10 கல்யாணம்… அனைவருடனும் தேனிலவு… நோ டைவர்ஸ்: கல்யாண ராணியின் கதை

சித்தப்பா எத்தனை நாளைக்குத்தான் சும்மா உள்ளூர் செய்திலேயே வர்றது… நல்லா பெரிய திருட்டா பண்ணா டிவியில பேட்டி எடுப்பாங்க இல்ல என்று பருத்தி வீரனில் சொல்வார் கார்த்தி.அதுபோல இந்தப் பெண் செய்த திருமணம் அமெரிக்காவின் ஏபிசியில் பரபரப்பு தீயை பற்ற வைத்துள்ளது.

அமெரிக்காவின் நியூயார்க் நகரைச் சேர்ந்த லியானா கிறிஸ்டியானா பேரியன்டாஸ் என்ற பெண்தான் இந்த நான் அவளில்லை டைப் மங்கை.

இவர் ஒரு திருமண பிரியர். அவருடைய கண்ணில்பட்டு மனதுக்குள் மணியடித்தால் போதும் உடனே மோதிரம் மாற்றி திருமணம் செய்து கொள்வார்.

இவர் தனது முதல் திருமணத்தை கடந்த 1999-ம் ஆண்டு மே மாதம் தொடங்கினார். 2001 ஆகஸ்டில் ஒரு திருமணம், அதே ஆண்டு நவம்பரில் மற்றொரு திருமணம் செய்தார்.

2002-ம் ஆண்டு அவருக்கு பிசியான ஆண்டாக அமைந்தது. ஜனவரி 3ஆம் தேதி ஒருவரை மணந்தார். அதே ஆண்டு காதலர் தினத்தன்று மற்றொருவரை மணமுடித்தார். தொடர்ந்து மார்ச், மே, ஜூலை,ஆகஸ்ட் மாதங்களில் மூன்று பேரை திருமணம் செய்தார்.

திருமணத்திற்கு சில ஆண்டுகள் பிரேக் விட்ட அவர் கடந்த 2010ஆம் ஆண்டு மற்றொரு திருமணம் என 10 திருமணங்கள் செய்தார். அந்த ஆண்களுடன் தேன்நிலவு கொண்டாடினார்.

தற்போது அவருக்கு 39 வயது ஆகிறது. இவரது கணவர்களின் கடைசி பெயர்கள் ஜெர் பிரில், அல்லாம், ரஹ்மான், கொரிடிஷ், சாக்டெப், ராஜேஷ் ராஜ்புத், கெய்தா என்பதாகும். எகிப்து துருக்கி, ஜார்ஜியா, பாகிஸ்தான், மாலி நாட்டை சேர்ந்த ஆண்களை அவர் திருமணம் செய்து உள்ளார்.

இந்த நிலையில் கடந்த 2010-ம் ஆண்டு இவர் மீது பல திருமணங்கள் செய்து மோசடி செய்ததாக வழக்கு தொடரப்பட்டுள்ளது.இந்த குற்றம் நிருபிக்கபட்டால் அவருக்கு 4 வரை சிறைதண்டனை கிடைக்க வாய்ப்பு உள்ளதாம்.நீதிமன்றத்திற்கு போய் நான் அவளில்லை என்று சொல்லாமல் இருந்தால் சரிதான். இந்த பெண்ணின் மல்டி சிம் ஆக்டிவேட் பற்றிதான் ஏபிசியில் ஹாட் நியூஸ் போங்க!