங்களது சமூக வலைதளப் பக்கத்தில் பகிரும் பலரும் இதுதான் விருப்பம் இல்லாமல் நடைபெற்ற திருமணமா என்று பிரதமர் மோடியை விமர்சித்து வருகின்றனர்.
Jashoda Ben Modi (unofficial) என்ற நையாண்டி டுவிட்டர் பக்கமும் அதே புகைப்படத்தை Profile picture ஆக வைத்துள்ளது.
செய்தி திரட்டும் தளமான DailyHunt இல் பதிவிடப்பட்டுள்ள செய்தி ஒன்றில் இதே புகைப்படத்தை பகிர்ந்து நடிகை போன்று பிரதமர் மோடியின் மனைவி இருப்பதாக தெரிவிக்கப்பட்டுள்ளது.
சமூக வலைதளங்களில் பகிரப்பட்டு வரும் அந்த புகைப்படம் தொடர்பாக முக்கிய வார்த்தைகளை கொண்டு தேடியதில் சில தகவல்கள் நமக்கு கிடைத்துள்ளன.
அதன்படி, அந்த புகைப்படத்தில் இருக்கும் பெண் குஜராத் முன்னாள் அமைச்சர் ஹேமந்த சபட்வாலா என்பவரின் மகள் ஆல்பா என்பது தெரிய வருகிறது.
இந்த தகவலை ஹேமந்த சபட்வாலாவின் மகன் தனது முகநூல் பக்கத்தில் 2014ஆம் ஆண்டு ஏப்ரல் மாதம் பதிவிட்டுள்ளார்.
Someone sent this pic, apparently of Modi, his wife & others. Can anyone help in identifying others in the picture? pic.twitter.com/GI6H1zmt77
— Pawan Khera (@Pawankhera) April 12, 2014
அதில், தனது தங்கை ஆல்பாவின் திருமணத்தில் 1994ஆம் ஆண்டு மோடி கலந்து கொண்ட புகைப்படம் என்று தெளிவுபடுத்தியுள்ள அவர், The Quint செய்தி நிறுவனத்துக்கு அளித்த பேட்டியில், “அந்த புகைப்படத்தில் இடது புறத்தில் இருந்து முதலாவதாக நிற்பவர் ஃபக்ரிபாய் சவுகான் சூரத்தின் அப்போதைய மேயர், இரண்டாவதாக நிற்பது நரேந்திர மோடி, மூன்றாவதாக நிற்கும் பெண் தனது தங்கை ஆல்பா, 4ஆவதாக நிற்பது ஆர்.எஸ்.எஸ். நிர்வாகி டாம்லேஜி, 5ஆவதாக நிற்பது ஆல்பாவின் கணவர் உட்பல் வன்காவாலா, 5ஆவதாக நிற்பது மறைந்த முன்னாள் எம்.பி., காசிராம் ரானா” என்று விளக்கமளித்துள்ளார்.