இணையத்தளம் மூலம் பார்வையிடப்பட்டு கிடைக்கப்பட்ட, கா.பொ.த.சாதாரணதர பரீட்சை முடிவுகளின் அடிப்படையில் மட்டக்களப்பு, மண்முனை வடக்கு கோட்டத்தில் 49 மாணவர்கள் 09 ஏ சித்திகளைப் பெற்றுள்ளனர்.
இதனை மண்முனை வடக்கு கோட்டக்கல்வி பணிப்பாளர் அ.சுகுமாரன் தெரிவித்தார்.
மேலும் 65க்கும் மேற்பட்ட மாணவர்கள் எட்டுப் பாடங்களில் ஏ சித்திகளைப் பெற்றுள்ளதாகவும் கோட்டக்கல்வி பணிப்பாளர் கூறினார்.
குறிப்பாக மட்டக்களப்பு வின்சன்ட் மகளிர் தேசிய பாடசாலையில் 24 மாணவர்கள் ஒன்பது பாடங்களில் ஏ சித்திகளைப் பெற்றுள்ளதுடன் புனித மைக்கேல் கல்லூரியில் 12 மாணவர்கள் 09 பாடங்களில் ஏ சித்திகளைப் பெற்றுள்ளதாகவும் புனித சிசிலியா பெண்கள் கல்லூரியில் 08 மாணவிகள் ஒன்பது பாடங்களில் ஏ சித்திளைப் பெற்றுள்ளதாகவும் அவர் குறிப்பிட்டார்.
இந்த பெறுபேறுகள் அதிகரிக்கலாம் எனவும் பாடசாலைகளுக்கான முடிவுகள் வந்ததன் பின்னர் பூரண விபரங்கள் வெளியிடப்படும் எனவும் கோட்டக்கல்வி பணிப்பாளர் மேலும் தெரிவித்தார்.
அத்துடன் மட்டக்களப்பு மத்தி கல்வி வலயத்திற்குற்பட்ட காத்தான்குடி கல்விக் கோட்டத்தில், 13 மாணவிகளும், 2 மாணவர்களும் 9 ஏ சித்தி பெற்றுள்ளனர் என, காத்தான்குடி பிரதேச கோட்டக் கல்விப் பணிப்பாளர் எம்.ஏ.சீ.எம்.பதுர்தீன் தெரிவித்தார்.
