ஈரானிய நாணயமான ரியால், அமெரிக்க டாலருக்கு எதிராக மிக மோசமான வீழ்ச்சியை சந்தித்துள்ளது. டிசம்பர் 28 அன்று ஒரு அமெரிக்க டாலருக்கு நிகரான ரியால் மதிப்பு 1.42 மில்லியனாகக் குறைந்தது. பொருளாதார நெருக்கடி மற்றும் விலைவாசி உயர்வால் மக்கள் மற்றும் வியாபாரிகள் தெஹ்ரான் உள்ளிட்ட முக்கிய நகரங்களில் வீதிகளில் இறங்கி போராடினர். போராட்டக்காரர்கள் அரசு கட்டிடங்கள், பஸ்கள் மற்றும் மெட்ரோ ரயில்களுக்கு தீ வைத்தனர்.
போராட்டங்களை கட்டுப்படுத்த பொலிஸார் கண்ணீர்ப்புகைக் குண்டுகளை பயன்படுத்தினர். நிலைமையின் மோசமான தன்மை காரணமாக மத்திய வங்கி ஆளுநர் முகமது ரெசா ஃபர்சின் தனது பதவியை ராஜினாமா செய்தார். அமெரிக்காவின் பொருளாதாரத் தடைகள், பணவீக்கம் மற்றும் சமீபத்தில் அறிமுகப்படுத்தப்பட்ட பெட்ரோல் விலை மாற்றம் ஆகியவை இந்த நெருக்கடிக்கு முக்கிய காரணமாகக் கூறப்பட்டுள்ளன.
போராட்டத்தில் ஈடுபட்டவர்களுக்கும் பாதுகாப்புப் படையினருக்கும் இடையிலான மோதல்கள் வெடித்துவிட்டன. இதன் பயனாக, வன்முறைகளில் பலியானோர் எண்ணிக்கை 62 ஆக அதிகரித்து, 2 ஆயிரத்திற்கும் மேற்பட்டோர் கைது செய்யப்பட்டுள்ளனர். போராட்டங்களை கட்டுப்படுத்த நடவடிக்கை எடுக்கப்பட்ட போதிலும் நிலைமை மேம்படவில்லை. ஈரானில் போராட்டங்கள் தீவிரம் அடைந்து, இணையம் மற்றும் செல்போன் சேவைகள் முழுவதும் முடக்கப்பட்டுள்ளன.