கொழும்பு கோட்டையிலிருந்து பதுளை நோக்கிப் பயணித்த உடரட்ட மெனிக்கே ரயிலில் பயணித்த அமெரிக்க பெண் ஒருவர் ரயில் சுரங்கப்பாதையில் மோதி காயமடைந்துள்ளதாக ஹப்புத்தளை பொலிஸார் தெரிவித்தனர்.
இந்த சம்பவம் நேற்று புதன்கிழமை (06) பிற்பகல் இடம்பெற்றுள்ளது.
சுற்றுலாவுக்காக இலங்கைக்கு வந்த அமெரிக்க பெண்ணொருவரே காயமடைந்துள்ளார்.
இவர் ரயிலில் பயணிக்கும் போது புகைப்படம் எடுக்க முயன்றுள்ள நிலையில் ரயில் சுரங்கப்பாதையில் மோதி காயமடைந்துள்ளதாக பொலிஸார் தெரிவித்தனர்.
இதனையடுத்து, காயமடைந்தவர் சிகிச்சைக்காக தியத்தலாவை வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.
இது தொடர்பான மேலதிக விசாரணைகளை ஹப்புத்தளை பொலிஸார் மேற்கொண்டு வருகின்றனர்.