– சுற்றுலாத் துறையை மேம்படுத்துவதற்கான திட்டம்
சுற்றுலாத் துறையை மேம்படுத்தும் முயற்சியாக, மேலும் 40 நாடுகளைச் சேர்ந்த சுற்றுலாப் பயணிகளுக்கு இலவச வீசா வழங்கும் திட்டத்தை விரிவுபடுத்த இலங்கை அரசு தீர்மானித்துள்ளதாக வெளிவிவகார அமைச்சர் விஜித ஹேரத் தெரிவித்தார்.
இன்று (25) கொழும்பில் நடைபெற்ற ‘Hotel Show Colombo 2025’ கண்காட்சியின் ஆரம்ப நிகழ்வில் கலந்துகொண்டு உரையாற்றிய அமைச்சர், மாலைதீவு ஜனாதிபதியின் அழைப்பின் பேரில் ஜனாதிபதி அநுர குமார திசாநாயக்க எதிர்வரும் திங்கட்கிழமை (28) மாலைதீவுக்கு உத்தியோகபூர்வ விஜயம் ஒன்றை மேற்கொள்ளவுள்ளதாகவும் தெரிவித்தார்.
‘Hotel Show Colombo 2025’ கண்காட்சி இன்று காலை கொழும்பு, பண்டாரநாயக்க சர்வதேச மாநாட்டு மண்டபத்தில் (BMICH) ஜனாதிபதி அநுர குமார திசாநாயக்க தலைமையில் ஆரம்பிக்கப்பட்டது.
நிகழ்வில் கருத்து தெரிவித்த அமைச்சர் விஜித ஹேரத்,
“கடந்த காலத்தில், இந்தியா, சீனா, ரஷ்யா, ஜப்பான், மலேசியா, தாய்லாந்து, மற்றும் இந்தோனேசியா ஆகிய 7 நாடுகளைச் சேர்ந்த சுற்றுலாப் பயணிகளுக்கு வீசா கட்டணமின்றி இலங்கைக்கு வரும் வாய்ப்பை வழங்கினோம். இங்கிலாந்து உள்ளிட்ட மேலும் 40 நாடுகளுக்கு இலவச விசா வசதியை வழங்க அமைச்சரவையில் தீர்மானிக்கப்பட்டுள்ளது.
இதற்கான வர்த்தமானி அறிவித்தல் வெளியிடப்பட்டவுடன், மொத்தம் 47 நாடுகளைச் சேர்ந்த சுற்றுலாப் பயணிகள் விசா கட்டணமின்றி இலங்கைக்கு வர அனுமதிக்கப்படுவர்.
இந்தத் தீர்மானத்தால், அரசு திறைசேரி ஆண்டுக்கு 66 மில்லியன் அமெரிக்க டொலர் வருமானத்தை இழக்கும். இந்த நேரடி வருவாய் இழப்பு இருந்தாலும், சுற்றுலாத் துறையின் வளர்ச்சியின் மூலம் மறைமுகமாக நாட்டிற்கு அதிக வருமானம் கிடைக்கும் என நாங்கள் நம்புகிறோம். எனவே, இந்த வருமானத்தை அதிகரிக்கும் பொறுப்பு, சுற்றுலாத் துறையில் ஈடுபட்டுள்ள உங்களிடம் உள்ளது,” என்றார்.
இலங்கைக்கு விசா இல்லாத நுழையக்கூடிய நாடுகளின் முழு பட்டியல்
1. United Kingdom of Great Britain and Northern Ireland
2. Federal Republic of Germany
3. Kingdom of the Netherlands
4. Kingdom of Belgium
5. Kingdom of Spain
6. Commonwealth of Australia
7. Republic of Poland
8. Republic of Kazakhstan
9. Kingdom of Saudi Arabia
10. United Arab Emirates
11. Federal Democratic Republic of Nepal
12. People’s Republic of China
13. Republic of India
14. Republic of Indonesia
15. Russian Federation
16. Kingdom of Thailand
17. Federation of Malaya
18. Japan
19. Republic of France
20. United States of America
21. Canada
22. Czech Republic (Czechia)
23. Republic of Italy
24. Swiss Confederation (Switzerland)
25. Republic of Austria
26. State of Israel
27. Republic of Belarus
28. Islamic Republic of Iran
29. Kingdom of Sweden
30. Republic of Finland
31. Kingdom of Denmark
32. Republic of Korea
33. State of Qatar
34. Sultanate of Oman
35. Kingdom of Bahrain
36. New Zealand
37. State of Kuwait
38. Kingdom of Norway
39. Republic of Türkiye
40. Pakistan