ஈரான் மீதான 38 நாட்கள் போருக்குப் பிறகு, அமெரிக்காவின் அதிநவீன ஏவுகணைகளின் கையிருப்பு அபாயகரமான அளவிற்குக் குறைந்துள்ளதாக அமெரிக்க இராணுவம் உத்தியோகபூர்வமாக அறிவித்துள்ளது.
கடந்த மார்ச் 28-ம் திகதி ஈரான் மீது அமெரிக்க மற்றும் இஸ்ரேல் படைகள் தாக்குதலைத் தொடங்கின. சுமார் 38 நாட்கள் நீடித்த இந்தப் போர், அமெரிக்க ஜனாதிபதி டொனால்ட் ட்ரம்ப் அறிவித்த 2 வார கால தற்காலிக போர் நிறுத்த ஒப்பந்தத்துடன் தற்போது ஓய்ந்துள்ளது.
ஈரானில் உள்ள 13,000-க்கும் மேற்பட்ட இலக்குகளைத் தாக்கியதாகக் குறிப்பிட்டுள்ள அமெரிக்க இராணுவம், பயன்படுத்தப்பட்ட ஆயுதங்களின் விபரங்களை வெளியிட்டுள்ளது:
பயன்பாடு: 1,000-க்கும் அதிகமானவை. (இது அமெரிக்கா ஆண்டுதோறும் வாங்கும் எண்ணிக்கையை விட 10 மடங்கு அதிகம்).
விலை: தலா 3.6 மில்லியன் டொலர்.
தற்போதைய இருப்பு: 3,000 ஆகக் குறைந்துள்ளது.
பயன்பாடு: 1,200 ஏவுகணைகள் (ஈரானின் ட்ரோன் மற்றும் ஏவுகணைகளை இடைமறிக்கப் பயன்படுத்தப்பட்டன).
விலை: தலா 4 மில்லியன் டொலர்.
குறிப்பு: கடந்த ஆண்டு அமெரிக்காவால் 600 ஏவுகணைகளை மட்டுமே உற்பத்தி செய்ய முடிந்தது.
பயன்பாடு: 1,100 ஏவுகணைகள் (தரை இலக்குகளைத் தாக்க).
விலை: தலா 1.1 மில்லியன் டொலர்.
தற்போதைய இருப்பு: 1,500 மட்டுமே உள்ளது.
ஏடிஏசிஎம்எஸ் (ATACMS): தரை இலக்குகளைத் தாக்கும் இந்த வகை ஏவுகணைகளும் 1,000-க்கும் அதிகமான அளவில் பயன்படுத்தப்பட்டுள்ளன.
ஈரானின் குறைந்த விலையிலான ட்ரோன் தாக்குதல்களைச் சமாளிக்க, அமெரிக்கா மிக அதிக விலையுள்ள பேட்ரியாட் ஏவுகணைகளைப் பயன்படுத்தியதால் பெரும் நிதி இழப்பு ஏற்பட்டுள்ளது.
இதன் காரணமாக ஆசியா, மேற்கிழக்காசிய மற்றும் ஐரோப்பிய நாடுகளில் உள்ள அமெரிக்க இராணுவ முகாம்களில் ஆயுதக் கையிருப்பு சரிந்துள்ளது.
கையிருப்பில் குறைந்த ஆயுதங்களை மீண்டும் கொள்முதல் செய்ய கூடுதல் நிதி ஒதுக்குமாறு அமெரிக்க நாடாளுமன்றத்தில் பெண்டகன் கோரிக்கை விடுத்துள்ளது.
இருப்பினும், இந்த ஆயுதங்களை மீண்டும் உற்பத்தி செய்து கிடங்குகளை நிரப்ப நீண்ட காலம் எடுக்கும் எனப் பாதுகாப்பு நிபுணர்கள் கருதுகின்றனர்.
