யாழ்ப்பாணத்தில் பஸ்ஸில் பயணித்த பெண்ணொருவரின் தாலிக்கொடி திருடப்பட்டுள்ளதாக மானிப்பாய் பொலிஸ் நிலையத்தில் பாதிக்கப்பட்ட பெண் மானிப்பாய் பொலிஸில் முறைப்பாடு செய்துள்ளார்.
யாழ்ப்பாணம் ஆறுகால் மடம் பகுதியை சேர்ந்த பெண்ணொருவர், பஸ்ஸில் சுழிபுரம் சென்ற பின்னர் , அங்கிருந்து மீள பிறிதொரு பஸ்ஸில் தனது வீடு நோக்கி திரும்பிக்கொண்டிருந்த வேளையிலேயே பஸ்ஸில் வைத்து அவரது தாலிக்கொடி திருடப்பட்டுள்ளது.
இந்த சம்பவம் தொடர்பில் மானிப்பாய் பொலிஸார் விசாரணைகளை முன்னெடுத்துள்ளனர்.
அதேவேளை, பஸ் பயணங்களின் போது பெறுமதியான நகைகளை அணிந்து செல்வதனை தவிர்த்துக் கொள்ளுமாறும் பஸ்ஸில் சந்தேகத்திற்கு இடமான முறையில் பயணிப்பவர்கள் தொடர்பில் அவதானமாக இருக்குமாறு பொலிஸார் கேட்டுக்கொண்டுள்ளனர்.