எல்பிட்டி – அம்பலாங்கொடை பிரதான வீதியில் கெப் வண்டி ஒன்று மோட்டார் சைக்கிளுடன் நேருக்கு நேர் மோதியதில் மோட்டார் சைக்கிளில் பயணித்த தம்பதியினர் உயிரிழந்துள்ளனர்.
இந்த சம்பவம் நேற்று சனிக்கிழமை (6) இடம்பெற்றுள்ளது.
உயிரிழந்தவர்கள் பத்தேகம பிரதேசத்தை சேர்ந்த 43 வயதுடைய பிரசன்ன குருசிங்க மற்றும் அவரது மனைவி தஹநாயக்க முதியன்சேலாகே கங்கா நில்மினி ஆகியோரே.
குருந்துகஹஹெதக்மவிலிருந்து எல்பிட்டி நோக்கி பயணித்த கெப் வண்டியும் எல்பிட்டியிலிருந்து குருந்துகஹஹெதக்ம நோக்கி பயணித்த மோட்டார் சைக்கிளும் நேருக்கு நேர் மோதியதில் இந்த விபத்து இடம்பெற்றுள்ளது.
காயமடைந்தவர்கள் எல்பிட்டி ஆதார வைத்தியசாலையில் அனுமதிக்கப்பட்ட நிலையில் மேலதிக சிகிச்சைக்காக காலி கராப்பிட்டி வைத்தியசாலைக்கு மாற்றப்பட்ட பின்னர் சிகிச்சை பலனின்றி உயிரிழந்துள்ளனர்.
இந்த சம்பவம் தொடர்பான மேலதிக விசாரணைகளை எல்பிட்டி பொலிஸார் மேற்கொண்டு வருகின்றனர்.