கடந்த நவம்பர் 27ஆம் திகதி பெய்த கனமழை காரணமாக கண்டி மாவட்டம், உடத்தல, நெலும்மல பகுதியில் ஏற்பட்ட பாரிய நிலச்சரிவில் சிக்கி உயிரிழந்த 13 குடும்பங்களைச் சேர்ந்த 31 பேரின் இறுதிச்சடங்குகள் நடைபெற்றுள்ளன.
-
சம்பவ விவரம்: எதிர்பாராத தருணத்தில், சுமார் 5 கிலோமீட்டர் தொலைவில் உள்ள ஒரு மலை உச்சியில் இருந்து ஒரு பெரிய மண் மேடு சரிந்து இந்தச் சிறிய கிராமத்தை முழுமையாக மூடியுள்ளது.
-
நிலச்சரிவு நடந்த இடம்: அழகான நெல் வயலின் நடுவில் அமைந்திருந்த இந்த கிராமத்திற்கு மேலே அமைந்திருந்த யஹங்கல மலைத்தொடரும், நக்கிள்ஸ் மலைத்தொடரின் ஒரு பகுதியும் இடிந்து விழுந்தமையே இந்தக் கோரச் சம்பவத்திற்குக் காரணம் ஆகும்.
மீட்புப் பணிகள்:
சம்பவம் நடந்த பகுதியைத் தொடர்ந்து இராணுவம் மற்றும் மீட்புக் குழுவினர் தேடுதல் பணிகளை முன்னெடுத்த நிலையில், 31 பேர் சடலங்களாக மீட்கப்பட்டனர். ஆனாலும், இந்தக் கோரச் சம்பவத்தில் மேலும் பலரைக் காணவில்லை என்பதால், அவர்களைத் தேடும் பணி தொடர்ந்து நடைபெற்று வருகிறது.