சிங்கப்பூரில் அறுவை சிகிச்சை செய்து கொண்டதை மறைக்கத் தான் இந்த நாடகமாம். சிங்கப்பூரில் கப்பூர் மவுன்ட் எலிசபெத் மருத்துவமனையில் நடந்தது பைபாஸ் என்கிறது நெருங்கிய வட்டாரம்!
சிகிச்சைக்காகச் சிங்கப்பூருக்குச் சென்றிருந்த தே.மு.தி.க. தலைவர் விஜய காந்த், திரும்பி வந்திருக்கிறார். ஓரளவு உடல் நலம் தேறி அவர் வந்ததில்! கட்சியின் சிப்பாய்களுக்கு சந்தோஷம் தான்! ஆனால் அவர் சென்னை விமான நிலையத்தில் வந்திறங்கிய நிகழ்வையே ஒரு குட்டி நாடகமாக நடத்திக் காட்டியதைத் தான் கட்சியினரே இரசிக்கவில்லை.
முதலில் ஜூலை 26ஆம் திகதி இரவே அவரும் அவரது மனைவியும் வந்து சேரும் விதமாக விமானத்தில் டிக்கெட் புக் செய்திருந்தனர். அவரை எதிர்பார்த்து மீடியாக்காரர்கள் சிலரும் அங்கு நின்றிருந்தனர்.
ஏனோதனது உடல் நலமின்மை வெளியே தெரியக்கூடாது என நினைத்த அந்தத் தலைவர், கடைசி நிமிடத்தில் அந்த பயணத்தை ரத்து செய்தார்.
பின்னர் 27ஆம் திகதி காலையில் அவர் வருவதாகச் சொல்லப்படவும் மீடியாக்காரர்கள் மீண்டும் அங்கு கூடி நின்றனர். ஆனால் காலை 10 மணிக்கு அவரது மனைவி மட்டுமே தனியாக வெளியே வந்தார். சற்றும் தாமதிக்காமல் ஒரு காரில் அவர் ஏறி கிளம்பவும் தலைவர் வர வில்லை போலும் என நினைத்து மீடியாக் கூட்டம் கலைந்தது.
அந்த விமானத்தில் வந்த பயணிகள் அனைவரும் இறங்கி வெளியேறிய பிறகு தான் வந்தார் அந்தத் தலைவர்.
அதுவும் எப்படி?
முகத்தை முழுவதும் துணியால் மூடியபடி அவரை ஒரு சக்கர நாற்காலியில் வைத்து விமான நிலையப்பணியாளர்கள் தள்ளிக்கொண்டு வந்தனர். மீடியாக்களின் கண்ணில் படாமல் அவரை இன்னொரு காரில் ஏற்றி அனுப்பி வைத்தனர்.
கொஞ்ச தூரம் சென்றதும் முன்னதாக இன்னொரு காரில் போயிருந்த அவரது மனைவி அதிலிருந்து இறங்கி வேறொரு காரில் ஏறிக்கொண்டாராம்.
சிங்கப்பூரில் அறுவை சிகிச்சை செய்து கொண்டிருப்பதை மறைக்கத் தான் இவ்வளவு மெனக்கெடுகிறாராம். மவுன்ட் எலிசபெத் மருத்துவமனையில் நடந்தது பைபாஸ் என்கிறது நெருங்கிய வட்டாரம்…..!
கூலிக்கு ஆட்களைச் சேர்த்து கூட்டம் நடத்திய காங்கிரஸ்
17-08-2014
கடுமையான தோல்வியைச் சந்தித்த காங்கிரஸ் பேரியக்கத்தை மீட்க வேண்டிய பொறுப்பு உங்களிடம் இருக்கிறது
தேர்தல் தோல்விக்குப் பின்னர் முன்னாள் மத்திய நிதி அமைச்சர் சிதம்பரம் மாவட்ட வாரியாக சுற்றுப் பயணத்தை ஆடி அமாவாசையன்று ஆரம்பித்தார். மாவட்டத் தலைவர் சுப்பிரமணி அவருடைய ஆதரவாளர் என்பதால் மாவட்ட செயல்வீரர் கூட்டத்துக்கு ஏற்பாடு செய்திருந்தார்.
கூட்டத்துக்கு டெம்போக்களில் ஆட்களைக் கொண்டு வந்து இறக்கினார்கள். அதிகம் பெண்கள் தான். அதுவும் 70 வயதுக்கு மேல் இருந்த பெண்கள் ஏராளம்.
கையில் சாப்பாட்டுப் பையுடன் இருந்த பெண்ணிடம் பேச்சுக் கொடுத்தபோது நான் ராயனூர் கட்டட வேலைக்கு செல்ல பஜாருக்கு வந்தேன். கட்சிக் கூட்டத்துக்கு வா, வேலைக்குப் போற கூலி 200 ரூபாவும் மத்தியான சாப்பாடும் தருவோம் என்று சொன்னாங்க.
எத்தனை மணிக்கு விடுவீங்க-? என்று கேட்டேன். மத்தியான சாப்பாட்டுக்கெல்லாம் வீட்டுக்குப் போயிடலாம் என்று சொல்லி கூட்டியாந்தாங்க என்றார்.
கண் ஆபரேஷன் செய்து ஓய்வில் இருந்த காக்காவாடி கிராமத்தைச் சேர்ந்த மாராயி பாட்டியையும் ஆடு மேய்த்துக்கொண்டிருந்த 85 வயது பால்வார்பட்டி செல்லாத்தாளையும் 200 ரூபாய் ஆசைகாட்டி தள்ளிக் கொண்டு வந்ததை அவர்களே ஒப்புக் கொண்டனர்.
100 பேரைத் தவிர மற்றவர்கள் அனைவரும் அழைத்து வரப்பட்டவர்கள் என்று கட்சிக்காரர் ஒருவரும் அதை ஊர்ஜிதப்படுத்தினார்.
கூட்டத்துக்கு முதலில் சிதம்பரம் வந்தார். அடுத்த 15 நிமிடத்தில் கார்த்தி சிதம்பரம் வர, மேடையில் இருந்தவர்கள் அனைவரும் எழுந்து நின்றனர், சிதம்பரம் தவிர.
மூவாயிரம் பேர் நிரம்பிய மண்டபத்தைப் பார்த்ததும் உணர்ச்சி வசப்பட்ட ப. சிதம்பரம் இந்தக் கூட்டத்தைப் பார்க்கும் போது காங்கிரஸை யாராலும் அழிக்க முடியாது என்பது உறுதியாகிறது.
கடுமையான தோல்வியைச் சந்தித்த காங்கிரஸ் பேரியக்கத்தை மீட்க வேண்டிய பொறுப்பு உங்களிடம் இருக்கிறது என்றபோது ஆர்வத்துடன் கைதட்டி ஆரவாரிப்பார்கள் என்று பார்த்தால் கூட்டமோ நாற்காலிகளில் சோர்ந்து கிடந்தது.