உண்ணாவிரதப் போராட்டம் இருக்கும் சிறைச் கைதிகளின் உயிருக்கு ஆபத்து ஏற்படுமாயின் அதற்கான பொறுப்பினை அரசாங்கமே ஏற்றாக வேண்டுமென தமிழ்த் தேசியக் கூட்டமைப்பின் பாராளுமன்ற உறுப்பினர் எம். ஏ. சுமந்திரன் நேற்று தெரிவித்தார்.
இதேவேளை, தாங்கள் விடுதலை செய்யப் போவதாக உறுதியான வாக்குறுதி கிடைக்கும் வரை அல்லது ஜனாதிபதியின் இறுதி தீர்மானம் தெரியும் வரை தமது உண்ணாவிரதப் போராட்டத்தை கைவிடப் போவதில்லையென்ற உறுதியான நிலைப்பாட்டிலேயே சிறைக் கைதிகள் இருப்பதாகவும் சுமந்திரன் எம்.பி. கூறினார்.
வெலிக்கடை நியு மகசின் சிறைச் சாலையில் உண்ணாவிரதப் போராட்டம் முன்னெடுத்து வரும் சிறைக் கைதிகளை சந்தித்த பின்னர் செய்தியாளர்களிடம் கருத்து தெரிவித்த சுமந்திரன் எம்.பி. சிறைக்கைதிகளின் உயிருக்கு ஆபத்து ஏற்பட்டால்? என எழுப்பப்பட்ட வினா வுக்கு பதிலளிக்கையிலேயே சுமந்திரன் எம்.பி. மேற்கண்டவாறு தெரிவித்தார்.
அவர் மேலும் கூறியதாவது : இவ்விவகாரம் குறித்து எமது கட்சித் தலைவர் சம்பந்தன் ஜனாதிபதியை சந்தித்து பேசவுள்ளார்.
எல். ரீ. ரீ. ஈ. தலைவர்களாகவிருந்த கேணல் பதுமன், கே. பி. ஆகியோரே எவ்வித குற்றச்சாட்டுக்களும் இல்லையென விடுதலை செய்யப்பட்டிருக்கும் நிலையில் பலர் அமைச்சு மற்றும் முக்கிய பதவிகள் வழங்கி உயர்ந்த ஸ்தானங்களில் வைத்து கெளரவிக்கப்படும நிலையிலும் எதற்காக எம்மை மாத்திரம் அரசாங்கம் சிறை வைக்க வேண்டுமென்பதே சிறைக் கைதிகளின் கேள்வியாகும்.
இதனைத் தான் நாமும் நீதியமைச்சரிடம் கேட்கின்றோம். சுமார் 02 வருட காலத் துக்குள் 12 ஆயிரம் பேரை புனர்வாழ்வளித்து விடுதலை செய்ய முடியுமானால் எதற்காக இவர்கள் மட்டும் சிறைவைக்கப்பட்டுள் ளார்கள்?
சிறைக் கைதிகளும் நாமும் (நல்லாட்சி) அரசாங்கம் சரியான முடிவை பெற்றுத் தருமென தொடர்ந்தும் எதிர்பார்த்திருக்கி றோம். இந்த சிறைக் கைதிகள் 19 வருடங்களாக சிறைகளுக்குள் இருக்கின்றனர். இவர்களது வழக்கு விசாரணைகள் துரிதப்படுத்தப்ப ட்டிருப்பதால் தண்டனைக் காலம் முடிவடைந்து இவர்கள் எப்பொழுதோ வெளியே வந்திருப்பார்கள்.
மூன்று வருடங்களுக்கு முன்னர் ஒரு மாத காலத்தில் இதற்கான தீர்வு பெற்றுத் தரப்படுமென பாராளுமன்றத்தில் கூறப்பட்டது. இதற்காக, இதுவரையில் 74 ஆணைக்குழுக்கள் நியமிக்கப்பட்டி ருப்பதால் சிறைக் கைதிகளுக்கு இதன் மீது நம்பிக்கை இல்லை.
இந்தப் பிரச்சினைக்கும் அரசாங்கம் ஆணைக்குழு நியமிப்பதுடன் நின்றுவிடு வதனால் தாம் மரணித்தால் தான் இந்தப் பிரச்சினையிலிருந்து தீர்வு கிடைக்குமென நம்பியே இவர்கள் இந்த உண்ணாவிரதப் போராட்டத்தை ஆரம்பித்துள்ளனர்.
பயங்கரவாத தடைச் சட்டத்தில் கைதுசெய்யப்பட்டவர்களுள் பெரும்பாலானவர்கள் தமிழர்கள், இதில் சிங்களவர்கள் மற்றும் முஸ்லிம்களும் உள்ளனர். இவர்கள் அனைவர் மீதும் வழக்கு தாக்கல் செய்யப்பட்டிருப்பதாகவே ஆணையாளர் கூறுகின்றார்.
இவர்களை எவ்வித காரணமுமின்றி விடுதலை செய்ய முடியுமா? இல்லையா? என்பது குறித்து அடுத்த அமைச்சரவைக் கூட்டத்தின் பின்னரே தெரிய வரும் என நீதியமைச்சர் கூறியுள்ளார்.
இதில் எமக்கு சாதகமான பதில் கிட்டுமென நம்பிக்கை உள்ளது. வீணான இழுத்தடிப்புக்காகவே மனம் வருந்துகின்றோம்.
எல். ரீ. ரீ. ஈ. சந்தேகநபர்கள் என எமது சட்டத்தில் எங்கும் குறிப்பிடப்படவில்லை. இவர்கள் பயங்கரவாத தடைச் சட்டத்தின் கீழ் கைது செய்யப்பட்டவர்கள். இவர்களை தமிழ் அரசியல் கைதிகள் என கூறுவதே பொருத்தமானதாக இருக்கும். தற்போது இவர்களை எவ்வாறு அழைப்பது என ஆராய்வதிலும் பார்க்க இவர்களின் விடுதலையே முக்கியத்துவம் பெற்றுள்ளது என்றும் அவர் கூறினார்.
வருட இறுதிக்குள் சாதகமான தீர்வு: உண்ணாவிரதத்தை கைவிடுங்கள் அமைச்சர் விஜயதாச தமிழ்க் கைதிகளிடம் வேண்டுகோள்
பயங்கரவாத தடைச் சட்டத்தின் கீழ் கைது செய்யப்பட்டுள்ள சிறைக் கைதிகளுக்கு இவ்வருட இறுதிக்குள் அரசாங்க மட்டத்தில் நிச்சயம் சாதகமான தீர்மானம் பெற்றுத்தரப்படுமென்பதால் உண்ணாவிரத போராட்டத்தை கைவிடுமாறு நீதியமைச்சர் விஜயதாச ராஜபக்ஷ சிறைக்கைதிகளிடம் கேட்டுக்கொண்டுள்ளார்.
“போலியான வாக்குறுதிகளை வழங்கி சிறைக் கைதிகளை ஏமாற்ற நான் விரும்பவில்லை. இவ்வருடம் முடிவதற்கு இன்னும் இரண்டரை மாதங்களேயுள்ளன. சட்டமா அதிபர் திணைக்களத்துடன் இணைந்து கைதிகள் சம்பந்தப்பட்ட ஆவணங்களை தயார்செய்ய எனக்கு இக்காலப் பகுதியை அவகாசமாக தாருங்கள்” எனவும் அமைச்சர் விஜயதாச ராஜபக்ஷ சிறைக் கைதிகளிடம் வேண்டுகோள் விடுத்தார்.
“அடுத்த வாரம் கூடவுள்ள அமைச்சரவைக் கூட்டத்தில் இதுபற்றிய பத்திரத்தை முன்வைப்பதன் மூலம் பிரதமர், நீதியமைச்சு, சிறைச்சாலைகள் அமைச்சு, ஜனாதிபதி தலைமையில் மேற்படி சிறைக் கைதிகளின் அடுத்த கட்ட நடவடிக்கை குறித்து இறுதி தீர்மானம் எடுக்க்பபடும்” எனவும் சிறைக் கைதிகளிடம் வாக்குறுதியளித்ததாக அமைச்சர் நேற்று செய்தியாளர்களிடம் தெரிவித்தார்.
பயங்கரவாதத் தடைச் சட்டத்தின் கீழ் கைதுசெய்யப்பட்டுள்ள சிறைக் கைதிகளின் உண்ணாவிரதப் போராட்ம் நாடு முழுவது முள்ள சிறைச்சாலைகளில் நான்காவது நாளாக நேற்றும் தொடர்ந்தது.
வெலிக்கடை நியு மகஸின் சிறைச்சாலையில் உண்ணா விரதத்தில் ஈடுபட்டுள்ள சிறைக் கைதிகளை சந்திப்பதற்காக அமைசச்ர் விஜயதாச ராஜபக்ஷ அங்கு நேரில் சமூகமளித்திருந்தார்.
அவருடன் இராஜாங்க அமைச்சர் விஜயகலா மகேஸ்வரன், பாராளுமன்ற உறுப்பினர் எம். ஏ. சுமந்திரன் ஆகியோரும் சிறைச்சாலைக்கு விஜயம் மேற்கொண்டி ருந்தனர்.
சிறைக் கைதிகளுடனான சந்திப்பைத் தொடர்ந்து செய்தியாளர்களிடம் கருத்து தெரிவித்தபோதே, அமைச்சர் வழங்கிய வாக்குறுதிகளையும் கோரிக்கையினையும் மேற்படி விளக்கினார்.
இவர்கள் யுத்த காலத்தில் பல்வேறு குற்றச்சாட்டுக்களின் பேரில் கைது செய்யப்பட்டவர்கள்.
சுமார் 150 சிறைக் கைதிகள் இந்த உண்ணாவிரதப் போராடடத்தில் ஈடுபட்டிருப்பதாக தெரியவந்துள்ளது. எமது §ச்சுவார்த்தைக்குப் பின்னர் ஒருசிலர் தமது போராட்டத்தை கைவிட விரும்பியுள்ள போதும் ஒட்டுமொத்த தீர்மானத்தினை எமக்கு அறியத்தர வில்லையெனவும் அசைம்சர் ராஜபக்ஷ கூறினார்.
கேள்வி : சிறைக்கைதிகளின் நிலை கவலைக்கிடமாகவுள்ளதா?
பதில் : ஆறு பேர் சிறைச்சாலை வைத்தியசாலையில் அனுமதிக்கப்பட்டு ள்ளனர். இவர்களில் இருவர் அநுராதபுர சிறைச்சாலையைச் சேர்ந்தவர்கள். இவரினதும் நிலை கவலைக்கிடமானதாக இல்லை. அனைவரும் சிறைச்சாலை வைத்தியசாலையிலேயே உள்ளனர்.
கேள்வி : ஜெனீவா பரிந்துரைக்கமைய பயங்கரவாத தடுப்புச் சட்டம் நீக்கப்படுமா?
பதில் : அது இன்னும் பேச்சு மட்டத் திலேயே உள்ளது. சர்வதேசம் ஏற்றுக் கொண்டுள்ள சட்ட வரைபுக்கள் அதனை உள்வாங்கப் பார்க்கின்றோம்.
கேள்வி : சிறைக்கைதிகள் விவகாரம் உண்மையில் எந்த அமைச்சின் கீழ் வருகிறது.
பதில் : தீர்மானங்களை வழங்குவது நீதியமைச்சின் பொறுப்பிலும் சிறைக் கதிகளின் நடவடிக்கைகள் சிறைச்சாலை அமைச்சின் பொறுப்பிலுமுள்ளது.
கேள்வி : குறித்த சிறைக் கைதிகளை விடுதலை செய்வதற்காக விசேட நீதிமன்றம் ஒன்று உருவாக்கப்பட்டதுதானே.
பதில் : ஆம். அது அநுராதபுரத்தில் உள்ளது. அதன் செயற்பாடுகள் துரிதகதியில் இல்லை. எதிர்காலத்தில் தேவையேற்படின் அதன் செயற்பாடுகளை துரிதப்படுத்து வதற்கான ஒத்துழைப்புகளை நாம் வழங்குவோம்.
கேள்வி : அப்படியானால் இந்த சிறைக் கைதிகள் விடுதலை செய்ய்பபடுவது நிச்சயமா?
பதில் : 1 – (… சிரிக்கிறார்) அப்படி விடுதலை செய்வதாக இருந்தால்தான் அமைச்சிலிருந்தபடியே நான் இவர்களை விடுதலை செய்திருப்பேனே.
நாங்கள் இன்று இங்கு வந்திருக்க §வ்ணடிய அவசியம் ஏற்பட்டிருக்காது. அரச மட்டத்தில் தீர்மானம் எடுக்கப்படும் வரை அது குறித்து என்னால் எதுவும் உறுதியாக தெரிவிக்க முடியாது. தீர்மானம் மேற்கொண்ட பிறகு முடிவை அறிவிப் போம். எதுவானாலும் அவர்கள் ஏற்றுக்கொள்ளக்கூடிய வகையிலான தீர்மானத்தை பெற்றுத் தருவோம்.
கேள்வி : இதற்காக அமைச்சரவையினால் விசேட குழு நியமிக்கப்பட்டுள்ளதா?
பதில் : இல்லை. அமைச்சரவையில் இது குறித்து உரையாடல் மட்டுமே இடம்பெற்றது.