13 போர்க்கப்பல்கள், 100 க்கும் மேற்பட்ட போர் விமானங்கள், க்ரூஸ் ஏவுகணைகள், உளவு விமானங்கள் மற்றும் 2,000 நீர்-நில சிறப்புப் படைகளுடன் ஈரான் மூன்றாம் உலகப் போரைத் தொடங்குவதைத் தடுக்க மத்திய கிழக்கில் அமெரிக்கா தனது ஆயுத சக்தியை குவித்து வருகிறது
பயங்கரவாத குழுவான ஹமாஸை அழிக்க காசாவில் இஸ்ரேல் தரைப்படை படையெடுப்பைத் தொடங்கி போர் நடைபெற்றுக்கொண்டிருக்கும்நிலையில், ஈரானை ஒதுங்கி இருக்குமாறு ஒரு தெளிவான செய்தியாக அமெரிக்கா மத்திய கிழக்கில் ஒரு போர் இயந்திரத்தை குவித்து வருகிறது.
அக்டோபர் 7 அன்று ஹமாஸால் இஸ்ரேல் மீது கொடூரமான தாக்குதல் நடத்தப்பட்ட சில மணி நேரங்களில், அமெரிக்கா போர்க்கப்பல்கள், ஜெட் விமானங்கள் மற்றும் சிறப்புப் படைகளை அப்பகுதிக்கு நகர்த்தத் தொடங்கியது.
உலகின் மிகப் பெரிய USS Gerald R. Ford உட்பட இரண்டு விமானந்தாங்கி கப்பல்கள் கிழக்கு மத்தியதரைக் கடலுக்கு அனுப்பப்பட்டுள்ளன; இதைத்தவிர விமானத் தாக்குதல்களை நடத்தக்கூடிய பல விமானங்களும் அனுப்பப்பட்டுள்ளன.
F-15 மற்றும் F-16 போர் ஜெட் படைப்பிரிவுகள் உட்பட மேலும் பல விமானங்கள் இப்பகுதியில் உள்ள அமெரிக்க இராணுவத் தளங்களுக்கு அனுப்பப்பட்டுள்ளன, இது பாரசீக வளைகுடாவில் கிடைக்கும் எண்ணிக்கையை விட இரு மடங்காகும்.
விரைவில் தாயகம் திரும்ப வேண்டிய விமானப் பிரிவுகள் அங்கேயே இருக்குமாறு கூறப்பட்டுள்ளன.
சிறப்பு நடவடிக்கைகள் மற்றும் நிலத்திலும் தரையிறங்குவதிலும் பயிற்சி பெற்ற சுமார் 2,000 அமெரிக்க கடற்படையினர் குவைத்தில் ஒரு பயிற்சியிலிருந்து திருப்பி விடப்பட்டுள்ளனர்,
இப்போது பஹ்ரைன் கடற்கரைக்கு அப்பால் எங்கோ இரண்டு போர்க்கப்பல்களில் உள்ளனர்.
பென்டகன் இன்னும் கூடுதலாக 2,000 இராணுவ மற்றும் விமானப்படை சிப்பாய்களை ஒரு சாத்தியமான துரித விடையிறுப்பு படையாக தயார் செய்து வருகிறது.
லெபனானை தளமாகக் கொண்ட பயங்கரவாதக் குழுவான ஹெஸ்பொல்லா அல்லது ஈரானே நெருக்கடியை இன்னும் பேரழிவு தரும் பிராந்திய மோதலாக விரிவாக்கக்கூடும் என்ற வாஷிங்டனின் கவலையை இது பிரதிபலிக்கிறது.
ஈரானும் அதன் பினாமிகளும் எந்த ஆக்கிரமிப்பு நடவடிக்கையும் எடுப்பதைத் தடுப்பதே அமெரிக்க இராணுவ அதிகரிப்பின் முக்கிய நோக்கமாகும்.
USS Gerald R. Ford அதன் சமீபத்திய பணிக்கு உத்தரவிடப்படுவதற்கு முன்னர் இத்தாலிய கடற்படையுடன் ஒரு பயிற்சியை முடித்திருந்தது.
Three F-18 Super Hornets fly in formation over the USS Gerald R. Ford
இதில் F-18 Super Hornet ஜெட் விமானங்கள், F-35 தாக்குதல் போர் விமானங்கள் மற்றும் A-10 டாங்கி பஸ்டர்கள் உட்பட 90 போர் விமானங்கள் உள்ளன.
அணு உலையைக் கொண்ட இந்த கேரியர், எவால்வ் சீ ஸ்பாரோ ஏவுகணைகள் மற்றும் கவச துளையிடும் தோட்டாக்களை சுடப் பயன்படும் எம்.கே -15 ஃபாலன்க்ஸ் குளோஸ்-இன் (Evolved Sea Sparrow Missiles and the Mk-15 Phalanx Close-In Weapon System) ஆயுத அமைப்பு போன்ற ஆயுதங்களால் நிரம்பியுள்ளது.
USS Dwight D. Eisenhowerஇரண்டாவது விமானந்தாங்கி கப்பலான USS Dwight D. Eisenhower இன்னும் ஒரு வாரத்தில் கிழக்கு மத்தியதரைக் கடலை வந்தடையும்.
வரவிருக்கும் நாட்கள் மற்றும் வாரங்களில் தேவைப்பட்டால் மத்திய கிழக்கில் நிலைநிறுத்த சுமார் 2,000 கூடுதல் அமெரிக்க படைகளை தயார் செய்யுமாறு பென்டகன் உத்தரவிட்டுள்ளது.
அவர்கள் உளவுத்துறை மற்றும் கண்காணிப்பு, போக்குவரத்து மற்றும் மருத்துவ திறன்களை வழங்குவார்கள்.
இதில் விமானப்படை மற்றும் ராணுவ வீரர்களும் அடங்குவர்.குறிப்பிட்ட பிரிவுகள் இன்னும் அடையாளம் காணப்படவில்லை என்று பென்டகன் செய்தித் தொடர்பாளர் ஒருவர் தெரிவித்தார்.
அவர் கூறினார்: “இது மத்திய கிழக்கில் உருவாகி வரும் பாதுகாப்பு சூழலுக்கு விரைவாக விடையிறுப்பதற்கான நமது திறனை அதிகரிக்கிறது.
“இந்த நேரத்தில் எந்தவொரு படைகளையும் நிலைநிறுத்துவது குறித்து எந்த முடிவும் எடுக்கப்படவில்லை.
பாதுகாப்பு மந்திரி நமது படைகளின் நிலைப்பாட்டை தொடர்ந்து மதிப்பீடு செய்வார் மற்றும் கூட்டாளிகளுடனும் பங்காளிகளுடனும் நெருக்கமான தொடர்பில் இருப்பார்.
“நெருக்கடி பெருகும் என்ற அச்சங்களுக்கு இடையே, லெபனானை தளமாகக் கொண்ட, ஈரானிய ஆதரவு பெற்ற பயங்கரவாதக் குழுவான ஹெஸ்பொல்லா கிட்டத்தட்ட 150,000 ராக்கெட்டுகளையும் ஏவுகணைகளையும் குவித்து வைத்துள்ளது;
அவற்றை இஸ்ரேலுக்குள் வெகு தூரம் செலுத்தக்கூடும்.இஸ்ரேலுக்கும் லெபனானுக்கும் இடையே நடக்கும் போர் தற்போதைய காசா நெருக்கடியை விட மோசமானதாக இருக்கும் என்று நிபுணர்கள் கூறுகின்றனர்.
ஈரானிய வெளியுறவு மந்திரி ஹொசைன் அமீரப்துல்லாஹியான் திங்களன்று கூறினார்: “ஹெஸ்பொல்லாவுக்கு அனைத்து சாத்தியமான தேர்வுகளும் முடிவுகளும் உள்ளன. வரவிருக்கும் மணித்தியாலங்களில் எத்தகைய முன்கூட்டிய நடவடிக்கையும் கற்பனை செய்யக் கூடியதுதான்.”