விக்டோரியா அருகே ‘பேஸ்புக் விருந்து’ என்ற பெயரில் போதை விருந்துபோதை; 26 பேர் கைது

தெல்தெனிய பொலிஸ் பிரிவிற்குட்பட்ட விக்டோரியா நீர்த்தேக்கத்திற்கு அருகிலுள்ள ஹோட்டல் ஒன்றில் நடத்தப்பட்ட ‘பேஸ்புக் விருந்து’ ஒன்றைச் சுற்றிவளைத்த பொலிஸார், பல்வேறு வகையான போதைப்பொருட்களுடன் 22 இளைஞர்கள் மற்றும் 4 யுவதிகளை கைது செய்துள்ளனர். இன்று அதிகாலை முன்னெடுக்கப்பட்ட இந்த நடவடிக்கையின் போது ஐஸ், ஹேஸ், குஷ், கொக்கேய்ன், மஷ்ரூம் உள்ளிட்ட போதைப்பொருட்கள் கைப்பற்றப்பட்டுள்ளன. கைது செய்யப்பட்ட சந்தேகநபர்கள் தெல்தெனிய நீதவான் நீதிமன்றில் முன்னிலைப்படுத்தப்படவுள்ள நிலையில், சம்பவம் தொடர்பாக மேலதிக விசாரணைகள் தொடர்கின்றன.