தெஹிவளை, தீபானந்த மாவத்தையில் வீதியில் பயணித்துக் கொண்டிருந்த பெண் ஒருவரின் கழுத்திலிருந்த தங்க சங்கிலியைப் பறித்துக் கொண்டு பேக்கரி பொருட்களை விற்பனை செய்யும் முச்சக்கரவண்டியில் ஏறி தப்பிச் சென்றதாகக் கூறப்படும் சந்தேக நபர் கைது செய்யப்பட்டுள்ளதாக பொலிஸார் தெரிவித்தனர்.
இந்த திருட்டு சம்பவம் கடந்த 11 ஆம் திகதி இடம்பெற்றுள்ளது.
64 வயதுடைய பெண்ணொருவரே இந்த சம்பவத்துக்கு முகம் கொடுத்துள்ளார்.
வீதியிலிருந்த சிசிரிவி கமராவில் இந்த திருட்டு சம்பவம் பதிவாகியுள்ளதாக பொலிஸார் தெரிவித்தனர்.
இதனையடுத்து,பொலிஸாரால் மேற்கொள்ளப்பட்ட விசாரணையில், சந்தேக நபர் கல்கிசை படோவிட்ட பிரதேசத்தில் வைத்து ஐஸ் போதைப்பொருளுடன் கைது செய்யப்பட்டுள்ளார்.
திருட்டு சம்பவத்துக்குப் பயன்படுத்தப்பட்டதாகக் கூறப்படும் பேக்கரி பொருட்களை விற்பனை செய்யும் முச்சக்கரவண்டி இரத்மலானை பிரதேசத்தில் வைத்து பொலிஸாரால் கைப்பற்றப்பட்டுள்ளது.