டிட்வா சூறாவளியால் ஏற்பட்ட நிலச்சரிவு மற்றும் வெள்ளப்பெருக்கு காரணமாக இலங்கையில் சுமார் 100 பாடசாலைகள் தற்போது பயன்படுத்த முடியாத நிலையில் உள்ளதாக கல்வி அமைச்சு உத்தியோகபூர்வமாக அறிவித்துள்ளது.
-
தற்போதைய நிலை: குறித்த பாடசாலைகளின் கட்டடங்கள் பலத்த சேதமடைந்துள்ளதுடன், சில பாடசாலைகள் இன்னும் இடம்பெயர்ந்த மக்களுக்கான இடைத்தங்கல் முகாம்களாகப் பயன்படுத்தப்பட்டு வருகின்றன.
-
கல்வி அமைச்சின் நடவடிக்கை: பாதிக்கப்பட்ட பாடசாலைகளில் கல்வி கற்கும் மாணவர்கள், தமது கல்வியைத் தடையின்றித் தொடரும் வகையில் அருகிலுள்ள பாடசாலைகளுக்குச் செல்வதற்கான விசேட ஒழுங்குகள் செய்யப்பட்டுள்ளன.
-
மேலதிக கண்காணிப்பு: மாணவர்கள் அருகிலுள்ள பாடசாலைகளுக்குச் செல்வதில் ஏதேனும் நடைமுறைச் சிக்கல்கள் காணப்பட்டால், அவற்றை உடனடியாகத் தீர்ப்பதற்கான விசேட நடவடிக்கைகள் முன்னெடுக்கப்பட்டுள்ளதாகக் கல்வி அமைச்சின் செயலாளர் நாலக களுவௌ தெரிவித்துள்ளார்.