மட்டக்களப்பு மாவட்டத்தின் வெல்லாவெளிப் பொலிஸ் பிரிவுக்குட்பட்ட இளைஞர் விவசாயத்திட்டக் கிராமத்தில் சனிக்கிழமை (04.01.2025) நீரோடையில் விழுந்து ஒன்றரை வயதுடைய ஆண் குழந்தை பரிதாபகரமாக உயிரிழந்துள்ளது.
குறித்த குழந்தை விளையாடிக் கொண்டிருந்த போது வீட்டிற்கு அருகிலிருந்த நீர் நிலைக்குள் வீழ்ந்துள்ளது.
நீர் நிலையில் விழுந்த குழந்தையை மீட்டு பழுகாமம் பிரதேச வைத்தியசாலைக்கு கொண்டு சென்ற போதும் குழந்தை வைத்தியசாலையில் அனுமதிக்க முன்னரே உயிரிழந்துள்ளதாக வைத்தியசாலை வட்டாரம் தெரிவித்துள்ளது.
பிரேத பரிசோதனைகளுக்காக குழந்தையின் சடலம் களுவாஞ்சிக்குடி ஆதார வைத்தியசாலைக்கு கொன்டுசெல்லப்பட்டு, விசாரணைகளின் பின்னர் பெற்றோரிடம் ஒப்படைக்கப்பட்டு ஞாயிற்றுக்கிழமை (05) நல்லடக்கம் செய்யப்பட்டது