யாழ்ப்பாண மாவட்டச் செயலகத்தில் நேற்று நடைபெற்ற மாவட்ட ஒருங்கிணைப்புக் குழுக் கூட்டம், மக்கள் பிரதிநிதிகளுக்கு இடையிலான கடும் வாக்குவாதம் மற்றும் அநாகரீகமான செயற்பாடுகளால் பெரும் பரபரப்பை ஏற்படுத்தியுள்ளது.
சம்பவம் குறித்த முக்கிய விபரங்கள்:
-
கடும் மோதல்: கூட்டத்தில் நாடாளுமன்ற உறுப்பினர்களான இராமநாதன் அருச்சுனா, சிவஞானம் சிறிதரன் மற்றும் செல்வராசா கஜேந்திரன் ஆகியோரிடையே கடும் வாக்குவாதம் ஏற்பட்டது. ஒருவரை ஒருவர் நோக்கி “குரங்கு, செம்மறி, குட்டிநாய், விசரன், மடையன், பேய்ப்பயல்” போன்ற அநாகரீக வார்த்தைகளால் திட்டித் தீர்த்தனர்.
-
அமைச்சரின் விசித்திர செயல்: இவ்வளவு ரணகளங்களுக்கு மத்தியில், தலைமைப் பீடத்தில் அமர்ந்திருந்த மாவட்ட ஒருங்கிணைப்புக்குழுத் தலைவரான அமைச்சர் இராமலிங்கம் சந்திரசேகர், அருகில் இருந்த அருச்சுனா எம்பியின் இடுப்பைத் தமாஷாகக் கிள்ளி விளையாடியுள்ளார்.
-
சமூக வலைத்தள எதிர்வினை: ஒருபுறம் மக்கள் பிரதிநிதிகள் தரம் தாழ்ந்த வார்த்தைகளால் மோதிக் கொண்டிருக்கும் போது, பொறுப்பு வாய்ந்த அமைச்சர் ஒருவர் இவ்வாறு செயற்பட்டது தொடர்பில் “இந்த ரணகளத்திலும் உங்களுக்கு கிளுகிளுப்பா?” என சமூக வலைத்தளவாசிகள் விமர்சனங்களை முன்வைத்து வருகின்றனர்.
-
தலைமை: இக்கூட்டம் அமைச்சர் இராமலிங்கம் சந்திரசேகர், வடக்கு மாகாண ஆளுநர் நாகலிங்கம் வேதநாயகன் மற்றும் அரசாங்க அதிபர் மருதலிங்கம் பிரதீபன் ஆகியோர் தலைமையில் நடைபெற்றது.
யாழ். மாவட்டத்தின் முக்கிய பிரச்சினைகள் குறித்து விவாதிக்க வேண்டிய கூட்டத்தில், மக்கள் பிரதிநிதிகளின் இத்தகைய போக்கு பொதுமக்களிடையே பெரும் அதிருப்தியை ஏற்படுத்தியுள்ளது.